ຕອນເຊົ້າວັນທີ 30 ມິຖຸນາ, ຢູ່ນະຄອນຫຼວງ ວຽງຈັນ, ກະຊວງປ້ອງກັນຄວາມສະຫງົບໄດ້ສົມທົບກັບສະຖານທູດຫວຽດນາມ ແລະ ອົງການຕາງໜ້າກະຊວງຕຳຫຼວດຫວຽດນາມ ປະຈຳລາວ ຈັດຕັ້ງພິທີອັດຊຸດຮຽນພາສາຫວຽດໃຫ້ແກ່ພະນັກງານ, ນັກຮົບກະຊວງປ້ອງກັນຄວາມສະຫງົບລາວ.
![](https://imagevietnam.vnanet.vn/Upload/2020/7/1/0107202009493325305begianglophoctiengvietnagncaochocanbochiensiconganlao_wtoz.jpg)
ທ່ານ ຫງວຽນບ໊າຮຸ່ງ ເອກອັກຄະລັດຖະທູດ ຫວຽດນາມ ປະຈຳລາວ ຖ່າຍຮູບກັບບັນດານັກສຳມະນາກອນ
(ພາບ: TTXVN)
ພາຍຫຼັງການຮ່ຳຮຽນມາເປັນເວລາ 8 ເດືອນ, ນັກຮຽນ 17 ຄົນທັງໝົດສາມາດທັກທາຍດ້ວຍພາສາຫວຽດໄດ້. ກ່າວຄຳເຫັນທີ່ພິທີ, ທ່ານ ຫງວຽນບ໊າຮຸ່ງ ເອກອັກຄະລັດຖະທູດ ຫວຽດນາມ ປະຈຳລາວເນັ້ນໜັກວ່າ ການຮ່ວມມືລະຫວ່າງກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດຫວຽດນາມແມ່ນສວມບົດບາດສຳຄັນທີ່ສຸດໃນການຮ່ວມມືລະຫວ່າງສອງຝ່າຍ. ດັ່ງນັ້ນ, ເລື່ອງພະນັກງານ, ນັກຮົບກະຊວງປ້ອງກັນຄວາມສະຫງົບລາວ ຮູ້ພາສາຫວຽດ ຈະປະກອບສ່ວນເຂົ້າໃນການຍົກສູງປະສິດທິຜົນການຮ່ວມມືລະຫວ່າງສອງກຳລັງໃນໄລຍະຈະມາເຖິງ.
ທ່ານ ວັນທອນ ສຸລິສັກ ຮອງຫົວໜ້າກົມປ້ອງກັນຄວາມສະຫງົບລາວເນັ້ນໜັ້ກວ່າ: ບົນພື້ນຖານການພົວພັນພິເສດລະຫວ່າງສອງປະເທດ, ກະຊວງປ້ອງກັນຄວາມສະຫງົບລາວໄດ້ກຳນົດການຮຽນພາສາຫວຽດແມ່ນສິ່ງທີ່ຈຳເປັນທີ່ສຸດ, ປະກອບສ່ວນສຳຄັນເຂົ້າການສົມທົບ ແລະ ຮ່ວມມືດ້ານວີຊາການລະຫວ່າງ ກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດຫວຽດນາມ.
(ແຫຼ່ງຄັດຈາກ VOV)