ຕອນບ່າຍວັນທີ 28 ທັນວາ, ຢູ່ຮ່າໂນ້ຍ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທງເໝີນ ໄດ້ຕ້ອນຮັບຄະນະຜູ້ແທນ ຫ້ອງການສັງຄົມ ສະຫະພັນລັດເຊຍ ໂດຍທ່ານ Sergey Aleksandrovich, ຮອງຫົວໜ້າຫ້ອງການດັ່ງກ່າວ ເປັນຫົວໜ້າຄະນະ.
(ທ່ານ ເຈິ່ນແທງເໝີນ ຕ້ອນຮັບທ່ານ Sergey Aleksandrovich)
ທີ່ການຕ້ອນຮັບ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທງເມີນ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນ, ໃຫ້ບູລິມະສິດໃນການປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ, ຊຸກຍູ້ການຮ່ວມມືໃນທຸກຂົງເຂດຢ່າງມີປະສິດທິຜົນ ແລະ ແທດຈິງ.
ທ່ານ ເຈິ່ນແທງເໝີນ ຕີລາຄາສູງ ຫ້ອງການສັງຄົມ ສະຫະພັນລັດເຊຍ ໄດ້ສະໜັບສະໜູນປະຊາຄົມຊາວຫວຽດນາມ ທີ່ພວມດຳລົງຊີວິດຢູ່ສະຫະພັນລັດເຊຍ ແລະ ສະເໜີ ຫ້ອງການສັງຄົມ ສະຫະພັນລັດເຊຍ ສືບຕໍ່ມີບັນດາການເຄື່ອນໄຫວສະໜັບສະໜູນ, ສ້າງເງື່ອນໄຂສະດວກ ໃຫ້ປະຊາຄົມຊາວຫວຽດນາມທີ່ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ສະຫະພັນລັດເຊຍ.
ທ່ານ ເຈິ່ນແທງເໝີນ ປາດຖະໜາວ່າໃນໄລຍະຈະມາເຖິງ, ສອງຝ່າຍຈະເພີ່ມທະວີການຮ່ວມມື, ແລກປ່ຽນບົດຮຽນໃນຂົງເຂດຄຸ້ມຄອງສັງຄົມ, ປະກອບສ່ວນລາຍງານ ທັດສະນະຄຳເຫັນ ແລະ ຄວາມມຸ່ງຫວັງຂອງປະຊາຊົນ ເຖິງອຳນາດການປົກຄອງຂັ້ນຕ່າງໆ, ສ້າງກົດໝາຍ, ໄຈ້ແຍກຕີລາຄາ ແລະ ຕິດຕາມກວດກາການປະຕິບັດບັນດານະໂຍບາຍ.
(ແຫຼ່ງຄັດຈາກ VOV)