ຕອນເຊົ້າວັນທີ 25 ພະຈິກ, ຢູ່ແຂວງ ບາກລຽວ, ກົມສັດຕະວະແພດ - ກະຊວງກະສິກຳ ແລະ ພັດທະນາຊົນນະບົດຫວຽດນາມ ໄດ້ປະກາດຂໍ້ຕົກລົງຮັບຮອງເອົາຮາກຖານແນວພັນກຸ້ງຂອງກຸ່ມບໍລິສັດຫວຽດນາມ - ອົດສະຕາລີ ຢູ່ຕາແສງ ຍ່າມາດ, ນະຄອນບາກລຽວ, ບັນລຸມາດຖານປອດໂລກລະບາດ ຕາມຂໍ້ກຳກົດຂອງອົງການສັດຕະວະແພດໂລກ (OIE).
ຮາກຖານແນວພັນກຸ້ງຂອງກຸ່ມບໍລິສັດຫວຽດນາມ - ອົດສະຕາລີ ບັນລຸມາດຖານປອດໂລກລະບາດ
(ພາບ: laodong.vn)
ນີ້ແມ່ນຮາກຖານທຳອິດ ແລະ ໜຶ່ງດຽວຢູ່ຫວຽດນາມ ບັນລຸມາດຖານທີ່ເຄັ່ງຄັດນີ້.
ຕາມທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ ຟຸ່ງດຶກຕ໊ຽນ ແລ້ວ: ນັບແຕ່ປີ 2015, ກະຊວງກະສິກຳ ແລະ ພັດທະນາຊົນນະບົດ ໄດ້ຊີ້ນຳຢ່າງຂ້ຽວຂາດ ແລະ ມອບໃຫ້ກົມສັດຕະວະແພດ ເປັນເຈົ້າການສົມທົບກັບພະແນກກະສິກຳ ແລະ ພັດທະນາຊົນນະບົດແຂວງບາກລຽວ ໜູນຊ່ວນກຸ່ມບໍລິສັດຫວຽດນາມ - ອົດສະຕາລີ ຈັດຕັ້ງການສ້າງລະບົບລ້ຽງກຸ້ງປອດໂລກລະບາດໃນບໍລິເວນແຂວງ.
ມາຮອດປະຈຸບັນ, ພາຍຫຼັງມານະພະຍາຍາມປະຕິບັດເປັນເວລາ 2 ປີ, ຮາກຖານແນວພັນກຸ້ງຂອງກຸ່ມບໍລິສັດຫວຽດນາມ - ອົດສະຕາລີ ໄດ້ຕອບສະໜອງມາດຖານ ປອດໂລກລະບາດ ຕາມການກຳນົດຂອງອົງການ OIE.
(ແຫຼ່ງຄັດຈາກ VOV)