ຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ຄວນຜັນຂະຫຍາຍການເຄື່ອນໄຫວ ບໍ່ພຽງແຕ່ເບິ່ງແຍງດູແລຊາວໜຸ່ມໃຫ້ເປັນຢ່າງດີເທົ່ານັ້ນ ຫາກຍັງເສີມຂະຫຍາຍກຳລັງໜຸ່ມ, ການອຸທິດສ່ວນຂອງຊາວໜຸ່ມຫວຽດນາມ ອີກດ້ວຍ.
ຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ຄວນຜັນຂະຫຍາຍການເຄື່ອນໄຫວ ບໍ່ພຽງແຕ່ເບິ່ງແຍງດູແລຊາວໜຸ່ມໃຫ້ເປັນຢ່າງດີເທົ່ານັ້ນ ຫາກຍັງເສີມຂະຫຍາຍກຳລັງໜຸ່ມ, ການອຸທິດສ່ວນຂອງຊາວໜຸ່ມຫວຽດນາມ ອີກດ້ວຍ.
ນີ້ແມ່ນຄຳກ່າວປາໄສຊີ້ນຳຂອງທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ຢູ່ກອງປະຊຸມຄົບຄະນະຂອງ ຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ຄັ້ງທີ 1 ພາຍຫຼັງໄດ້ປັບປຸງບູລະນະການຈັດຕັ້ງ ເຊິ່ງໄດ້ດຳເນີນໃນຕອນເຊົ້າວັນທີ 24 ມີນາ, ຢູ່ສຳນັກງານລັດຖະບານ.
ເມື່ອເນັ້ນໜັກເຖິງຄວາມເອົາໃຈໃສ່ຂອງລັດຖະບານ ແລະ ນາຍົກລັດຖະມົນຕີ ຕໍ່ຊາວໜຸ່ມຫວຽດນາມ ແລະວຽກງານຊາວໜຸ່ມ, ທ່ານຮອງນາຍົກລັດຖະມົນຕີ ຫວູດຶກດາມໄດ້ສະເໜີໃຫ້ກະຊວງ, ຂະແໜງການທີ່ກ່ຽວຂ້ອງຄວນສົມທົບກັນຢ່າງແໜ້ນແຟ້ນກັບຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ແລະ ສູນກາງຄະນະຊາວໜຸ່ມ ເພື່ອຜັນຂະຫຍາຍໂຄງການຢ່າງລະອຽດ ແລະ ມີປະສິດທິຜົນ, ຖືກຕ້ອງຕາມເນື້ອໃນຈິດໃຈຊີ້ນຳຂອງລັດຖະບານ. ທ່ານຮອງນາຍົກລັດຖະມົນຕີ ຫວູດຶກດາມສະເໜີວ່າ:
ໃນແຜນການປະຕິບັດຂອງຊາວໜຸ່ມໃນໄລຍະໃໝ່ ແລະ ວຽກງານຜັນຂະຫຍາຍຊຸດດັດສະຊນີສະຖິຕິຂອງຊາວໜຸ່ມ ຫວຽດນາມ, ຂ້າພະເຈົ້າປາດຖະໜາວ່າ ຄະນະຊາວໜຸ່ມຈະນຳໜ້າໃນການປະຕິບັດ, ນຳໃຊ້ເຕັກໂນໂລຢີເຂົ້າໃນວຽກງານຂະບວນການຂອງອົງການຈັດຕັ້ງມະຫາຊົນເພື່ອໃຫ້ແທດຈິງກ່ວາອີກ, ດຶງດູດໄດ້ຜູ້ທີ່ມີຄວາມເກັ່ງກ້າສາມາດ, ຊາວໜຸ່ມຈົບການຮຽນປະເພດດີເລີດ, ວຽກງານນີ້ຕ້ອງໄດ້ຮັບການສົມທົບກັນຢ່າງແໜ້ນແຟ້ນ ລະຫວ່າງອຳນາດການປົກຄອງ ແລະ ອົງການຈັດຕັ້ງມະຫາຊົນ ເພື່ອໃຫ້ຂະບວນການແທດຈິງກ່ວາອີກ.
(ແຫຼ່ງຄັດຈາກ VOV)