ໂດຍການຄວ້າໂອກາດ ໃນຍຸກ ດີຈິີຕອນ ຈະຊ່ວຍໃຫ້ສະມາຄົມປະຊາຊາດອາຊີຕາເວັນອອກສ່ຽງໃຕ້ (ASEAN) ກາຍເປັນຕົວແບບ ໃນການຫັນປ່ຽນດ້ານ ດີຈີຕອນ ລະດັບໂລກ. ການຫັນ ເປັນ ດີຈີຕອນ ຍັງເປັນ ຍຸດທະສາດ ມຸ່ງສູ່ການສ້າງປະຊາຄົມ ASEAN ແບບຍືນຍົງ, ມີຄວາມສະໜິດຕິດພັນ ທາງດ້ານການ ເມືອງ, ການເຊື່ອມໂຍງ ທາງດ້ານເສດຖະກິດ ແລະ ແບ່ງປັນ ຄວາມຮັບຜິດຊອບທາງສັງຄົມ ຮ່ວມກັນ, ຮັບ ປະກັນ ເປັນທີ່ຕັ້ງ ໃຈກາງ ຂອງ ອາຊີ ທີ່ຂະຫຍັນຂັນເຄື່ອນ.
ໂດຍການຄວ້າໂອກາດ ໃນຍຸກ ດີຈິີຕອນ ຈະຊ່ວຍໃຫ້ສະມາຄົມປະຊາຊາດອາຊີຕາເວັນອອກສ່ຽງໃຕ້ (ASEAN) ກາຍເປັນຕົວແບບ ໃນການຫັນປ່ຽນດ້ານ ດີຈີຕອນ ລະດັບໂລກ. ການຫັນ ເປັນ ດີຈີຕອນ ຍັງເປັນ ຍຸດທະສາດ ມຸ່ງສູ່ການສ້າງປະຊາຄົມ ASEAN ແບບຍືນຍົງ, ມີຄວາມສະໜິດຕິດພັນ ທາງດ້ານການ ເມືອງ, ການເຊື່ອມໂຍງ ທາງດ້ານເສດຖະກິດ ແລະ ແບ່ງປັນ ຄວາມຮັບຜິດຊອບທາງສັງຄົມ ຮ່ວມກັນ, ຮັບ ປະກັນ ເປັນທີ່ຕັ້ງ ໃຈກາງ ຂອງ ອາຊີ ທີ່ຂະຫຍັນຂັນເຄື່ອນ.
ປັດຈຸບັນ, ASEAN ແມ່ນໜຶ່ງໃນບັນດາພາກພື້ນທີ່ເສດຖະກິດ ດີຈີຕອນ ເຕີບໂຕໄວທີ່ສຸດໃນໂລກ, ດ້ວຍຍອດມູນຄ່າການເຄື່ອນໄຫວບັນລຸ 218 ຕື້ໂດລາສະຫະລັດ ໃນປີ 2023. ຄາດວ່າ ຂະໜາດເສດຖະກິດ ດີຈີຕອນ ໃນພາກພື້ນ ຈະບັນລຸ 600 ຕື້ ໂດລາສະຫະລັດ ໃນປີ 2030, ອັດຕາການເຕີບໂຕ ສູງເຖິງ 16% ຕໍ່ປີ.
ຄວາມພະຍາຍາມຫັນເປັນ ດິີຈີຕອນ ຊ່ວຍບັນດາປະເທດ ອາຊີຕາເວັນອອກສ່ຽງໃຕ້ ຂະຫຍາຍການຄ້າ ແລະ ເພີ່ມທະວີການຮ່ວມມືດ້ານເສດຖະກິດ. ພິເສດ, ເມື່ອລະບົບຊຳລະຂ້າມແດນ ໃນພາກພື້ນ ພວມຜັນຂະຫຍາຍຢູ່ 5 ປະເທດ (ອິນໂດເນເຊຍ, ມາເລເຊຍ, ຟີລິບປິນ, ໄທ ແລະ ສິງກະໂປ) ໄດ້ເປີດກວ້າງແລະ ເຊື່ອມ ຕໍ່ກັບບັນດາສະມາຊິກ ທັງໝົດ 10 ປະເທດ, ຈະຊ່ວຍເພີ່ມທະວີການເຊື່ອມໂຍງດ້ານການເງິນລະຫວ່າງບັນດາປະເທດເຂົ້າຮ່ວມ, ນຳ ASEAN ເຂົ້າໃກ້ກັບເປົ້າໝາຍການຮ່ວມມືດ້ານເສດຖະກິດ ຍິ່ງຂຶ້ນ.
ຜູ້ສ້າງເນື້ອໃນຂາຍສິນຄ້າ OCOP ທາງອອນລາຍ ຂອງ ແຂວງ ຮ່າຕິ໊ງ. ພາບ: VNA
ການຊຳລະທີ່ງ່າຍ ແລະ ວ່ອງໄວ ສາມາດສົ່ງເສີມການຄ້າ ແລະ ການ ທ່ອງທ່ຽວ ພາຍໃນ ASEAN. ທ່ານ Nico Han, ນັກວິເຄາະ ອາຊີຕາເວັນອອກສ່ຽງໃຕ້ (ວາລະສານ The Diplomat) ໃຫ້ຮູ້ວ່າ: “ລະບົບຊຳລະ ດີຈີຕອນ ຂ້າມແດນ ທີ່ເປັນເອກະພາບ ຈະຊຸກຍູ້ຄວາມຮູ້ສຶກກ່ຽວກັບລັດທິພາກພື້ນນິຍົມ ແລະ ບົດບາດເປັນໃຈກາງ ຂອງ ASEAN ໃນການຄຸ້ມຄອງບັນດາບັນຫາສາກົນ”.
ASEAN ມີຜູ້ບໍລິໂພກ ດີຈີຕອນ ຫຼາຍກວ່າ 400 ລ້ານຄົນ, ປະຊາກອນ ທີ່ມີຄວາມຮູ້ທາງດ້ານ ເຕັກໂນໂລຊີ ໄດ້ເພີ່ມຂຶ້ນ ແລະ ຂົງເຂດການຄ້າ ເອເລັກໂຕຣນິກ ທີ່ສ້າງລາຍຮັບຫຼາຍກວ່າ 100 ຕື້ໂດລາສະຫະລັດ ໃນປີ 2023, ເພີ່ມຂຶ້ນ 8 ເທົ່າ ເມື່ອ ທຽບກັບປີ 2016. ອີງຕາມການລາຍງານຂອງບໍລິສັດຄົ້ນຄວ້າ ການຕະຫຼາດ Statista (ເຢຍລະມັນ), ຄາດການວ່າ ASEAN ຈະບັນລຸອັດຕາການຂະຫຍາຍຕົວ ປະຈໍາປີ ເພີ່ມຂຶ້ນເຖິງ 11.43% ໃນ 5 ປີຂ້າງໜ້າ, ເທົ່າກັບບັນດາປະເທດ ທີ່ ພັດທະນາໃນໂລກເຊັ່ນ: ສ ອາເມລິກາ, ສປ ຈີນ, ການາດາ. ລາຍຮັບຂອງການຄ້າ ເອເລັກໂຕຣນິກ ໃນພາກພື້ນ ເຖິງປີ 2027 ອາດບັນລຸ 175 ຕື້ ໂດລາສະຫະລັດ. ປັດຈຸບັນ ໃນພາກພື້ນ ມີບໍລິສັດ ເລີ່ມຕົ້ນທຸລະກິດດ້ານ ດີຈີຕອນ ກວ່າ 7.000 ແຫ່ງ, 80% ມີສຳນັກງານໃຫຍ່ຢູ່ ອິນໂດເນເຊຍ, ສິງກະໂປ ຫຼື ຫວຽດນາມ.
ງານວາງສະແດງການບິນ Singapore 2024 ໄດ້ນຳໃຊ້ ເຕັກໂນໂລຊີ ຂໍ້ມູນຂ່າວສານ ເພື່ອຊ່ວຍໃຫ້ບັນດາທີມງານ ທີ່ເຂົ້າຮ່ວມ ປະຕິບັດໄດ້ຢ່າງສວຍງາມ ແລະ ປະທັບໃຈ.
ພາບ: ຊິນຮົວ/VNA
ໃນການສົນທະນາ ກັບບັນດາວິສາຫະກິດ ASEAN ແລະ ບັນດາຄູ່ຮ່ວມມື ໃນຫົວຂໍ້ “ປະຊາຄົມ ວິສາຫະກິດ ASEAN, ເຊື່ອມໂຍງ, ສ້າງຄວາມເຂັ້ມແຂງດ້ວຍຕົນເອງ ແລະ ຍືນຍົງ: ຍາດແຍ່ງກາລະໂອກາດໃນຍຸກ ດີຈີຕອນ” ໃນຂອບເຂດເວທີປາໄສ ອະນາຄົດ ASEAN 2024, ທ່ານນາຍົກລັດຖະມົນຕີ ຟ້າມ ມິງຈິ໋ງ ໄດ້ສະເໜີ 3 ທິດບຸກທະລຸເພື່ອ ເຮັດໃຫ້ ASEAN ເປັນຕົວແບບໃນການຫັນເປັນ ດີຈີຕອນ ໃນທົ່ວໂລກ. ໜຶ່ງ: ຊຸກຍູ້ການເຂົ້າເຖິງຢ່າງສະເໝີພາບໃນການຫັນເປັນ ດີຈີຕອນ, ເສດຖະກິດ ດີຈີຕອນ ບົນຫຼັກການ “ຜົນປະໂຫຍດທີ່ກົມກຽວ, ແບ່ງປັນຄວາມສ່ຽງ”. ສອງ: ຊຸກຍູ້ອີງໃສ່ກຳລັງແຮງຂອງຕົນ, ສ້າງຄວາມເຂັ້ມ ແຂງດ້ວຍຕົນເອງ, ເປັນເຈົ້າຕົນເອງ ຂອງ ASEAN ໃນການຫັນເປັນດີຈີຕອນ. ສາມ: ຊຸກຍູ້ການເຂົ້າເຖິງ ໃນທົ່ວໂລກ, ທົ່ວປວງ ຊົນ, ຮອບດ້ານ ໃນການພັດທະນາເສດຖະກິດ ດີຈີຕອນ ຂອງ ASEAN.
ຕາມ HSBC, ຢູ່ ASEAN, ຫວຽດນາມ ແມ່ນພື້ນຖານ ເສດຖະກິດ ດີຈີຕອນ ຂະຫຍາຍໂຕໄວທີ່ສຸດ ໃນປີ 2022, 2023 ແລະ ຄາດວ່າ ຈະຮັກສາຖານະນີ້ ໄປຮອດປີ 2025. ປັດຈຸບັນ, ເສດຖະກິດ ດີຈີຕອນ ຂອງ ຫວຽດນາມ ແມ່ນນຳໜ້າ ໂດຍການ ຄ້າ ເອເລັກໂຕຣນິກ, ການທ່ອງທ່ຽວ ແລະ ການສື່ສານທາງ ອິນເຕີເນັດ. ຄາດວ່າ ຈຳນວນຜູ້ໃຊ້ ສະມາດໂຟນ ຈະບັນລຸ 67,3 ລ້ານຄົນ ໃນປີ 2026, ກວມເອົາ 96,9% ຂອງຜູ້ໃຊ້ ອິນເຕີເນັດ, ຫວຽດນາມ ກາຍເປັນຕະຫຼາດ ທີ່ດຶງດູດໃຈ ຂອງ ຂະແໜງອຸດສາຫະກຳ ດີຈີຕອນ ແລະ ບັນດາວິສາຫະກິດ ທັງພາຍໃນ ແລະ ຕ່າງປະເທດ ພວມເຄື່ອນໄຫວໃນຂົງເຂດ.
ປັດຈຸບັນ, ASEAN ພວມຢູ່ໃນຂັ້ນຕອນການເຈລະຈາ ຂໍ້ຕົກລົງ ຂອບການຫັນເປັນເສດຖະກິດ ດີຈີຕອນ ໃນພາກພື້ນ, ຄາດວ່າ ຈະໃຫ້ສຳເລັດໃນປີ 2025 ແລະ ນີ້ຈະເປັນພື້ນຖານອັນ ໜັກແໜ້ນ ເພື່ອຊຸກຍູ້ການຮ່ວມມືດ້ານເສດຖະກິດ ດີຈີຕອນ ພາຍໃນສະມາຄົມ, ເປັນຕົ້ນແມ່ນການພັດທະນາ ຂະແໜງ ເຕັກໂນໂລຊີ ຂໍ້ມູນຂ່າວສານ ແລະ ການສື່ ສານ; ຊຸກຍູ້ການຫັນເປັນ ດີຈີຕອນ ຂອງບັນດາຂະແໜງການ ແລະ ຂົງເຂດທີ່ຕິດພັນກັບການນຳໃຊ້ວິທະຍາສາດ ແລະ ເຕັກໂນໂລຊີ, ນະວັດຕະກຳ ແລະ ຄວາມຄິດສ້າງສັນ; ຍົກສູງຄວາມສາມາດໃນການຄຸ້ມຄອງ ດີຈີຕອນ ແລະ ພັດທະນາ ຂໍ້ມູນ ດີຈີຕອນ.
ການຫັນເປັນ ດີຈີຕອນ ບໍ່ພຽງແຕ່ແມ່ນ ເຕັກໂນໂລຊີ ເທົ່ານັ້ນ, ແຕ່ຍັງເປັນການປ່ຽນແປງອັນເລິກເຊິ່ງ ມີລັກສະນະທົ່ວໂລກ, ທົ່ວປວງຊົນ ແລະ ຮອບດ້ານ. ບັນດາຜູ້ນຳ ASEAN ໄດ້ຢືນຢັນ ບົດບາດບຸກເບີກຂອງປະຊາຄົມ ວິສາຫະກິດ ASEAN ແລະ ບັນດາປະເທດຄູ່ຮ່ວມມືໃນການຫັນເປັນ ດີຈີຕອນ, ແນໃສ່ ປະກອບສ່ວນສຳຄັນ ເຂົ້າໃນການ ພັດທະນາ ຢ່າງວ່ອງໄວ, ຍືນຍົງ ແລະ ກວມລວມຂອງແຕ່ລະປະເທດສະມາຊິກ ASEAN, ພາກພື້ນ ແລະ ໃນໂລກ.
- ບົດ: VNP ສັງລວມ - ພາບ: VNA - ແປໂດຍ: ຢືຟຽນ