ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ກ່າວຄຳເຫັນທີ່ການພົບປະ (ພາບ: VOV)

ຕອນເຊົ້າວັນທີ 17 ພະຈິກ, ຢູ່ສະຖານທີ່ເຊື່ອມຕໍ່ຈາກໃຈກາງເມືອງ ຫ໋າຍອານ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໄດ້ພົບປະກັບຜູ້ມີສິດເລືອກຕັ້ງຂອງ 8 ຕາແສງ ໃນບໍລິເວນ ຕາມແບບທາງໄກ ສົມທົບໂດຍກົງ ເພື່ອລາຍງານໝາກຜົນຂອງກອງປະຊຸມສະໄໝສາມັນເທື່ອທີ 2 ສະພາແຫ່ງຊາດ ຊຸດທີ XV.

ທີ່ການພົບປະ, ບັນດາຜູ້ ມີສິດເລືອກຕັ້ງ ໄດ້ປະກອບຄຳເຫັນທີ່ອຸດົມສົມບູນ, ເລິກເຊິ່ງກວ້າງຂວາງ, ກ່ຽວຂ້ອງຫຼາຍຂົງເຂດ. ທ່ານປະທານສະພາແຫ່ງຊາດ ໄດ້ເຫັນດີຕໍ່ບັນດາຄຳເຫັນ, ຂໍ້ສະເໜີຕ່າງໆຂອງຜູ້ມີສິດເລືອກຕັ້ງ, ສະເໜີໃຫ້ຫົວໜ່ວຍທີ່ກ່ຽວຂ້ອງຈົ່ງລວບລວມ ແລະ ສະເໜີຕໍ່ຂັ້ນຕ່າງໆເພື່ອແກ້ໄຂ.

ແບ່ງປັນຄຳເຫັນກັບຜູ້ມີສິດເລືອກຕັ້ງກ່ຽວກັບບັນຫາສືບຕໍ່ປ່ຽນແປງໃໝ່, ຍົກສູງປະສິດທິຜົນ ການເຄື່ອນໄຫວຂອງ ສະພາແຫ່ງຊາດ, ທ່ານປະທານສະພາແຫ່ງຊາດຢັ້ງຢືນວ່າ: ສະພາແຫ່ງຊາດ, ບັນດາອົງການຂອງສະພາແຫ່ງຊາດ ພວມສືບຕໍ່ມານະພະຍາຍາມປ່ຽນແປງໃໝ່, ຍົກສູງປະສິດທິພາບ, ປະສິດທິຜົນໃນການເຄື່ອນໄຫວ, ຮັບປະກັນທຸກລັດຖະນະໂຍບາຍລ້ວນແຕ່ເພື່ອຜົນປະໂຫຍດອັນຊອບທຳຂອງ ປະຊາຊົນ, ວິສາຫະກິດ. ການປ່ຽນແປງໃໝ່ຢູ່ກອງປະຊຸມຄັ້ງນີ້ແມ່ນໄດ້ຫຼຸດເວລາໃນການຈັດກອງປະຊຸມລົງ ແຕ່ກໍ່ຍັງຮັບປະກັນຫຼັກການຍົກສູງຄຸນນະພາບ ແລະ ປະສິດທິຜົນໃນການເຄື່ອນໄຫວ.

(ແຫຼ່ງຄັດຈາກ VOV)