ສື່ມວນຊົນຢູ່ພາກພື້ນໄດ້ມີຫຼາຍບົດຂຽນຕີລາຄາສູງຈິດໃຈສາມັກຄີກັນ ແລະ ການສົມທົບກັນຂອງອາຊຽນໃນການຕໍ່ສູ້ຕ້ານໂລກລະບາດ.
ກອງປະຊຸມກ່ຽວກັບການຮັບມືກັບໂລກລະບາດໂຄວິດ- 19
(ພາບ: TTXVN)
ພາຍຫຼັງກອງປະຊຸມສຸດຍອດພິເສດອາຊຽນ ແລະ ອາຊຽນ + 3 ໂດຍຫວຽດນາມ ເປັນເຈົ້າພາບຈັດຕັ້ງຕາມຮູບການທາງອອນລາຍ, ປຶກສາຫາລືກ່ຽວກັບການຮັບມືກັບໂລກລະບາດໂຄວິດ- 19. ສື່ມວນຊົນຢູ່ພາກພື້ນໄດ້ມີຫຼາຍບົດຂຽນຕີລາຄາສູງຈິດໃຈສາມັກຄີກັນ ແລະ ການສົມທົບກັນຂອງອາຊຽນໃນການຕໍ່ສູ້ຕ້ານໂລກລະບາດ.
ໜັງສືພິມ ChannelnewsAsia ຂອງສິງກະໂປ ໄດ້ລົງພິມບົດຂຽນໂດຍເນັ້ນໜັກວ່າ, ນີ້ແມ່ນກາລະໂອກາດເພື່ອໃຫ້ບັນດາການນຳຢູ່ພາກພື້ນແບ່ງປັນຂໍ້ມູນຂ່າວສານ, ແຜນການຮັບມືຂອງແຕ່ລະປະເທດ ແລະ ປຶກສາຫາລືບັນດາມາດຕະການເຊິ່ງອາຊຽນ ອາດສາມາດເພີ່ມທະວີການຮ່ວມມື ເພື່ອຮັບມືກັບໂລກລະບາດໂຄວິດ-19.
ໜັງສືພິມ Jakarta Post ຂອງອິນໂດເນເຊຍ ໄດ້ມີບົດສະແດງຄວາມຄິດເຫັນກ່ຽວກັບບັນດາຄວາມມານະພະຍາຍາມຂອງອາຊຽນ ໃນການຮັບມືກັບໂລກລະບາດໂຄວິດ- 19. Jakarta Post ເນັ້ນໜັກວ່າ, ຖ້າຫາກອາຊຽນ ບັນລຸຜົນສຳເລັດໃນການພ້ອມກັນຕ້ານໂລກລະບາດນີ້, ກໍ່ຈະແມ່ນໂອກາດທີ່ດີເພື່ອຢັ້ງຢືນອິດທິພົນຊື່ສຽງຂອງອາຊຽນ ຢູູູ່່່ເວທີສາກົນ ແລະ ສິ່ງສຳຄັນກວ່າແມ່ນສ້າງຄວາມໄວ້ເນື້ອເຊື່ອໃຈ ແລະ ຄວາມເຄົາລົບຂອງປະຊາຊົນຢູ່ພາກພື້ນນີ້ເອງ.
ໜັງສືພິມ KBS ຂອງ ສ.ເກົາຫຼີ ຖືວ່າ, ນີ້ແມ່ນກາລະໂອກາດເພື່ອປຶກສາຫາລືການຮ່ວມມືທົ່ວໂລກໃນການຕໍ່ສູ້ຕ້ານເຊື້ອໄວຣັດ ແລະ ຫຼຸດຜ່ອນບັນດາຜົນກະທົບທາງດ້ານເສດຖະກິດຍ້ອນໂລກລະບາດກໍ່ຂຶ້ນ.
(ແຫຼ່ງຄັດຈາກ VOV)