ວັນທີ 10 ພຶດສະພາ, ຮຸງກາຣີ ແລະ ຈີນ ໄດ້ລົງນາມໃນຂໍ້ຕົກລົງ ແລະ ບົດບັນທຶກຊ່ວຍຈຳ 18 ສະບັບໃໝ່ ແນໃສ່ເຮັດໃຫ້ການພົວພັນຮ່ວມມືດ້ານເສດຖະກິດ ແລະ ວັດທະນະທຳທີ່ການໄປຢ້ຽມຢາມປະເທດ ເອີຣົບກາງ ຂອງການນຳຈີນ ທ່ານສີຈີ້ນຜິງ ຄັ້ງນີ້ໃຫ້ເລິກເຊິ່ງຂຶ້ນຕື່ມ.
ທ່ານປະທານປະເທດ ຈີນ ສີຈີ້ນຜິງ ແລະ ທ່ານນາຍົກລັດຖະມົນຕີ ຮຸງກາຣີ Viktor Orban ໂອ້ລົມເຈລະຈາ (ພາບ: THX/TTXVN)
ທ່ານປະທານປະເທດ ຈີນ ສີຈີ້ນຜິງ ແລະ ທ່ານນາຍົກລັດຖະມົນຕີ Viktor Orban ໄດ້ໂອ້ລົມເຈລະຈາຢູ່ນະຄອນຫຼວງ Budapest. ຮຸງກາຣີ ແມ່ນປະເທດສຸດທ້າຍທີ່ທ່ານປະທານປະເທດ ຈີນ ສີຈີ້ນຜິງ ໄປຢ້ຽມຢາມ ໃນໄລຍະເຄື່ອນໄຫວຢູ່ເອີຣົບ ເປັນເວລາ 5 ວັນ, ລວມມີທັງ ຝລັ່ງ ແລະ Serbia. ກ່າວຄຳເຫັນໃນການຖະແຫຼງຂ່າວພາຍຫຼັງການໂອ້ລົມເຈລະຈາ, ທ່ານນາຍົກລັດຖະມົນຕີ Viktor Orban ຢັ້ງຢືນວ່າ Budapest ຈະສືບຕໍ່ສ້າງເງື່ອນໄຂໃຫ້ບັນດາບໍລິສັດ ຈີນທີ່ລົງທຶນຢູ່ ຮຸງກາຣີ ຢ່າງສະເໝີພາບ, ພ້ອມທັງສ້າງໂອກາດໃຫ້ບັນດາເຕັກໂນໂລຢີທັນສະໄໝທີ່ສຸດຂອງສ່ວນທ່ານປະທານປະເທດ ຈີນ ສີຈີ້ນຜິງ ໃຫ້ຮູ້ວ່າ ທ່ານເຫັນດີເປັນເອກະພາບກັບຍຸດທະສາດມຸ່ງໄປເຖິງທິດຕາເວັນອອກຂອງ ຮຸງກາຣີ, ພ້ອມທັງເນັ້ນໜັກວ່າ ປັກກິ່ງ ສະໜັບສະໜູນ Budapest ສວມບົດບາດໃຫຍ່ກວ່າໃນສະຫະພາບເອີຣົບ (EU) ສຳລັບການຊຸກຍູ້ການພົວພັນລະຫວ່າງ ຈີນ - EU.