ຕອນບ່າຍວັນທີ 29 ມິຖຸນາ, ຢູ່ນະຄອນຫຼວງ ລອນດອນ, ໃນຂອບເຂດການໄປຢ້ຽມຢາມ ລາຊະອານາຈັກອັງກິດຢ່າງເປັນທາງການ, ທ່ານປະທານສະພາແຫ່ງຊາດເວືອງດິ່ງເຫ້ວ ໄດ້ໃຫ້ການຕ້ອນຮັບທ່ານນາງລັດຖະມົນຕີກະຊວງການຄ້າສາກົນ ອັງກິດ Anne Marie Trevelyan.

    

ທ່ານປະທານສະພາແຫ່ງຊາດເວືອງດິ່ງເຫ້ວ  ແລະ ທ່ານນາງລັດຖະມົນຕີກະຊວງການຄ້າສາກົນ ອັງກິດ Anne Marie Trevelyan

ທີ່ການຕ້ອນຮັບ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ຕີລາຄາສູງຕໍ່ເລື່ອງ ຫວຽດນາມ ແລະ ອັງກິດໄດ້ລົງນາມສັນຍາການຄ້າເສລີສອງຝ່າຍ (UKVFTA). ນີ້ແມ່ນສັນຍາສຳຄັນ, ໄດ້ຮັບການເຈລະຈາໂດຍໄວບົນພື້ນຖານການສືບທອດບັນດາເນື້ອໃນໃຫ້ຄຳໝັ້ນສັນຍາໃນສັນຍາການຄ້າເສລີ ຫວຽດນາມ - ສະຫະພັນເອີລົບ. ຫວຽດນາມ ພ້ອມແລ້ວທີ່ຈະສ້າງທຸກເງື່ອນໄຂສະດວກໃຫ້ແກ່ນັກລົງທຶນອັງກິດທີ່ພວມເຄື່ອນໄຫວຢູ່ ຫວຽດນາມ. ສອງຝ່າຍກໍ່ສ້າງເງື່ອນໄຂສະດວກເພື່ອຊຸກຍູ້ການຮ່ວມມືລະຫວ່າງວິສາຫະກິດສອງປະເທດ.

ທ່ານນາງລັດຖະມົນຕີການຄ້າສາກົນ Anne Marie Trevelyan ຖືວ່າ ຄວາມສາມາດບົ່ມຊ້ອນການຮ່ວມມືລະຫວ່າງ ຫວຽດນາມ ແລະ ອັງກິດ, ພິເສດແມ່ນການຮ່ວມມືໃນຂົງເຂດການຄ້າແມ່ນໃຫຍ່ທີ່ສຸດ, ຫວັງວ່າ ບັນດາວິສາຫະກິດອັງກິດຈະປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງ ຫວຽດນາມ.

(ແຫຼ່ງຄັດຈາກ VOV)