ເມື່ອລະດູບານໃໝ່ມາເຖິງ, ຊາວເຜົ່າ ມົ້ງ ຢູ່ຕາແສງ ຊານສາ ໂຮ່, ເມືອງ ຊາປາ, ແຂວງ ລາວກາຍ ໄດ້ຈັດບຸນ ເກົ່າຕ່າວ. ແຕ່ກ່ອນ, ເກົ່າຕ່າວ ເປັນງານບຸນສະເພາະ ຂອງຕະກຸນ, ແຕ່ປັດຈຸບັນ ໄດ້ກາຍເປັນງານບຸນລວມ ຂອງເຂດ ຫວ່າງລຽນເຊີນ ຊຶ່ງມີຄວາມໝາຍວ່າ ຂໍໃຫ້ມີລູກ, ຂໍໃຫ້ມີ ຜົນລະປູກທີ່ອຸດົມສົມບູນ.
ຕາມເລື່ອງລາວ ທີ່ເລົ່າສືບທອດກັນມາແຕ່ບູຮານນະການ ຂອງ ເຂດຊາປາ ກໍ່ແມ່ນວ່າ ຖ້າຄູ່ຜົວເມຍໃດເອົາກັນມາໄດ້ຫຼາຍປີ ແຕ່ບໍ່ມີລູກ, ຜູ້ເປັນຜົວຕ້ອງຂຶ້ນໄປເທິງຈອມພູໃດໜຶ່ງ ເພື່ອຂໍໃຫ້ ເທວະດາຟ້າດິນຄຸ້ມຄອງຊ່ວຍເຫຼືອຄອບຄົວ ເກີດໄດ້ລູກຊາຍຄົນ ໜຶ່ງ... ຄອບຄົວຈະຈັດງານບຸນ ເກົ່າຕ່າວ ເປັນປະຈຳໃນ 3-5 ປີ ເພື່ອ ເຊີນພີ່ນ້ອງ, ພໍ່ແມ່ປະຊາຊົນຊາວເຜົ່າມົ້ງ ມາເຂົ້າຮ່ວມ ແລະ ສະແດງຄວາມຮູ້ບຸນຄຸນຕໍ່ເທວະດາຟ້າດິນທີ່ໃຫ້ການຊ່ວຍ ເຫຼືອ.
ປັດຈຸບັນ, ບຸນ ເກົ່າຕ່າວ ຂອງຊາວເຜົ່າ ມົ້ງ ຢູ່ຕາແສງ ຊານສາໂຮ່ ໄດ້ຈັດເປັນປະຈຳ ແລະ ກາຍເປັນງານບຸນລວມ ຂອງປະຊາຊົນໃນບ້ານ. ນອກຈາກການຂໍໃຫ້ມີລູກ, ຜູ້ທີ່ມາເຂົ້າຮ່ວມ ໃນບຸນ ເກົ່າຕ່າວ ຍັງຂໍໃຫ້ມີສຸຂະພາບ ແຂງແຮງ, ຢູ່ດີມີສຸກ, ມີໂຊກມີໄຊ, ໄດ້ຜົນລະປູກ ທີ່ອຸດົມສົມບູນ.
ງານບຸນ ເກົ່າຕ່າວ ມີຫຼາຍລາຍການເຄື່ອງໄຫວດ້ານ ວັດທະນະທຳ ທີ່ໜ້າຈັບໃຈ ຄື: ຟ້ອນແຄນ, ແຂ່ງກັນຂຶ້ນຕົ້ນໄມ້, ຟ້ອນໄມ້ເທົ້າ, ຍິງໜ້າເກັກ, ຊົກມວຍ, ຮ້ອງເພງ ແລະ ອື່ນໆ. ສ່ວນນັກ ທ່ອງທ່ຽວ ແລະ ຜູ້ຊົມຢືນຢູ່ຂ້າງນອກ ພາກັນຕົບມື ຊົມເຊີຍ, ໂຮ່ຮ້ອງ ຍິ່ງເຮັດໃຫ້ງານບຸນ ຄຶກຄື້ນມ່ວນຊື່ນ. ເຖິງຍາມຄໍ່າຄືນ ແມ່ນເວລາບັນດາຄູ່ບ່າວ ສາວ ສະແດງ ຄວາມໃນໃຈຂອງຕົນ ຜ່ານສຽງດົນຕີ ຫຼື ບັນດາບົດເພງ ແຫ່ງຄວາມຮັກ.
ປະຕິບັດ: ສະໂມສອນຖ່າຍຮູບວິນາທີຄຳ