ທ່ານນາຍົກລັດຖະມົນຕີ ຫງວຽນຊວນຟຸກ ກວດກາເປັນຄັ້ງທີ 2 ສູນໜັງສືພິມສາກົນ
ຮັບໃຊ້ໃຫ້ກອງປະຊຸມສຸດຍອດ ສ ອາເມລິ ກາ-ສປປ ເກົາຫຼີ ໃນຕອນຄຳ່ວັນທີ 24 ກຸມພາ. ພາບ: ຖົ໋ງເຍີດ/VNA
 

ຕອນບ່າຍວັນທີ 24 ກຸມພາ 2019, ພາຍຫຼັງການເຮັດວຽກກັບກະຊວງການຕ່າງປະເທດ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການເຮັດວຽກກັບຫ້ອງການລັດຖະບານ ກ່ຽວກັບ ວຽກງານກະກຽມໃຫ້ແກ່ກອງປະຊຸມສຸດຍອດ ຄັ້ງທີ 2 ລະ ຫວ່າງ ສ ອາເມລິກາ-ສປປ ເກົາຫຼີ. ຕອນຄຳ່ໃນວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມາກວດກາ ຄັ້ງທີ 2 ວຽກງານກະກຽມທີ່ສູນໜັງສືພິມສາກົນຢູ່ຫໍວັດທະນະທຳມິດຕະພາບ. 

ທີ່ການເຮັດວຽກກັບຫ້ອງວ່າການລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເນັ້ນໜັກເຖິງ ຄວາມສຳຄັນ ແລະ ຄວາມໝາຍອັນຍິ່ງໃຫຍ່ຂອງກອງປະຊຸມສຸດຍອດ ສ ອາເມລິກາ-ສປປ ເກົາຫຼີ ຄັ້ງທີ 2; ນີ້ເປັນເຫດການ ທາງການເມືອງ, ການຕ່າງປະເທດ ທີ່ມີຄວາມໝາຍແຖວໜ້າຂອງປະເທດ ໃນປີ 2019.
 
ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາພາກສ່ວນທີ່ກ່ຽວຂ້ອງ ຕ້ອງສຳເລັດວຽກງານຕ້ອນຮັບເປັນຢ່າງດີ, ສະແດງໃຫ້ໄດ້ ມູນເຊື້ອ, ຮູບພາບປະເທດຊາດ, ຜູ້ຄົນ ຫວຽດນາມ ທີ່ໃກ້ຊິດ, ຮັກແຂກແພງຄົນຜ່ານກິລິຍາມາລະຍາດ ຂອງພະນັກງານ, ຜູ້ອອກແຮງງານ ຫວຽດນາມ.

ຕອນຄຳ່ວັນທີ 24 ກຸມພາ, ທ່ານນາຍົກລັດຖະມົນຕີ ສືບຕໍ່ທຳການກວດກາວຽກງານກະກຽມທີ່ສູນໜັງສືພິມສາກົນຮັບໃຊ້ໃຫ້ແກ່ກອງປະຊຸມສຸດຍອດ ສ ອາເມລິກາ-ສປປ ເກົາຫຼີ ເປັນຄັ້ງທີ 2 ເພ່ືອກວດກາບັນດາວຽກງານທີ່ທ່ານນາຍົກລັດຖະມົນຕີໄດ້ມອບ ໝາຍໃຫ້ໃນຕອນເຊົ້າຂອງວັນດຽວກັນ.

ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ຄະນະກຳມະການ ປະຊາຊົນນະຄອນ ຮ່າໂນ້ຍ ຕ້ອງສືບຕໍ່ປະດັບປະດາຢູ່ ສູນໜັງ ສືພິມສາກົນ ເພື່ອສ້າງຄວາມປະທັບໃຈ ໃຫ້ແກ່ຜູ້ ເຂົ້າຮ່ວມ.

ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ກະຊວງ ວັດທະນະທຳ, ກິລາ ແລະ ທ່ອງທ່ຽວ ຕ້ອງເອົາໃຈໃສ່ເຖິງວຽກງານໂຄສະນາການ ທ່ອງທ່ຽວ; ຖືວ່າ ນີ້ເປັນໂອກາດພິເສດໃຫ້ແກ່ການທ່ອງທ່ຽວເພື່ອ ໂຄສະນາຮູບພາບກ່ຽວກັບປະເທດ ຫວຽດນາມ ທີ່ໃກ້ຊິດ,ມິດຕະພາບ, ສຸພາບ, ປອດໄພ ກັບນັກທ່ອງທ່ຽວ. 

ປະຕິບັດໂດຍ: VNA/VNP