ຫວ່າງມໍ່ໆ ມານີ້, ເພື່ອຕອບສະໜອງຄວາມຕ້ອງການ ທ່ີນັບມື້ ສູງຂຶ້ນຂອງ ຕະຫຼາດສົ່ງອອກ, ຮ່າໂນ້ຍ ໄດ້ພັດທະນາ ຂົງເຂດສະຫຼອງ ແຫຼ່ງວັດຖຸດິບ ທີ່ມີຄຸນນະພາບ, ມີລະຫັດ ເຂດປູກຝັງ ເພື່ອຮັບປະກັນແຫຼ່ງກຳເນີດ ແລະ ທີ່ມາຂອງຜະລິດຕະພັນ. ນອກນີ້, ຮ່າໂນ້ຍ ຍັງສ້າງຕ່ອງໂສ້ເຊື່ອມໂຍງບັນດາຜະລິດຕະພັນກະເສດ ຕົ້ນຕໍ ເພື່ອຮັບປະກັນມາດ ຕະຖານການສົ່ງອອກ...
ຜະລິດຕະພັນເຄື່ອງເທດ ຂອງ ບໍລິສັດ DACE ໃນງານວາງສະແດງກະສິກໍາ ຢູ່ເອີຣົບ. ພາບ: ແອ໋ງຫງວຽດ
ຫວ່າງມໍ່ໆ ມານີ້, ເພື່ອຕອບສະໜອງຄວາມຕ້ອງການ ທ່ີນັບມື້ ສູງຂຶ້ນຂອງ ຕະຫຼາດສົ່ງອອກ, ຮ່າໂນ້ຍ ໄດ້ພັດທະນາ ຂົງເຂດສະຫຼອງ ແຫຼ່ງວັດຖຸດິບ ທີ່ມີຄຸນນະພາບ, ມີລະຫັດ ເຂດປູກຝັງ ເພື່ອຮັບປະກັນແຫຼ່ງກຳເນີດ ແລະ ທີ່ມາຂອງຜະລິດຕະພັນ. ນອກນີ້, ຮ່າໂນ້ຍ ຍັງສ້າງຕ່ອງໂສ້ເຊື່ອມໂຍງບັນດາຜະລິດຕະພັນກະເສດ ຕົ້ນຕໍ ເພື່ອຮັບປະກັນມາດ ຕະຖານການສົ່ງອອກ...
ຮ່າໂນ້ຍ ມີເນື້ອທີ່ຜະລິດກະສິກຳໃຫຍ່ພໍສົມຄວນ ແລະ ມີຫຼາຍກຸ່ມຜະ ລິດຕະພັນ ເໝາະສົມກັບຂະໜາດການຜະລິດເພື່ອສົ່ງອອກ. ປັດຈຸບັນ, ບັນດາຜະລິດຕະພັນກະເສດສົ່ງອອກຕົ້ນຕໍຂອງ ຮ່າໂນ້ຍ ໄດ້ແກ່ ແຄ່, ອານິດ, ເຄື່ອງເທດ (ຜັກທຽມ, ຂີງ, ໝາກເຜັດ), ຊາຂຽວ, ຊາດຳ, ເຂົ້າ, ເຫັດຫອມ, ເຫັດຫູໜູ... ຮ່າໂນ້ຍ ມີວິສາຫະກິດ ສົ່ງອອກ ຜະລິດຕະພັນກະເສດ ປະມານ 70 ແຫ່ງໄປຍັງຕະຫຼາດ ອາຊີຕາເວັນອອກ. ນີ້ກໍ່ແມ່ນ ຕະຫຼາດສົ່ງອອກຕົ້ນຕໍ ຂອງບັນດາຜະ ລິດຕະພັນກະເສດ ຮ່າໂນ້ຍ. ນອກຈາກນັ້ນ, ບັນດາຜະລິດຕະພັນກະເສດ ຂອງ ຮ່າໂນ້ຍ ຍັງໄດ້ສົ່ງອອກໄປຍັງຕະຫຼາດ ເອີຣົບ, ສ ອາເມລິກາ, ອາຊີໃຕ້, ອາຊີຕາເວັນອອກສ່ຽງໃຕ້ ແລະ ຕາເວັນອອກກາງ. ປີ 2023, ການສົ່ງອອກຜະລິດຕະພັນກະເສດ ນຳລາຍຮັບໃຫ້ຂະແໜງກະສິກຳ ຮ່າໂນ້ຍ ກວ່າ 1,35 ຕື້ ໂດລາສະຫະລັດ. ນີ້ແມ່ນຕົວເລກທີ່ໜ້າປະທັບໃຈ ຍ້ອນວ່າ ກະສິກຳ ຮ່າໂນ້ຍ ຍັງປະສົບກັບຄວາມຫຍຸ້ງຍາກຫຼາຍຢ່າງ.
ສະຫະກອນ ຕາມຮຶງ ຜັນຂະຫຍາຍຮູບແບບ ການປູກເຂົ້າອິນຊີ. ພາບ: ກົງດາດ/VNP
ທ່ານນາງ ຫງວຽນທິທູຮັ່ງ, ຫົວໜ້າສາຂາຄຸ້ມຄອງຄຸນນະພາບ, ການປຸງແຕ່ງ ແລະ ພັດທະນາຕະຫຼາດ ຮ່າໂນ້ຍ ໃຫ້ຮູ້ວ່າ ປັດຈຸບັນ, ນະຄອນ ມີ 13.000 ກວ່າແຫ່ງຜະລິດ ແລະ ດຳເນີນການຄ້າ ຂາຍຜະລິດຕະພັນ ກະເສດ, ເຄື່ອງ ປ່າ ແລະ ສິນໃນນໍ້າ, ໃນນັ້ນມີໂຮງງານປຸງແຕ່ງ 1.700 ກວ່າແຫ່ງ ແລະ ວິສາຫະກິດປຸງແຕ່ງ ຜະລິດ ຕະພັນກະເສດ, ເຄື່ອງປ່າ ແລະ ສິນໃນນໍ້າ 250 ກວ່າແຫ່ງ. ຮ່າໂນ້ຍ ໄດ້ຮັບ 16 ລະຫັດ ສຳລັບ ໃຫ້ເຂດປູກໝາກໄມ້ ກິນໝາກ ແລະ 4 ລະຫັດສຳ ລັບໃຫ້ພື້ນຖານ ຫຸ້ມຫໍ່ ດ້ວຍກຳລັງການ ຜະລິດ 30 - 50 ໂຕນ/ວັນ/ແຫ່ງ ເພື່ອຮັບໃຊ້ ການສົ່ງອອກ, ໃນນັ້ນມີ 8 ລະຫັດ ສຳລັບໃຫ້ເຂດປູກກ້ວຍ ແລະ 8 ລະຫັດສຳລັບໃຫ້ເຂດປູກໝາກລຳໄຍ.
ຄະນະຜູ້ຊ່ຽວຊານຈາກຄະນະກຳມະການ ເອີຣົບ ລົງກວດ ກາເຂດປູກ ຕົ້ນແຄ່ ຢູ່ເມືອງ ກາວບັ່ງ. ພາບ: ແອ໋ງຫງວຽດ
ຮ່າໂນ້ຍ ໄດ້ ແລະ ພວມສົມທົບຢ່າງແໜ້ນແຟ້ນກັບ 43 ແຂວງ, ນະ ຄອນ ເພື່ອຮັກສາ ແລະ ໜູນຊ່ວຍ ພັດທະນາ ຕ່ອງໂສ້ການສະໜອງ ສະບຽງອາຫານປອດໄພ 926 ແຫ່ງ, ເຊື່ອມຕໍ່ບັນດາວິສາຫະກິດ ສົ່ງອອກ ຂອງ ນະຄອນ ກັບ ຕ່ອງໂສ້ການຜະລິດ ໃນຫຼາຍທ້ອງຖິ່ນ, ສ້້າງຂີດໝາຍແຫ່ງການຮ່ວມມືຢ່າງຕັ້ງໜ້າ ແລະ ເປັນເຈົ້າການ. ປັດຈຸບັນ, ຮ່າໂນ້ຍ ມີຜະລິດຕະພັນກະເສດ ຄຸນນະພາບສູງ ຈຳນວນໜຶ່ງ ໄດ້ສົ່ງອອກໄປຍັງ ສ ອາເມລິກາ (ສົ່ງອອກໝາກລຳໄຍ ດ້າຍແທ່ງ), ເຢຍລະມັນ (ສົ່ງອອກເຂົ້າ ອິນຊີ ດົ່ງຝູ໋), ສ ເກົາຫຼີ (ສົ່ງອອກຜັກປອດສານພິດ ວັນດຶກ), ສປ ຈີນ (ສົ່ງອອກໝາກກ້ວຍ ງ້າວ ຮົ່ງ)... ນອກຈາກນັ້ນ, ຮ່າໂນ້ຍ ຍັງມີບັນດາຜະລິດຕະພັນກະເສດ ທີ່ມີທ່າແຮງສົ່ງອອກຄື: ເຂົ້າສານ (ເຂົ້າສານ Japonica ປະມານ 7.000 ເຮັກຕາ), ຜັກປອດ ສານພິດ (ກວ່າ 5.000 ເຮັກຕາ), ຜັກ ອິນຊີ (ກວ່າ 50 ເຮັກຕາ) ແລະ ຜະລິດຕະພັນ ປຸງແຕ່ງຄຸນນະພາບສູງ ອີກຫຼາຍຊະນິດ.
ການຈັດປະເພດຜະລິດຕະພັນໝາກກ້ວຍງ້າວ ຮົ່ງ ທີ່ສົ່ງອອກຂອງບໍລິສັດ 3T. ພາບ: ກົງດາດ/VNP
ເຄື່ອງຮ່ອນ ແລະ ບົດ ແຄ່ ທຸກຂະໜາດ ທີ່ບໍລິສັດ DACE ຢູ່ເມືອງ ຊອກເຊີນ, ຮ່າໂນ້ຍ. ພາບ: ກົງດາດ/VNP
ທ່ານນາງ ຟ້າມທິບິກຖຸ໋ຍ, ຜູ້ອໍານວຍການບໍລິສັດ ພັດທະນາ ກະສິກໍາ ແລະ ໃຫ້ຄຳປຶກສາດ້ານສິ່ງແວດລ້ອມ ຈໍາກັດ ໃຫ້ຮູ້ວ່າ: ບໍລິສັດ ສະ ເພາະປຸງແຕ່ງ ຜະລິດຕະພັນ ເຄື່ອງເທດ ອິນຊີ ຈາກຂີງ, ຂີ້ໝິ້ນ, ແຄ່, ອານິດ, ຜັກທຽມ, ໝາກເຜັດ ແລະ ຫົວສີໄຄ. ເຂດປູກວັດຖຸດິບ ຕົ້ນຕໍ 2 ແຫ່ງຂອງບໍລິສັດ ແມ່ນ ກາວບັ່ງ ແລະ ຮ່າຢາງ. ຫວ່າງມໍ່ໆມານີ້, ຮ່າໂນ້ຍ ໄດ້ໜູນຊ່ວຍບັນດາວິສາຫະກິດ, ໃນນັ້ນ ມີບໍລິສັດພັດທະນາກະສິ ກຳ ແລະ ໃຫ້ຄຳປຶກສາດ້ານສິ່ງແວດລ້ອມຈຳກັດ ຂຸດຄົ້ນບັນດາທ່າແຮງ ແລະ ເອື້ອອຳນວຍ ໃນ FTA ຄື: ສັນຍາ CPTPP, EVFTA ແລະ ຄຳໝັ້ນສັນຍາໃໝ່ຈຳນວນໜຶ່ງກັບ ອັງກິດ, UAE ... ແນໃສ່ຊຸກຍູ້ການສົ່ງອອກ. ປັດຈຸບັນ, ໂດຍສະເລ່ຍ ແຕ່ລະປີ ບໍລິສັດຜະລິດ ແຄ່ແຫ້ງ ປະ ມານ 300 ໂຕນ, ອານິດ ແຫ້ງ 200 ໂຕນ, ຂີງສົດ 500 ໂຕນ, ຂີ້ໝິ້ນແຫ້ງ 100 ໂຕນ ແລະ ໝາກເຜັດ ສົດ 200 ໂຕນ... ຜະລິດຕະພັນ ສ່ວນຫຼາຍແມ່ນສົ່ງອອກໄປຍັງ ສ ອາເມລິກາ, ບາງປະເທດເອີຣົບ, ສ ເກົາຫຼີ, ຍີ່ ປຸ່ນ, ຣັດເຊຍ, ອົດສະຕຣາລີ ...
ທ່ານ ຫງວຽນວັນມິງ, ຜູ້ອຳນວຍການ ສະຫະກອນ ຜະລິດ ແລະ ດຳເນີນບໍລິການ ກະສິກຳ ວັນດຶກ (ເມືອງ ຢາເລີມ) ກ່າວວ່າ ສະຫະກອນ ມີເນື້ອທີ່ປູກຜັກ ປອດສານພິດ 220 ເຮັກຕາ, ໃນນັ້ນ ເກືອບ 27 ເຮັກ ຕາ ໄດ້ຮັບການຜະລິດ ຕາມມາດຕະຖານ VietGAP. ປັດຈຸບັນ, ນອກ ຈາກສະໜອງໃຫ້ແກ່ບັນດາຮ້ານສັບ ພະສິນຄ້າ, ຕະຫຼາດຂາຍສົ່ງ ແລະ ບັນດາແຂວງໃກ້ຄຽງແລ້ວ, ແຕ່ລະປີ ສະຫະກອນ ຍັງຮັກສາການສົ່ງອອກຜັກປອດສານພິດ ກວ່າ 300 ໂຕນ ໄປຍັງໄຕ້ຫວັນ (ຈີນ), ສ ເກົາ ຫຼີ... ແມ່ນຜັກບົ້ງຊະນິດດຽວກັນ ທີ່ໄດ້ມາດ ຕະຖານ VietGAP, ຖ້າຂາຍຢູ່ຮ້ານສັບພະ ສິນຄ້າຢູ່ ຮ່າໂນ້ຍ, ມີລາຄາ ພຽງແຕ່ 15.000 ດົ່ງ/ມັດ (ປະມານ 0.6 ໂດລາສະຫະລັດ), ແຕ່ເມື່ອສົ່ງອອກໄປ ສ ເກົາຫຼີ, ລາຄາ ຈະສູງເຖິງ 52.000 ດົ່ງ/ມັດ (ປະມານ 2.880 ວອນ).
ທ່ານ ຫງວຽນດິ່ງຮວາ, ຮອງຫົວໜ້າພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໃຫ້ຮູ້ວ່າ ຂະແໜງກະສິກຳ ຮ່າໂນ້ຍ ຈະສືບຕໍ່ປຶກ ສາ ແລະ ສະເໜີຕໍ່ນະຄອນ ໃຫ້ມີການດັດແກ້, ເພີ່ມເຕີມ ແລະ ປະກາດ ບັນດາກົນໄກ, ນະໂຍບາຍໃໝ່ ເພື່ອຊຸກຍູ້ການສົ່ງອອກຜະ ລິດຕະພັນກະເສດ, ໂດຍສະເພາະແມ່ນຜະລິດຕະພັນກະເສດຫຼັກ; ເພີ່ມທະວີການຝຶກອົບຮົມໃຫ້ບັນດາວິສາຫະກິດ, ພື້ນຖານຜະລິດ ແລະ ຄ້າຂາຍ ຜະລິດຕະພັນກະເສດ, ເຄື່ອງປ່າ ແລະ ສິນໃນນໍ້າ ກ່ຽວກັບລະບຽບການເພື່ອຮັບປະກັນຄຸນນະພາບ, ຄວາມປອດໄພດ້ານສະບຽງອາຫານ ແລະ ຄວບຄຸມອາຫານ ທີ່ນຳເຂົ້າ ແລະ ສົ່ງອອກ. ຂະແໜງກະສິກຳ ຮ່າໂນ້ຍ ກໍ່ຈະເພີ່ມທະວີການໂຄສະນາບັນດາສັນຍາການຄ້າ ແລະ ເງື່ອນໄຂນຳເຂົ້າ ຂອງບັນດາປະເທດ ເພື່ອຍົກສູງກຳລັງການຜະລິດ, ຄຸນນະພາບຜະລິດຕະພັນກະເສດ. ພ້ອມກັນນັ້ນ, ຈັດຕັ້ງການເຊື່ອມໂຍງ, ສົ່ງເສີມການຄ້າ, ໂຄສະນາຜະລິດຕະພັນ ຢູ່ຕ່າງປະເທດ ແມ່ນສ່ວນໜຶ່ງທີ່ສຳຄັນ ຂອງ ຍຸດທະສາດສົ່ງອອກ ກະສິກຳ ຂອງ ຮ່າໂນ້ຍ.
ແນະນໍາຜະລິດຕະພັນໃຫ້ແກ່ລູກຄ້າຕ່າງປະເທດ ຂອງບໍລິສັດ DACE ຢູ່ຕະຫຼາດ ເຢຍລະມັນ. ພາບ: ແອ໋ງຫງວຽດ
ທ່ານ ຫງວຽນແມ້ງກວ່ຽນ, ຮອງປະທານ ຄະນະກຳມະການປະຊາຊົນນະຄອນ ຮ່າໂນ້ຍ ໃຫ້ຮູ້ວ່າ ເພື່ອຊຸກຍູ້ການຜະລິດ ແລະ ສົ່ງອອກຜະ ລິດຕະພັນກະເສດ, ຂະແໜງກະສິກຳ ຮ່າໂນ້ຍ ຕ້ອງກາຍເປັນຈຸດພົ້ນເດັ່ນ, ນຳໜ້າຂອງປະເທດໃນຂົງເຂດເຕັກໂນໂລຊີ ແລະ ການປຸງແຕ່ງ. ຮ່າໂນ້ຍ ຕ້ອງກາຍເປັນສູນຂົນສົ່ງ ແລະ ປຸງແຕ່ງຜະລິດຕະພັນກະເສດ. ກະສິກຳ ຮ່າໂນ້ຍ ຕ້ອງເຊື່ອມໂຍງເຂົ້າກັບບັນດາແຂວງ, ນະຄອນຕາມມາດຕະຖານສາກົນ ເພື່ອຮັບໃຊ້ການບໍລິໂພກຢູ່ພາຍໃນ ແລະ ຍູ້ແຮງການສົ່ງອອກ.
ບົດ ແລະ ພາບ: VNP/ຮວ່າງຮາ່ - ແປໂດຍ: ຢືຟຽນ