ໃນຊຸມປີມໍ່ໆ ມານີ້, ການປ່ຽນແປງຂອງດິນຟ້າອາກາດ ແລະ ການເຄື່ອນທີ່ກໍ່ສ້າງເປືອກໜ່ວຍ ໂລກ ໄດ້ເຮັດໃຫ້ ຫວຽດນາມ ທີ່ເວົ້າລວມ ແລະ ໂດຍສະເພາະແມ່ນເມື່ອງ ບັກຈ່າມີ ຂອງແຂວງ ກວ່າງນາມ ເກີດໄພແຜ່ນດິນໄຫວ, ສ້າງຜົນສະທ້ອນເຖິງຊີວິດການເປັນຢູ່ຂອງຊາວທ້ອງຖິ່ນຢ່າງ ໜັກໜ່ວງ.
ຍ້ອນແນວນັ້ນ, ທ້າຍເດືອນສິງຫາທີ່ຜ່ານມາ, ແຂວງ ກວ່າງນາມ ໄດ້ມີການສົມທົບກັບທະຫານ ເຂດ 5 ແລະ ບັນດາກະຊວງ, ຂະແໜງການທີ່ກ່ຽວຂ້ອງຈັດຕັ້ງ “ການເຝິກແອບຮັບມື ກັບແຜ່ນດິນໄຫວ ແລະ ການຊ່ວຍເຫຼືອກູ້ໄພອັນຕະລາຍທີ່ເມືອງ ບັກຈ່າມີ”.
ນີ້ແມ່ນການເຝິກ ແອບຮັບມືກັບແຜ່ນດິນໄຫວຄັ້ງທຳອິດ ແລະ ມີຂະໜາດໃຫຍ່ທີ່ສຸດໃນທົ່ວ ປະເທດ ດ້ວຍ ການເຂົ້າຮ່ວມຂອງຊາວທ້ອງຖິ່ນເກືອບ 2.000 ຄົນ.
ຮອງຫົວໜ້າເສນາທິການທະຫານເຂດ 5, ພົນຈັດຕະວາ ຫງວຽນວຽດຮວ່າງ ໃຫ້ຮູ້ວ່າ: “ນີ້ແມ່ນ ການ ເຝິກແອບຮັບມືກັບແຜ່ນດິນໄຫວຄັ້ງທຳອິດໃນທົ່ວປະເທດ, ສະນັ້ນ ຍັງປະສົບຄວາມຫຍຸ້ງ ຍາກ ໃນຫຼາຍ ດ້ານ, ແຕ່ຈາກກຳລັງໃຈຂອງຊາວ ບັກຈ່າມີ ໄດ້ຊ່ວຍເຮັດໃຫ້ກຳລັງປະຕິບັດງານ ສາມາດສຳເລັດໜ້າທີ່. ເຖິງວ່າ ຊີວິດການເປັນຢູ່ຂອງພໍ່ແມ່ປະຊາຊົນຢູ່ທີ່ນີ້ ຍັງທຸກຍາກລຳບາກ, ແຕ່ເມື່ອໃຊ້ຄ່າເສຍຫາຍ ໃຫ້ການເຝິກແອບ, ເຂົາເຈົ້າພຽງແຕ່ເອົາສ່ວນໃດສ່ວນໜຶ່ງເທົ່ານັ້ນ, ບາງຄົນບໍ່ເອົາເງິນຈັກດົ່ງເລີຍ”.
ຈາກກຳລັງໃຈ, ພ້ອມກັບຫົວຄິດປະດິດສ້າງ, ຄວາມສາມາດໃນການບໍລິຫານງານ, ການສົມທົບ ລະຫວ່າງ ບັນດາກຳລັງຂອງທະຫານເຂດ 5, ຄະນະບັນຊາການທະຫານແຂວງ ກວ່າງນາມ… ໄດ້ເຮັດໃຫ້ ພວກຂ້າພະເຈົ້າຕົກໃຈຕໍ່ຄວາມສາມາດຮັບມືກັບໄພແຜ່ນດິນໄຫວໃນການເຝິກແອບ ທີ່ຜ່ານມາ. ອາດສາມາດເວົ້າໄດ້ວ່າ ການເຝິກແອບແມ່ນວິທີການໂຄສະນາເຜີຍແຜ່, ສຶກສາທີ່ມີ ປະສິດທິຜົນກ່ຽວກັບສະຕິຮູ້ສຶກ ຮັບຜິດຊອບຂອງບັນດາຂະແໜງການ, ປະຊາຊົນໃນການ ສະກັດກັ້ນ, ພ້ອມແລ້ວຮັບມືກັບໄພແຜ່ນດິນໄຫວ.
ບົດ: ຖາວວີ - ພາບ: ຫວຽດເກື່ອງ
|