ທຸກວິທີເພື່ອລົງໂທດ ຕວັກກີ ໄດ້ຮັບການຄິດໄລ່ໄວ້ແລ້ວ, ຖ້າຫາກປະເທດນີ້ບໍ່ຢຸດຕິການກະທຳເກາະຜິດ, ພ້ອມທັງມີບັນດາການກະທຳໄກ່ເກ່ຍກັບເກາະ ໄຊປຣັດ
ທ່ານນາງປະທານຄະນະກຳມະການເອີລົບ (EC) Ursula von der Leyen
(ພາບ: Reuters)
ທ່ານນາງປະທານຄະນະກຳມະການເອີລົບ (EC) Ursula von der Leyen ໃຫ້ຮູ້ວ່າ, ທຸກວິທີເພື່ອລົງໂທດ ຕວັກກີ ໄດ້ຮັບການຄິດໄລ່ໄວ້ແລ້ວ, ຖ້າຫາກປະເທດນີ້ບໍ່ຢຸດຕິການກະທຳເກາະຜິດ, ພ້ອມທັງມີບັນດາການກະທຳໄກ່ເກ່ຍກັບເກາະ ໄຊປຣັດ ກ່ຽວຂ້ອງເຖິງບັນດາການຂັດແຍ້ງກັນຫວ່າງມໍ່ໆມານີ້ຢູ່ທາງທິດຕາເວັນອອກທະເລ ເມດີແຕຣາເນ.
ກ່າວຄຳເຫັນທີ່ການປະຊຸມຂ່າວ, ພາຍຫຼັງສິ້ນສຸດກອງປະຊຸມສຸດຍອດອີຢູ ທີ່ດຳເນີນຢູ່ບຣຸກແຊນ ໃນຕອນບ່າຍວັນທີ 02 ຕຸລາ, ທ່ານນາງ Ursula von der Leyen ໃຫ້ຮູ້ວ່າ, ອີຢູ ໄດ້ຮັບຮູ້ບັນດາການກະທຳດ້ານການທູດຫວ່າງມໍ່ໆມານີ້ລະຫວ່າງ ຕວັກກີ ແລະ ເກຼັກ ທີ່ກ່ຽວຂ້ອງເຖິງການຂັດແຍ້ງອະທິປະໄຕລະຫວ່າງ 2 ປະເທດຢູ່ທາງທິດຕາເວັນອອກທະເລ ເມດີແຕຣາເນ. ເຖິງຢ່າງໃດກໍ່ຕາມ, ທ່ານນາງ Ursula von der Leyen ກໍ່ຖະແຫຼງວ່າ, ຝ່າຍເອີລົບ ຢາກໃຫ້ ຕວັກກີ ຈະມີບັນດາການກະທຳທີ່ຄ້າຍຄືກັນກັບສະມາຊິກອື່ນຂອງອີຢູ ແມ່ນເກາະ ໄຊປຣັດ, ເຊິ່ງແມ່ນປະເທດທີ່ມີສ່ວນກ່ຽວຂ້ອງເຖິງການຂັດແຍ້ງດັ່ງກ່າວ.
ຕາມທ່ານາງປະທານ EC ແລ້ວ, ສິ່ງສຳຄັນທີ່ສຸດແມ່ນ ຕວັກກີ ຕ້ອງຢຸດຕິບັນດາການກະທຳເກາະຜິດ ແລະ ກໍ່ຄວາມກົດດັນໃນທັນທີ.
(ແຫຼ່ງຄັດຈາກ VOV)