ຕົ້ນລະດູບານໃໝ່ ປີຈໍ 2018, ແຂກທີ່ມາຈາກສາລະທິດນັບພັນຄົນ ໄດ້ພາກັນໄປນະມັດສະການວັດວາອາຮາມຕ່າງໆໃນແຂວງເງະອານເຊັ່ນ: ວິຫານ ເຈົ້າຊີວິດກວາງຈຸງ ແລະ ວິຫານພະອໍລະຫັນ ຮ່ວາງເມື່ອຍເພື່ອຖະຫວາຍທູບທຽນບູຊາ, ພາວະນາໃຫ້ມີຄວາມຢູ່ເຢັນເປັນສຸກ, ມີຄວາມໂຊກດີໃນປີໃໝ່ ພ້ອມທັງເພື່ອໄປຮັບຊົມທິວທັດ, ທັດສະນີຍະພາບຢູ່ວັດຕ່າງໆ. ນາງ ຫງວຽນທິເຕີມ, ຊາວຫວຽດນາມອາໄສຢູ່ ຢູກະແຣນ ໃຫ້ຮູ້ວ່າ :
“ ຂ້າພະເຈົ້າມາຈາກແດນໄກ. ແຕ່ຂ້າພະເຈົ້າ ພ້ອມກັບທຸກໆຄົນຢູ່ຫ່າງໄກຈາກປະເທດຊາດ ຕ່າງກໍຫວັງອວາຍໜ້າສູ່ກົກເຄົ້າເຫງົ້າກໍ, ຮີດຄອງປະເພນີຂອງບ້ານເກີດເມືອງນອນ, ພິເສດແມ່ນການໄປນະມັດສະການຢູ່ວັດວາອາຮາມຕ່າງໆ, ເພື່ອ ພາວະນາໃຫ້ມີຄວາມຢູ່ເຢັນເປັນສຸກ, ມີຄວາມໂຊກດີໃນປີໃໝ່ ”
ໃນ 3 ມື້ບຸນເຕັດ, ຢູ່ບັນດາປູຊະນີຍະສະຖານ, ວັດວາອາຮາມຕ່າງໆໃນນະຄອນເຫ້ວ ໄດ້ດຶງດູດແຂກທ່ອງທ່ຽວມາຢ້ຽມຊົມເປັນຈຳນວນຫຼວງຫຼາຍ. ນາງ ເຢືອງທູຮ່າ ມາຈາກນະຄອນແທງຮ້ວາ ໃຫ້ຮູ້ວ່າ :
“ ນີ້ເປັນຄັ້ງທຳອິດທີ່ຂ້າພະເຈົ້າມາຢ້ຽມຢາມນະຄອນເຫ້ວ ຊຶ່ງແມ່ນກຸ່ງເກົ່າໃນສະໄໝສັກດີນາ. ບັນຍາກາດຢູ່ທີ່ນີ້ ແມ່ນຄຶກຄື້ນມ່ວນຊື່ນ, ທິວທັດທຳມະຊາດ ສວຍສົດງົດງາມ. ຂ້າພະເຈົ້າໄດ້ພົບເຫັນຊາວຕ່າງປະເທດຢ່າງຫຼວງຫຼາຍ. ”