ວັນທີ 12 ກຸມພາ, ກະຊວງການຕ່າງປະເທດ ຈີນ ແຈ້ງໃຫ້ຊາບວ່າ ທ່ານປະທານາທິບໍດີ ອີຣານ Ebrahim Raisi ຈະເດີນທາງໄປຢ້ຽມຢາມ ຈີນ ໃນລະຫວ່າງວັນທີ 14 - 16 ກຸມພາ ຕາມຄຳເຊື້ອເຊີນຂອງທ່ານປະທານປະເທດ ຈີນ ສີຈິ້ນຜິງ.
ທ່ານປະທານປະເທດ ຈີນ ສີຈິ້ນຜິງ ແລະ ທ່ານປະທານາທິບໍດີ Ebrahim Raisi (ພາບ: IRNA/TTXVN)
ຕາມສຳນັກຂ່າວສານແຫ່ງລັດ IRNA ຂອງ ອີຣານ ແລ້ວ, ການຢ້ຽມຢາມ ຈີນ ຂອງທ່ານປະທານາທິບໍດີ Ebrahim Raisi ຄັ້ງນີ້ ກໍເພື່ອແນໃສ່ເພີ່ມທະວີການພົວພັນຮ່ວມມືດ້ານເສດຖະກິດລະຫວ່າງສອງຝ່າຍ. ການນຳສອງປະເທດ ຄາດວ່າ ຈະດຳເນີນການພົບປະເຈລະຈາສະເພາະ ແລະ ຄະນະຕ່າງໆຂອງສອງປະເທດ ຈະລົງນາມໃນບັນດາເອກະສານຮ່ວມມື. ທ່ານປະທານາທິບໍດີ Ebrahim Raisi ກໍຈະພົບປະກັບນັກທຸລະກິດສອງປະເທດ.
ປັດຈຸບັນ, ຈີນ ເປັນຄູ່ຮ່ວມມືການຄ້າລາຍໃຫຍ່ທີ່ສຸດຂອງ ອີຣານ. 10 ເດືອນຜ່ານມາ, ວົງເງິນສົ່ງອອກຂອງ ອີຣານ ໄປຍັງ ຈີນ ບັນລຸ 12,6 ຕື້ USD, ໃນຂະນະນັ້ນ ການນຳເຂົ້າສິນຄ້າຈາກ ຈີນ ບັນລຸ 12,7 ຕື້ USD.