ກຳ​ປັ່ນ USS Rafael Peralta (ພາບ: US Navy)  

ຄວາມ​ເຄັ່ງ​ຕຶງ​ຢູ່​ຕາ​ເວັນ​ອອກ​ກາງ ພວມ​ເພີ່ມ​ຂຶ້ນ​ຄືນ​ໃໝ່ ຂະ​ນະ​ທີ່​ມີ​ຂ່າວ​ຢ່າງ​ລຽນ​ຕິດ​ກ່ຽວ​ກັບ​ບັນ​ດາ​ການ​ສູ້​ຢັນ​ກັນ​ທີ່​ຮ້າຍ​ແຮງ​ລະ​ຫວ່າງ ອີ​ຣານ ແລະ ອາ​ເມ​ລິ​ກາ ໃນ​ເຂດ​ອ່າວ​ເປີ​ເຊຍ. ວັນ​ທີ 7 ພຶດ​ສະ​ພາ, ສື່ມວນ​ຊົນ ອີ​ຣານ ຢັ້ງ​ຢືນ​ວ່າ​ກຳ​ລັງ​ປະ​ກອບ​ອາ​ວຸດ​ປະ​ເທດນີ້ ໄດ້​ຍິງ​ລູກ​ສອນ​ໄຟ ແລະ ກໍ່​ຄວາມ​ເສຍ​ຫາຍ​ໃຫ້​ແກ່​ກຳ​ປັ່ນ 3 ລຳ​ຂອງ ອາ​ເມ​ລິ​ກາ ຢູ່ມໍ່​ກັບ​ເຂດ​ຊ່ອງແຄບ​ທະ​ເລ Hormuz.

ຕາມສຳ​ນັກ​ຂ່າວ​ສານ Tasnim ຂອງ ອີ​ຣານ, ບັນ​ດາ​ກຳ​ປັ່ນ​ຂອງ ອາ​ເມ​ລິ​ກາ ຖືກ​ເປ​ເພ່ ແລະ ​ຕ້ອງຖອນ​ກັບ​ເຂດ​ອ່າວ ໂອ​ມານ. ໃນ​ວັນ​ດຽວ​ກັນ, ພາຍຫຼັງ​ບັນ​ດາ​ການ​ກະ​ທຳ​ດ້ານ​ການ​ທະ​ຫານ​ຂອງ ອີ​ຣານ, ກອງ​ທັບ ອາ​ເມ​ລິ​ກາ ກໍ່​ໄດ້​ດຳ​ເນີນ​ການ​ບຸກ​ໂຈມ​ຕີ​ທາງ​ອາ​ກາດ​ “ທີ່​ມີ​ລັກ​ສະ​ນະ​ປ້ອງ​ກັນ​ຕົວ” ແນ​ໃສ່​ເຂດ Bandar Abbas ແລະ ເກາະ ຂອງ Qeshm ອີ​ຣານ. ແຕ່​ເຖິງ​ແນວນັ້ນ​ກໍ່​ຕາມ, ຕາມ​ຝ່າຍ ອາ​ເມ​ລິ​ກາ, ບັນ​ດາ ການ​ບຸກ​ໂຈມ​ຕີ​ທາງ​ອາ​ກາດ​ນີ້ ບໍ່​​ມີ​ຄວາມ​ໝາຍຄື​ກັນ​ກັບ​ເລື່ອງ ວໍ​ຊິງ​ຕັນ ເຊື່ອມ​ຕໍ່​ການ​ສູ້​ຮົບ​ທີ່​ມີ​ຂອບ​ຂະ​ໜາດ​ໃຫ່​ຍ​​ຕ້ານ​ຄືນ ອີ​ຣານ.