ວັນທີ 4 ມັງກອນ, ຢູ່ນະຄອນ ບາກລຽວ, ແຂວງບາກລຽວຂອງຫວຽດນາມ, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊີນ ຫວຽດນາມ ໄດ້ສົມທົບກັບ ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມແຂວງບາກລຽວ ຈັດຕັ້ງລາຍການ “ບຸນເຕັດເພື່ອຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ”.
ເລື່ອງເບິ່ງແຍງດູແລ, ຊ່ວຍເຫຼືອ ຜູ້ປະສົບເຄາະຮ້າຍຈາກທາດພິດສີສົ້ມ ແມ່ນໜ້າທີ່ຄວາມຮັບຜິດຊອບຂອງທັງລະບົບການເມືອງ, ຂອງອໍານາດການປົກຄອງທຸກຂັ້ນ, ທຸກຂະແໜງການ, ບັນດາອົງການຈັດຕັ້ງສັງຄົມ ແລະ ຂອງທັງສັງຄົມ (ພາບ: TTXVN)
ໃນລາຍການ, ຄະນະຈັດຕັ້ງ ໄດ້ມອບຂອງຂວັນ 50 ພູດ ໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມ 50 ຄົນ ໃນບໍລິເວນແຂວງບາກລຽວ.
ຕາມທ່ານພົນໂທ ຫງວຽນວັນຣິງ - ປະທານ ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊີນ ຫວຽດນາມ ແລ້ວ, ລາຍການ “ບຸນເຕັດເພື່ອຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ” ເຕັມໄປດ້ວຍລັກສະນະວັດທະນະທໍາມະນຸດ, ສະແດງໃຫ້ເຫັນສິນທໍາ “ອຸ້ມຊູຊ່ວຍເຫຼືອ”, “ກິນເຂົ້າຄິດຮອດຄຸນນາກິນປາຄິດຮອດຄຸນນໍ້າ” ທີ່ເປັນມູນເຊື້ອຂອງຊາດຫວຽດນາມ. ເລື່ອງເບິ່ງແຍງດູແລ, ຊ່ວຍເຫຼືອ ຜູ້ປະສົບເຄາະຮ້າຍຈາກທາດພິດສີສົ້ມ ແມ່ນໜ້າທີ່ຄວາມຮັບຜິດຊອບຂອງທັງລະບົບການເມືອງ, ຂອງອໍານາດການປົກຄອງທຸກຂັ້ນ, ທຸກຂະແໜງການ, ບັນດາອົງການຈັດຕັ້ງສັງຄົມ ແລະ ຂອງທັງສັງຄົມ.
(ແຫຼ່ງຄັດຈາກ VOV)