ຫວ່າງແລ້ວນີ້, ນະຄອນ ດ່ານັ້ງ ແລະ ພົນລະເມືອງ ຫວຽດນາມ ໄດ້ສົ່ງໄປຍັງ ມຽນມາ ຜ້າອັດປາກ - ດັງ 35.000 ອັນ ເພື່ອໜູນຊ່ວຍໃຫ້ປະຊາຊົນ ເຂດ Mandalay, ໃນສະພາບການໂລກລະບາດ ໂຄວິດ - 19 ຍັງມີການຜັນແປຢ່າງສັບສົນຢູ່ປະເທດນີ້.
ງວດຜ້າອັດປາກ - ດັງ ຂອງ ຫວຽດນາມ ຢູ່ສະໜາມບິນ ສາກົນ Yangon ປະເທດມຽນມາ
(ພາບ: TTXVN)
ທ່ານ ລິ້ກວ໊ກຕວັນ ເອກອັກຄະລັດຖະທູດ ຫວຽດນາມ ປະຈຳ ມຽນມາ ມອບຈຳນວນຂອງຂວັນສະໜັບສະໜູນດັ່ງກ່າວ ໃຫ້ຜູ້ຕາງໜ້າອຳນາດການປົກຄອງເຂດ Mandalay ຢູ່ສະໜາມບິນສາກົນ Yangon ໃນວັນທີ 12 ທັນວາ ທີ່ຜ່ານມາ.
ກ່າວຄຳເຫັນທີ່ພິທີມອບຮັບ, ທ່ານ ເອກອັກຄະລັດຖະທູດ ລິ້ກວ໊ກຕວັນ ເນັ້ນໜັກວ່າ ລັດຖະບານ ແລະ ປະຊາຊົນ ຫວຽດນາມ ຍາມໃດກໍ່ ຄິດເຖິງເພື່ອນມິດ ໃນໄລຍະປະສົບກັບຄວາມຫຍຸ້ງຍາກທີ່ສຸດ ແລະ ທ່ານກໍ່ສະແດງຄວາມຫວັງວ່າ ອຳນາດການປົກຄອງ ແລະ ປະຊາຊົນເຂດ Mandalay ຈະຜ່ານຜ່າບັນດາຄວາມຫຍຸ້ງຍາກ, ສິ່ງທ້າທາຍຈາກໂລກລະບາດໂຄວິດ - 19 ໂດຍໄວ.
ສ່ວນທ່ານ U Zaw Lin ຜູ້ຕາງໜ້າອຳນາດການປົກຄອງເຂດ Mandalay ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ລັດຖະບານ ແລະ ປະຊາຊົນ ຫວຽດນາມ, ພິເສດແມ່ນນະຄອນ ດ່ານັ້ງ ເຊິ່ງໄດ້ປະກອບສ່ວນຢ່າງແທດຈິງ ໃນໄລຍະທີ່ ປະຊາຊົນ ມຽນມາ ເວົ້າລວມ ແລະ ປະຊາຊົນເຂດ Mandaly ເວົ້າສະເພາະ ພວມປະສົບກັບຄວາມຫຍຸ້ງຍາກ, ສິ່ງທ້າທາຍຢ່າງທັນການ.
(ແຫຼ່ງຄັດຈາກ VOV)