ວິສາຫະກິດຫວຽດນາມປະມານ 30 ແຫ່ງ ໄດ້ເຂົ້າຮ່ວມແນະນຳບັນດາຜະລິດຕະພັນກະສິກຳທີ່ງານຕະຫຼາດນັດສາກົນອຸດສະຫະກຳສະບຽງອາຫານAnugaປີ 2019 ເຊິ່ງເລີ່ມແຕ່ວັນທີ 05-09 ຕຸລາ, ຢູ່ນະຄອນ Cologne,ປະເທດເຢຍລະມັນ.
ບັນດາຜູ້ແທນທີເຂົ້າຮ່ວມ ງານຕະຫຼາດນັດຖ່ານຮູບລວມໝູ່ (ພາບ: TTXVN)
ງານຕະຫຼາດນັດສາກົນAnugaແມ່ນງານຕະຫຼາດນັດ ຂົງເຂດສະບຽງອາຫານແຖວໜ້າຂອງໂລກ, ເຊິ່ງໄດ້ເຕົ້າໂຮມບັນດາວິສາຫະກິດໃນທົ່ວໂລກເຂົ້າຮ່ວມກວ່າ 7,500 ແຫ່ງ,ອັນໄດ້ດຶງດູດແຂກຕ່າງປະເທດກວ່າ 165,000 ເທື່ອຄົນເຂົ້າມາຢ້ຽມຊົມແລະຄົ້ນຄ້ວາຜະລິດຕະພັນ. ດັ່ງນັ້ນ, ການເຂົ້າຮ່ວມAnuga 2019 ແມ່ນໂອກາດທີ່ດີເພື່ອໃຫ້ບັນດາວິສາຫະກິດ ຫວຽດນາມໄດ້ແນະນຳຜະລິດຕະພັນໃຫ້ແກ່ຜູ້ຈຳໜ່າຍສະບຽງອາຫານ, ບັນດາບໍລິສັດ, ບັນດາວິສາຫະກິດທີ່ເຄື່ອນໄຫວໃນຂົງເຂດພັດຕະຄານ, ການບໍລິການໂຮງແຮມໃນທົ່ວໂລກແລະເວົ້າລວມແມ່ນການໂຄສະນາເຜີຍແຜ່ຂະແໜງສະບຽງອາຫານຂອງຫວຽດນາມ.
ໃນໄລຍະດຳເນີນງານຕະຫຼາດນັດ, ແຕ່ລະມື້ກໍ່ມີແຂກມາຢ້ຽມຊົມຮ້ານວາງສະແດງສິນຄ້າຫວຽດນາມນັບພັນເທື່ອຄົນ. ໃນໂອກາດນີ້, ກໍ່ມີຫຼາຍບໍລິສັດໄດ້ລົງນາມບັນດາສັນຍາສັ່ງຊື້ສິນຄ້າທີ່ມີມູນຄ່າສູງເຖິງຫຼາຍລ້ານໂດລາສະຫະລັດ./.
(ແຫຼ່ງຄັດຈາກ VOV)