ດ້ວຍຄວາມພະຍາຍາມໂຄສະນາ ແລະ ແນະນຳຂ່າວພາບ ຫວຽດ ນາມ ສູ່ເພື່ອນມິດສາກົນ ຂອງອົງການ ຜູ້ຕາງໜ້າສຳນັກ ຂ່າວສານ ຫວຽດນາມ ປະຈຳບັນດາປະເທດຄື: ອັງກິດ, ສ ອາເມລິກາ, ອາຟຼິກາໃຕ້, ສປ ຈີນ, ກູບາ... ແລະ ຄຳຕິຊົມໃນແງ່ດີ ຂອງບັນດາທ່ານຜູ້ອ່ານໃນ 5 ທະວີບ ເບິ່ງຄືວ່າ ໄດ້ສ້າງກຳລັງແຮງໃຫ້ແກ່ຜູ້ທີ່ປະຕິບັດພາລະກິດ: ນຳພາບພົດ ຂອງ ຫວຽດນາມ ໄປສູ່ເພື່ອນມິດສາກົນ ໃນຕະຫຼອດ ເວລາ 70 ປີ ຜ່ານມາ.
ດ້ວຍຄວາມພະຍາຍາມໂຄສະນາ ແລະ ແນະນຳຂ່າວພາບ ຫວຽດນາມ ສູ່ເພື່ອນມິດສາກົນ ຂອງອົງການ ຜູ້ຕາງໜ້າສຳນັກ ຂ່າວສານ ຫວຽດນາມ ປະຈຳບັນດາປະເທດຄື: ອັງກິດ, ສ ອາເມລິກາ, ອາຟຼິກາໃຕ້, ສປ ຈີນ, ກູບາ... ແລະ ຄຳຕິຊົມໃນແງ່ດີ ຂອງບັນດາທ່ານຜູ້ອ່ານໃນ 5 ທະວີບ ເບິ່ງຄືວ່າ ໄດ້ສ້າງກຳລັງແຮງໃຫ້ແກ່ຜູ້ທີ່ປະຕິບັດພາລະກິດ: ນຳພາບພົດ ຂອງ ຫວຽດນາມ ໄປສູ່ເພື່ອນມິດສາກົນ ໃນຕະຫຼອດ ເວລາ 70 ປີ ຜ່ານມາ.
ລອນດອນ (ລາຊະອານາຈັກ ອັງກິດ)
ນັກຂ່າວ ຫງວຽນທິມິງເຮີບ, ຫົວໜ້າອົງການຜູ້ຕາງໜ້າ ສຳ ນັກຂ່າວສານ ຫວຽດນາມ ປະຈຳຢູ່ ລອນດອນ ໄດ້ມອບ ວາລະ ສານຂ່າວພາບ ຫວຽດນາມ ສະບັບພາສາ ອັງກິດ ໃຫ້ແກ່ທ່ານ ເລຂາທິການໃຫຍ່ ອົງການການເດີນທະເລ ສາກົນ (IMO) Arsenio Dominguez ທີ່ສໍານັກງານໃຫຍ່ IMO ຢູ່ ລອນດອນ. ພາບ: VNA
ປີ 2021, ພວກຂ້າພະເຈົ້າໄດ້ຕິດຕາມຂ່າວ ຜ່ານຊ່ອງໂທລະພາບ ຂອງ ສຳນັກຂ່າວສານ ຫວຽດນາມ ແລະ ຮູ້ສຶກປາບປຶ້ມໃຈເມື່ອເຫັນແຂກ ທ່ີມາຮ່ວມງານພົບປະ ຫວຽດນາມ ຢູ່ Newhaven, ເວລາໄປຊົມງານວາງສະແດງຮູບພາບ ໃນມືໄດ້ຖື ວາລະສານຂ່າວພາບ ຫວຽດນາມ ສະບັບພາສາ ອັງກິດ. ໂອ້ລົມກັບນັກຂ່່າວ ຫງວຽນທິມິງເຮີບ, ຫົວໜ້າອົງການຜູ້ຕາງໜ້າສຳນັກຂ່າວສານ ຫວຽດນາມ ປະຈຳຢູ່ ລອນດອນ ພວກຂ້າພະເຈົ້າ ໄດ້ຮູ້ວ່າ ອົງການຜູ້ຕາງໜ້າສຳນັກຂ່າວ ສານ ຫວຽດນາມ ປະຈຳ ຢູ່ ລອນດອນ ໄດ້ສົມທົບກັບສະຖານທູດ ຫວຽດນາມ ປະຈຳ ອັງກິດ ຈັດຕັ້ງງານວາງສະແດງ ແລະ ມອບວາລະສານ ຂ່າວພາບ ຫວຽດນາມ ໃຫ້ແກ່ຜູ້ອ່ານ. ພຽງແຕ່ສອງສາມຄຳທີ່ ນັກຂ່່າວ ເຮີບ ລົງໃນເຟສບຸກ ສ່ວນຕົວວ່າ: “ຂ່າວພາບ ຫວຽດນາມ ແພງຄືກັບກຸ້ງສົດ” ໄດ້ເຮັດໃຫ້ ພວກຂ້າພະເຈົ້າຮູ້ສຶກອົບອຸ່ນໃຈ ໃນສະຖານະການ ທີ່ ຫ້ອງບັນນາທິການພວມເຮັດວຽກ ໃນຊຸມວັນ ປະຕິບັດການ ຫ່າງໄກສັງຄົມຍ້ອນການແຜ່ລະບາດ ຂອງ Covid-19.
ນັກຂ່່າວ ຫງວຽນທິມິງເຮີບ ຍັງໄດ້ແບ່ງປັນຄຳຄິດເຫັນ ຂອງທ່ານຜູ້ອ່ານ ຫຼັງຈາກທີ່ອ່ານຂ່າວພາບ ຫວຽດນາມ ວ່າ “ມັນຄືຫຼົງທາງ ໃນການເດີນທາງຄົ້ນພົບບັນດາ ແຫຼ່ງທ່ອງທ່ຽວທີ່ໜ້າຈັບໃຈ ຂອງ ຫວຽດນາມ”.
“ຫວຽດນາມ ໃນວາລະສານຂ່າວພາບ ຫວຽດນາມ ແມ່ນງາມຫຼາຍ, ທັງດ້ານພູມພາບ ແລະ ສີສັນວັດທະນະທຳ”.
ທ່ານ Carlos Bessa Dos Santos ຢູ່ນະຄອນຫຼວງ Brasilia (ບຣາຊິນ)
ວໍຊິງຕັນ (ສ ອາເມລິກາ)
ໃນອີກດ້ານໜຶ່ງ ຂອງ ຊີກໂລກ, ນັກຂ່່າວ ດັ້ງທິທູຮວ່ຽນ, ຫົວໜ້າອົງການຜູ້ຕາງໜ້າ ສຳນັກຂ່າວສານ ຫວຽດນາມ ປະຈຳ ວໍຊິງຕັນ (ສ ອາເມລິກາ) ໃຫ້ຮູ້ວ່າ: ຂ່າວພາບ ຫວຽດນາມ ແມ່ນຂອງຂວັນທີ່ຂາດບໍ່ໄດ້ ເພື່ອມອບໃຫ້ບັນດາຜູ້ຊ່ຽວຊານ ໃນເວລາໃຫ້ສຳພາດ, ເພື່ອແນະນຳກ່ຽວກັບ ຫວຽດນາມ ຂະຫຍັນຂັນເຄື່ອນ, ສີສັນວັດທະນະທຳ ມີຫຼາຍຮູບແບບ. ອີກດ້ານໜຶ່ງ, ນັກຂ່່າວ ທູຮວ່ຽນ ພ້ອມກັບອົງ ການຜູ້ຕາງໜ້າສຳນັກ ຂ່າວສານ ຫວຽດນາມ ປະຈຳ ວໍຊິງຕັນ ຍັງໄດ້ ສົມທົບກັບສະຖານທູດ ຫວຽດນາມ ປະຈຳ ສ ອາເມລິກາ ຈັດຕັ້ງງານວາງສະແດງ, ແນະນຳ ແລະ ມອບວາລະສານຂ່າວພາບ ຫວຽດນາມ ຢູ່ບັນດາງານວາງສະແດງ, ວັນວັດທະນະທຳ ຫວຽດ ນາມ, ວັນວັດທະນະທຳ ບັນດາປະເທດ ASEAN... ເປັນປະຈຳ ແລະ ໄດ້ຮັບຄຳຍ້ອງຍໍວ່າ ຮູບພາບທີ່ສວຍງາມ, ເນື້ອໃນທີ່ຫຼາກຫຼາຍ ແລະ ເປັນເອກະລັກ ຈາກບັນດາທ່ານຜູ້ອ່ານ.
ທ່ານເອກອັກຄະລັດຖະທູດ ຫວຽດນາມ ປະຈຳ ອາຟຣິກາໃຕ້ ຮວ່າງສີເກື່ອງ ມອບວາລະສານຂ່າວພາບ ຫວຽດນາມ ໃຫ້ທ່ານຮອງລັດຖະມົນຕີຫ້ອງການປະທານາທິບໍດີ ອາຟຣິກາໃຕ້ Kenneth Morolong ເນື່ອງໃນໂອກາດສະເຫຼີມສະຫຼອງ 79 ປີ ວັນຊາດ ສາທາລະນະລັດ ສັງຄົມນິຍົມ ຫວຽດນາມ (2/9/1945-2/09/2024) ທີ່ ນະຄອນຫຼວງ Pretoria, ສາທາລະນະລັດ ອາຟຣິກາໃຕ້. ພາບ: ຮົ່ງມິນ/VNA
La Habana (ກູບາ)
ນັກຂ່່າວ ເລທູຮ່ຽນ, ນັກຂ່າວສຳນັກຂ່າວສານ ຫວຽດນາມ ປະຈຳ La Habana (ກູບາ) ມີວິທີໂຄສະນາ ທີ່ເປັນເອກະລັກ ສະເພາະ ໃນງານວາງສະແດງປຶ້ມສາກົນ La Habana 2019. ຫວຽດນາມ ເປັນແຂກຮັບເຊີນທີ່ມີກຽດ, ສະນັ້ນ ອົງການຜູ້ຕາງໜ້າສຳນັກຂ່າວສານ ຫວຽດນາມ ປະຈຳ La Habana ໄດ້ສົມທົບກັບ ສຳນັກຂ່າວສານ Prensa Latina ໄດ້ຈັດຕັ້ງການນໍາສະເໜີວາລະສານ ຂ່າວພາບ ຫວຽດນາມ ສະບັບພາສາ ແອັດສະປາຍ ໃນມື້ໜຶ່ງຕ່າງຫາກ. ການແນະນຳໄດ້ດຶງດູດຊາວ ກູບາ ມາເຂົ້າຮ່ວມເປັນຈຳນວນຫຼວງຫຼາຍ. ຜູ້ອ່ານ ກູບາ ຫຼາຍຄົນໃຫ້ຮູ້ວ່າ ເຂົາເຈົ້າໄດ້ຮັບຮູ້ກ່ຽວກັບ ຫວຽດນາມ ໃນປັດຈຸບັນຫຼາຍກວ່າ, ມີຄວາມເຂົ້າໃຈຢ່າງເລິກເຊິ່ງກ່ຽວກັບວັດ ທະນະທຳ, ເສດຖະກິດ, ຜູ້ຄົນ ແລະ ສິລະປະ ຫວຽດນາມ.
ນອກຈາກນັ້ນ, ໃນຖານະທີ່ເປັນຜູ້ຕາງໜ້າຂ່າວພາບ ຫວຽດນາມ ປະຈຳ ກູບາ, ແຕ່ລະເດືອນ, ນັກຂ່່າວ ທູຮ່ຽນ ຍັງຄົງເກັບມ້ຽນ 10 ສະບັບ ໃຫ້ໂຮງຮຽນປະຖົມ 2 ແຫ່ງ ທີ່ໃກ້ກັບຫ້ອງການ. ທ່ານນາງໃຫ້ວ່າ ບັນດາຄູສອນ ມັກອ່ານ ຂ່າວພາບ ຫວຽດນາມ ເພາະວ່າ ເຂົາເຈົ້າ ຈະໄດ້ຮັບຫຼາຍ ບົດບັນຍາຍທີ່ມີຊີວິດຊີວາກວ່າ ສໍາລັບນັກ ຮຽນ ກ່ຽວກັບປະເທດ ຫວຽດນາມ, ປະເທດທີ່ຜູ້ນໍາທີ່ແສນຮັກແພງຂອງເຂົາເຈົ້າ ໄດ້ກ່າວຄຳໜຶ່ງທີ່ເປັນອະມະຕະ: “ເພື່ອ ຫວຽດນາມ, ກູບາ ສາມາດໃຫ້ ແມ່ນແຕ່ເລືອດ ຂອງຕົນ”.
ວາລະສານຂ່າວພາບ ຫວຽດນາມ ໄດ້ວາງສະແດງຢູ່ສະ ຖານກົງສຸນກຽດຕິຍົດ ຫວຽດນາມ ຢູ່ນະຄອນ Dublin ປະເທດ ໄອແລນ, ໄດ້ດຶງດູດຄວາມສົນໃຈຈາກຜູ້ອ່ານ. ພາບ: VNA
ວາງລະສານຂ່າວພາບ ຫວຽດນາມ ໃນເດືອນ ກັນຍາ 2024 ສະບັບພາສາ ແອັດສະປາຍ ໄດ້ແຈກຢາຍໃຫ້ບັນດາຜູ້ແທນທີ່ເຂົ້າຮ່ວມງານສຳມະນາສາກົນປະຈຳປີ “ບັນດາພັກການເມືອງ ແລະ ສັງຄົມໃໝ່” ຄັ້ງທີ XXVIII ຢູ່ນະຄອນຫຼວງ Mexico City. ພາບ: ເອກະສານ
“ວາລະສານຂ່າວພາບ ຫວຽດນາມ ແມ່ນຂົວຕໍ່ ຊ່ວຍໃຫ້ ຜູ້ອ່ານຄົ້ນພົບ ແລະ ເຂົ້າໃຈຢ່າງເລິກເຊິ່ງກວ່າ ກ່ຽວກັບຄວາມພະຍາຍາມຮັກສາ ບັນດາວິທີການ ແລະ ແບບແຜນສະແດງ ສິລະປະພື້ນເມືອງ ຂອງ ຫວຽດນາມ”.
ທ່ານ Kyril Whittaker ນັກຄົ້ນຄວ້າ ປະຫວັດສາດ ແລະ ການເມືອງ ຫວຽດນາມ, ສະມາຊິກພັກກອມມູນິດ ອັງກິດ.Pretoria (ອາຟຣິກາໃຕ້)
ເມື່ອຫາກໍ່ມາຮັບໜ້າທີ່ໃໝ່ໆ, ຫົວໜ້າອົງການຜູ້ຕາງໜ້າສຳນັກຂ່າວສານ ຫວຽດນາມ ປະຈຳຢູ່ Pretoria (ອາຟຼິກາໃຕ້) ນັກຂ່່າວ ລ້າຍ ຮົ່ງມິນ ໄດ້ນຳເອົາວາລະສານຂ່າວພາບ ຫວຽນດາມ ສະບັບໃໝ່ ໄປມອບໃຫ້ບັນດາຜູ້ທີ່ເພິ່ນສຳພາດ ເນື່ອງໃນໂອກາດສະເຫຼີມສະຫຼອງ 100 ປີແຫ່ງວັນສ້າງຕັ້ງພັກກອມມູນິດ ອາຟຼິກາໃຕ້ (ວັນທີ 1 ສິງຫາ) ແລະ ວັນມໍລະດົກ ອາຟຼິກາໃຕ້ (ວັນທີ 24 ກັນຍາ 2021). ຖົງຂອງຂວັນມີວາລະສານຂ່າວພາບ ຫວຽດນາມ ໄດ້ເຮັດໃຫ້ຜູ້ຮັບ ຮູ້ສຶກ ດີ ໃຈຫຼາຍ. ໃນຈົດໝາຍ ຝາກມາຫາຫ້ອງການ, ນັກຂ່່າວ ລ້າຍຮົ່ງມິນ ແບ່ງປັນວ່າ: “ເມື່ອມອບຂອງຂວັນ, ຂ້າພະເຈົ້າແນະນຳວ່າ ນີ້ແມ່ນໜຶ່ງໃນບັນດາຜະລິດຕະພັນການພິມ ພົວພັນຕ່າງປະເທດ ຂອງສຳ ນັກຂ່າວສານ ຫວຽດນາມ. ເມື່ອຟັງຂ້າພະເຈົ້າແນະນຳຮູບພາບ ຜູ້ຄົນ ແລະ ປະເທດ ຫວຽດນາມ ຢູ່ໜ້າໜັງສືພິມ, ຫຼາຍຄົນຮູ້ສຶກປະ ທັບໃຈ ແລະ ຕື່ນເຕັ້ນ, ເຫັນວ່າ ຫວຽດນາມ ເປັນແບບນັ້ນ, ຫວຽດ ນາມ ງາມຫຼາຍ”. ມີຜູ້ອ່ານຫຼາຍຄົນໄດ້ເວົ້າກັບທ່ານນາງ ຮົ່ງມິນ ວ່າ ເມື່ອອ່ານວາລະສານຂ່າວພາບ ຫວຽດນາມ ແມ່ນຄ້າຍຄືກັບການໄປທ່ອງທ່ຽວຢູ່ ຫວຽດນາມ, ພົບປະກັບຊາວ ຫວຽດນາມ ແລະ ກິນບັນດາເຍື່ອງອາຫານ ຫວຽດນາມ ໂດຍກົງ.
ແມ່ຂອງນັກຂ່່າວ ລ້ານຮົ່ງມິນ ໄດ້ເຮັດວຽກຢູ່ວາລະສານ ຂ່າວພາບ ຫວຽດນາມ ເປັນເວລາຫຼາຍປີ. ໃນໄວເດັກ, ເພິ່ນໄດ້ຕິດພັນກັບການໄປຫ້ອງການຂອງແມ່, ໄດ້ເຫັນພະນັກງານໃນຫ້ອງການລ້າງຟີມ, ອ່ານ maket. ສະນັ້ນ, ການເຜີຍແຜ່ໂຄສະນາວາລະສານ ຂ່າວພາບ ຫວຽດນາມ ເມື່ອໄດ້ຮັບໂອກາດ ກໍ່ຈະເປັນໄປແບບທໍາມະຊາດແລະ ອົບອຸ່ນ.
ນັກຂ່າວ ເລທິເຕີມຮັ່ງ ໄດ້ມອບວາລະສານຂ່າວພາບ ຫວຽດນາມ ໃຫ້ແກ່ຜູ້ອຳນວຍການສູນ ASEAN ຢູ່ມະຫາວິ ທະຍາໄລ ພົວພັນສາກົນ MGIMO ຂຶ້ນກັບ ກະຊວງການຕ່າງ ປະເທດ ລັດເຊຍ Ekaterina Koldunova. ພາບ: VNA
ມີຄັ້ງໜຶ່ງ, ຜູ້ອ່ານຊາວ ອາຟຣິກາໃຕ້ ຄົນໜຶ່ງໄດ້ຖາມທ່ານ ນາງ ຮົ່ງມິນ ວ່າ: “ແມ່ນແທ້ບໍ ທີ່ຂ້ອຍໄດ້ຮັບວາລະສານ ສະບັບນີ້? ຮູບພາບຕ່າງໆ ແມ່ນງາມຫຼາຍ”.
ປັກກິ່ງ (ຈີນ)
ເວົ້າເຖິງເລື່ອງໂຄສະນາ ແລະ ແນະນຳວາລະສານຂ່າວພາບ ຫວຽດ ນາມ, ພວກເຮົາຕ້ອງເວົ້າເຖິງນັກຂ່່າວ ຮ່າເຕື່ອງທູ, ອະດີດຫົວໜ້າຫ້ອງການຜູ້ຕາງໜ້າສຳນັກ ຂ່າວສານ ຫວຽດນາມ ປະຈຳຢູ່ ປັກກິ່ງ (ສປ ຈີນ). ເປັນນັກບັນນາທິການເຮັດວຽກຢູ່ວາລະສານຂ່າວພາບ ຫວຽດນາມ ກ່ອນຈະໄປປະຈຳຢູ່ ປັກກິ່ງ, ນັກຂ່່າວ ເຕື່ອງທູ ເຊື່ອໝັ້ນວ່າ ຂ່າວພາບ ຫວຽດນາມ ແມ່ນຂອງຂວັນ, “ແມ່ນຈຸດເລີ່ມ ຕົ້ນຂອງການພົວພັນ” ທີ່ບັນດານັກຂ່າວປະຈຳຢູ່ຕ່າງປະເທດ ເອົາໄປນຳ ໃນເວລາໄປ ສຳພາດ ແລະ ເຂົ້າຮ່ວມບັນດາເຫດການ. ນັບແຕ່ປີ 2013 ເປັນຕົ້ນມາ, ເມື່ອມາຮອດ ປັກກິ່ງ ເພື່ອຮັບໜ້າທີ່, ເພິ່ນໄດ້ຂຽນຈົດໝາຍຮຽກ ຮ້ອງໃຫ້ບັນນາທິການໃຫຍ່ ສະໜອງວາລະສານຕື່ມອີກ 20 ສະບັບຕໍ່ເດືອນ. ນັກຂ່່າວ ເຕື່ອງທູ ໃຫ້ຮູ້ວ່າ: “ເຫັນຂ້າ ພະເຈົ້າເອົາວາລະ ສານຂ່າວພາບ ຫວຽດນາມ ໄປນຳໃນການປະຕິ ບັດງານແຕ່ລະເທື່ອ, ເພື່ອນຮ່ວມງານທຸກຄົນມີຄວາມສົງໄສ ແລະ ຄິດວ່າ ອັນນີ້ “ບໍ່ຈຳເປັນ”. ແຕ່ເຖິງຢ່າງໃດກໍໍ່ຕາມ, ຂ້າພະເຈົ້າບໍ່ເຄີຍຮູ້ ສຶກລັງເລໃຈຈັກເທື່ອ, ຂ້າພະເຈົ້າດີໃຈທີ່ໄດ້ແບ່ງປັນວາລະສານ ຂ່າວພາບ ຫວຽດນາມ ກັບທຸກຄົນ”.
ແຂນຂາທີ່ຂະຫຍາຍອອກໄດ້ນຳເອົາວາລະສານຂ່າວພາບ ຫວຽດ ນາມ ໄປທົ່ວທຸກແຫ່ງ, ເລື່ອງລາວຂອງ ບັນດານັກຂ່າວ ປະຈໍາຢູ່ 5 ທະວີບ, ການສ່ອງແສງຄືນ ຂອງຜູ້ອ່ານເບິ່ງຄືວ່າ ແມ່ນສ້າງກຳລັງແຮງໃຫ້ພະນັກງານທີ່ເຮັດວຽກ ຢູ່ວາລະສານຂ່າວພາບ ຫວຽດນາມ ໃນປັດຈຸບັນ ມີຄວາມກະຕືລືລົ້ນ, ມີຫົວຄິດປະດິດສ້າງ ເພື່ອເຮັດໃຫ້ວາລະສານ ນັບມື້ນັບດີກວ່າ, ງາມກວ່າ ໃນໄລຍະທາງອັນຍາວນານ ເພື່ອໂຄສະນາພາບພົດ ຫວຽດນາມ ໃຫ້ແກ່ເພື່ອນມິດໃນທົ່ວໂລກ.
ຫົວໜ້າຫ້ອງການຜູ້ຕາງໜ້າສຳນັກຂ່າວສານ ຫວຽດນາມ ປະຈຳ ຮົງກົງ ມາກທິລວ້ຽນ (ເບື້ອງຂວາ) ແນະນຳວາລະສານ ຂ່າວພາບ ຫວຽດນາມ ກັບແຂກທີ່ມາເຂົ້າຮ່ວມງານວາງສະແດງປຶ້ມ ຮົງກົງ. ພາບ: VNA
- ບົດ: VNP/ຮ່າທູ, ທົງທ້ຽນ - ພາບ: - ແປໂດຍ: ຢືຟຽນ