ພາບປະກອບ 

ທີ່ການໂອ້ລົມສົນທະນາ “ພື້ນຖານເສດຖະກິດໃນຍຸດທະສາດຫັນເປັນດີຈີຕອນຂອງຫວຽດນາມ ” ໂດຍສະຖາບັນຄົ້ນຄ້ວາເສດຖະກິດ ແລະ ນະໂຍບາຍ (ມະຫາວິທະຍາໄລເສດຖະກິດ, ມະຫາວິທະຍາໄລແຫ່ງຊາດ ຮ່າໂນ້ຍ) ຈັດຕັ້ງຂຶ້ນໃນຕອນບ່າຍວັນທີ 20 ພຶດສະພາ, ທ່ານຫງວຽນອ໊າຍວຽດ, ອະດີດຫົວໜ້າສາຖາບັນເຕັກໂນໂລຢີຂໍ້ມູນຂ່າວສານ, ມະຫາວິທະຍາໄລແຫ່ງຊາດຮ່າໂນ້ຍ, ຖືວ່າ: ເສດຖະກິດພື້ນຖານດີຈີຕອນໄດ້ນຳມາຫຼາຍກາລະໂອກາດປ່ຽນແປງວຽກເຮັດງານທຳໃຫ້ແກ່ຜູ້ອອກແຮງງານ, ຖ້າຫາກວ່າ ວິສາຫະກິດແຕ່ລະແຫ່ງ, ແຕ່ລະຂະແໜງສາມາດເລືອກເອົາບັນດາຮູບແບບເສດຖິດພື້ນຖານດີຈີຕອນ, ນຳໃຊ້ເຕັກໂນໂລຢີເຂົ້າໃນການເຄື່ອນໄຫວຜະລິດ, ດຳເນີນທຸລະກິດ. ທ່ານກ່າວວ່າ:

ການຫັນເປັນດີຈີຕອນຈະນຳເອົາກາລະໂອກາດມາໃຫ້ຫວຽດນາມ. ບັນຫາຂອງພວກເຮົາແມ່ນກຳໄດ້ກາລະໂອກາດນັ້ນຫຼືບໍ່? ຂ້າພະເຈົ້າກໍ່ເຫັນວ່າ ໃນການຫັນເປັນດີຈີຕອນກ່ອນອື່ນໝົດແມ່ນຕ້ອງສ້າງມະນຸດໃນສັງຄົມດີຈີຕອນ, ທີສອງແມ່ນສ້າງສັງຄົມຊຶ່ງວິທີການເຄື່ອນໄຫວຂອງມັນແມ່ນຢູ່ໃນສະພາບແວດລ້ອມແຫ່ງດີຈີຕອນ. ທີ 3 ແມ່ນພື້ນຖານໂຄງລ່າງດີຈີຕອນ ແລະ ສຸດທ້າຍແມ່ນເສດຖະກິດດີຈີຕອນ.

(ແຫຼ່ງຄັດຈາກ VOV)