ວັນທີ 29 ພະຈິກ, ທ່ານລັດຖະມົນຕີ ກະຊວງການຕ່າງປະເທດ ຫວຽດນາມ ບູຍແທງເຊີນ ພ້ອມກັບ ຜູ້ຕາງໜ້າກະຊວງການຕ່າງປະເທດ, ກະຊວງຕຳຫຼວດ, ກະຊວງຍຸດຕິກຳ ແລະ ນັກຄົ້ນຄວ້າ, ຜູ້ປະຕິບັດກົດໝາຍຈຳນວນໜຶ່ງຂອງ ຫວຽດນາມ ໄດ້ເຂົ້າຮ່ວມກອງປະຊຸມທາງໄກ ປະຈຳປີ ຂອງອົງການໃຫ້ຄຳປຶກສາດ້ານນິຕິກຳ ອາຊີ - ອາຟຣີກາ (AALCO) ຄັ້ງທີ 59 ຢູ່ ໂຮງກົງ (ປະເທດຈິນ).\
ທ່ານລັດຖະມົນຕີ ກະຊວງການຕ່າງປະເທດ ຫວຽດນາມ ບູຍແທງເຊີນ ເຂົ້າຮ່ວມກອງປະຊຸມ (ພາບ: baoquocte.vn)
AALCO ແມ່ນອົງການສາກົນລະຫວ່າງລັດຖະບານ ໄດ້ຮັບການສ້າງຕັ້ງປີ 1956 ໃນ ຂະບວນການບໍ່ຮ່ວມກຸ່ມຂອງອາຊີ ແລະ ອາຟຣີກາ, ປະກອບມີ 47 ປະເທດສະມາຊິກ. ກອງປະຊຸມປະຈຳປີ AALCO ປີນີ້ໄດ້ດຳເນີນໃນລະຫວ່າງວັນທີ 29 ພະຈິກ ຫາວັນທີ 1 ທັນວາ ປີ 2021.
ໃນກອງປະຊຸມ, ຄະນະຜູ້ແທນ ຫວຽດນາມ ໄດ້ກ່າວຄຳເຫັນຕາມບັນດາຫົວຂໍ້ຕາມ ທິດຊຸກຍູ້ ແລະ ເຊີດຊູກົດໝາຍສາກົນ, ເຄົາລົບກົດໝາຍໃນລະດັບສາກົນ; ສະໜັບສະໜູນການແກ້ໄຂການຂັດແຍ້ງກັນໃນໂລກໂດຍສັນຕິວິທີ. ຄະນະຜູ້ແທນ ຫວຽດນາມ ກໍ່ແບ່ງປັນບັນດາບົດຮຽນທີ່ດີຂອງ ຫວຽດນາມ ໃນການແກ້ໄຂບັນດາບັນຫາດ້ານການພົວພັນຕ່າງປະເທດກໍ່ຄື ທັດສະນະຂອງ ຫວຽດນາມ ທີ່ມີຕໍ່ວິວັດທະນາການຫັນເປັນນິຕິກຳ ແລະ ພັດທະນາກົດໝາຍສາກົນຢ່າງກ້າວໜ້າ.
(ແຫຼ່ງຄັດຈາກ VOV)