ເວັບໄຊ Foreignpolicy ຂອງ ອາເມລິກາ ໄດ້ລົງບົດຂຽນໃນວັນທີ 31 ກໍລະກົດ ດ້ວຍຫົວຂໍ້ວ່າ: “ຫວຽດນາມ ສາມາດຮັບປະກັນບົດບາດນຳພາ ອາຊຽນ”.
ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄຳເຫັນໃນກອງປະຊຸມສຸດຍອດ ອາຊຽນ ຄັ້ງທິ 36 (ພາບປະກອບ: TTXVN)
ຕາມບົດຂຽນແລ້ວ, ສະພາບຕົວຈິງໄດ້ສະແດງໃຫ້ເຫັນວ່າ ບັນດາມາດຕະການຮັບມືຢ່າງປະທັບໃຈຂອງຫວຽດນາມ ຕໍ່ໂລກລະບາດໂຄວິດ - 19 ມາຮອດຈຸດເວລານີ້ແມ່ນໄດ້ຮັບຄວາມເຄົາລົບ ແລະ ຢັ້ງຢືນຈາກບັນດາປະເທດໃນໂລກ. ບັນດານັກເສດຖະກິດຈາກທະນາຄານໂລກ, ກອງທຶນເງິນຕາສາກົນ ແລະ ທະນາຄານພັດທະນາ ອາຊີ ໄດ້ຄາດຄະເນວ່າ ຫວຽດນາມ ມີບັນດາໂອກາດດີທີ່ສຸດໃນພາກພື້ນເພື່ອຫຼຸດພົ້ນອອກຈາກວິກິດການເສດຖະກິດໃນໄລຍະຫຼັງໂຄວິດ - 19. ນີ້ແມ່ນການຫັນປ່ຽນທີ່ສຳຄັນກ່ຽວກັບທີ່ຕັ້ງບົດບາດຂອງຫວຽດນາມ ໃນ ອາຊຽນ.
(ແຫຼ່ງຄັດຈາກ VOV)