ວັນທີ 8 ທັນວາ, ຢູ່ເຂດ ເສດຖະກິດ ຫວູງອາງ (ເທດສະບານ ກີ່ແອງ, ແຂວງ ຮ່າຕິງ), ກຸ່ມບໍລິສັດ Vingroup ຈັດຕັ້ງພິທີເລີ່ມລົງມືກໍ່ສ້າງໂຄງການກໍ່ສ້າງໂຮງງານຜະລິດລົດໂອໂຕໄຟຟ້າ VinFast ດ້ວຍກຳລັງການຜະລິດອອກແບບໄລຍະ 1ແມ່ນ 300.000 ຄັນ/ປີ, ອາດສາມາດຍົກຂຶ້ນແມ່ນ 600.000 ຄັນ/ປີ.
ພິທີເລີ່ມລົງມືກໍ່ສ້າງໂຄງການກໍ່ສ້າງໂຮງງານຜະລິດລົດໂອໂຕໄຟຟ້າ VinFast
ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ເຈີນຮົ່ງຮ່າ ໃຫ້ຮູ້ວ່າ: ເຫດການໃນມື້ນີ້ ເປັນຂີດໝາຍແຫ່ງການເລີ່ມຕົ້ນຂອງໂຄງການທີ່ມີຂອບຂະຫນາດໃຫຍ່, ເຕັກໂນໂລຊີທັນສະໄຫມ, ວິໄສທັດຍຸດທະສາດຂອງແຂວງ ຮ່າຕິງ ແລະ ນັກລົງທຶນໃນການພັດທະນາອຸດສາຫະກຳແບບຍືນຍົງ, ທັນສະໄຫມ, ຕິດພັນກັບທ່າອ່ຽງໂລກາພິວັດ, ຫັນເປັນດິຈີຕອນ, ຫັນເປັນສີຂຽວ, ເຕັກໂນໂລຊີສູງ. ຮ່າຕິງ ພວມມານະພະຍາຍາມໃນວິວັດການຫັນວິໄສທັດ, ຄວາມຄາດຫວັງກາຍເປັນແຂວງພັດທະນາຮອບດ້ານກ່ຽວກັບອຸດສາຫະກຳທັນສະໄຫມ, ສີຂຽວ ແລະ ອັດສະລິຍະໃຫ້ປະກົດຜົນເປັນຈິງ. ຄາດວ່າ ໂຮງງານ VinFast ຮ່າຕິງ ຈະໄດ້ຮັບການກໍ່ສ້າງສຳເລັດໄລຍະ 1 ໃນເດືອນກໍລະກົດປີ 2025.