ຂ່າວສານ

ອັບ​ເດັດ​ສະພາບ​ການ​ໂລກລະບາດ​ໂຄ​ວິດ - 19 ຢູ່​ຫວຽດນາມ ​ແລະ ​ໃນ​ໂລກ

ຕອນເຊົ້າວັນທີ 01 ກໍລະກົດ, ກະຊວງສາທາລະນະສຸກຫວຽດນາມ ໄດ້ຢັ້ງຢືນວ່າ ບໍ່ພົບກໍລະນີຕິດເຊື້ອໃໝ່ຕື່ມອີກ. ເປັນອັນວ່າ, ມາຮອດຈຸດເວລານີ້, ຫວຽດນາມມີຜູ້ຕິດເຊື້ອພະຍາດໂຄວິດ - 19 ທັງໝົດ 355 ຄົນ, ໃນນັ້ນ, ຜູ້ຕິດເຊື້ອ 335 ຄົນໄດ້ຮັບການປິ່ນປົວຫາຍດີແລ້ວ. ສ່ວນຈໍານວນຄົນເຈັບຍັງເຫຼືອ ພວມໄດ້ຮັບການປິ່ນປົວຢູ່ໂຮງໝໍແຫ່ງຕ່າງໆ ແລະ ມີອາການສຸຂະພາບເປັນປົກກະຕິ.

(ພາບ:ກະຊວງສາທາລະນະສຸກ)

ກ່ອນໜ້ານັ້ນ, ວັນທີ 30 ມິຖຸນາ, ບັນດາອົງການທີ່ມີໜ້າທີ່ຫວຽດນາມ, ສະຖານທູດຫວຽດນາມ ປະຈໍາ ຍີ່ປຸ່ນ ແລະ ບໍລິສັດການບິນ Vietjet ໄດ້ສົມທົບກັບບັນດາອົງການທີ່ມີໜ້າທີ່ຂອງຍີ່່ປຸ່ນ ເພື່ອນໍາພົນລະເມືອງຫວຽດນາມ ຈໍານວນ 225 ຄົນ ຈາກຍີ່ປຸ່ນ ກັບເມືອປະເທດຢ່າງປອດໄພ. ພາຍຫຼັງເຮືອບິນລົງຈອດຢູ່ສະໜາມບິນສາກົນ ດ່າໜັງ, ຜູ້ໂດຍສານໃນເຮືອບິນລໍາດັ່ງກ່າວ ໄດ້ຮັບການຕິດຕາມອາການສຸຂະພາບ ແລະ ແຍກຕົວຢ່າງຖືກຕ້ອງຕາມຂໍ້ກໍານົດ.

        ໃນຂະນະນັ້ນ, ຕາມເວັບໄຊສະຖິຕິ worldometers.info, ໄລ່ຮອດຕອນເຊົ້າວັນທີ 01 ກໍລະກົດ, ທົ່ວໂລກໄດ້ຢັ້ງຢືນວ່າມີຜູ້ຕິດເຊື້ອໂຄວິດ - 19 ຫຼາຍກວ່າ 10,5 ລ້ານຄົນ, ໃນນັ້ນ, ມີຫຼາຍກວ່າ 513.000 ກໍລະນີເສຍຊີວິດ.  ອາເມລິກາ ຍັງຄົງຢູ່ອັນດັບໜຶ່ງໃນໂລກ ກ່ຽວກັບຈໍານວນຜູ້ຕິດເຊື້ອ ແລະ ເສຍຊີວິດ ຍ້ອນໂລກລະບາດດັ່ງກ່າວ.

(ແຫຼ່ງຄັດຈາກ VOV)


top