ຂ່າວສານ

ຫວຽດ​ນາມ ແລະ ບັນ​ດາ​ປະ​ເທດ ເຫັນ​ດີ​ຈັດ​ຕັ້ງ​ກອງ​ປະ​ຊຸມ ADMM – 14, ADMM + ຢ່າງ​ປອດ​ໄພ ແລະ ແທດ​ຈິງ

ຜູ້ຕາງໜ້າຫວຽດນາມ ພ້ອມກັບບັນດາປະເທດ ໄດ້ເຫັນດີເປັນເອກະພາບຈັດຕັ້ງບັນດາເຫດການສຳຄັນດັ່ງກ່າວຢ່າງປອດໄພ ແລະ ແທດຈິງ.

ທ່ານພັນເອກ ຟ້າມແມ້ງທັ໊ງ, ຮອງຫົວໜ້າກົມພົວພັນຕ່າງປະເທດ, ກະຊວງປ້ອງກັນປະເທດ ໄດ້ເປັນປະທານການເຮັດວຽກ (ພາບ: qdnd.vn)

ເພື່ອແຈ້ງຂ່າວກ່ຽວກັບວຽກງານຈັດຕັ້ງກອງປະຊຸມລັດຖະມົນຕີກະຊວງປ້ອງກັນປະເທດໃຫ້ບັນດາປະເທດ ອາຊຽນ ຄັ້ງທີ 14 (ADMM – 14), ກອງປະຊຸມລັດຖະມົນຕີກະຊວງປ້ອງກັນປະເທດ ບັນດາປະເທດ ອາຊຽນ ເປີດກວ້າງ ຄັ້ງທີ 7 ແລະ ບັນດາການເຄື່ອນໄຫວທີ່ກ່ຽວຂ້ອງ ເຊິ່ງຈະຈັດຂຶ້ນຢູ່ຮ່າໂນ້ຍ, ທ່ານພັນເອກ ຟ້າມແມ້ງທັ໊ງ, ຮອງຫົວໜ້າກົມພົວພັນຕ່າງປະເທດ, ກະຊວງປ້ອງກັນປະເທດ ໄດ້ເປັນປະທານການເຮັດວຽກກັບທູດປ້ອງກັນຊາດບັນດາປະເທດ ອາຊຽນ; ຜູ້ຕາງໜ້າບັນດາປະເທດຄູ່ຮ່ວມມື ແລະ ແຂກຖືກເຊີນ ໃນຕອນບ່າຍວັນທີ 02 ທັນວາ, ຢູ່ຮ່າໂນ້ຍ. ນະທີ່ນີ້, ຜູ້ຕາງໜ້າຫວຽດນາມ ພ້ອມກັບບັນດາປະເທດ ໄດ້ເຫັນດີເປັນເອກະພາບຈັດຕັ້ງບັນດາເຫດການສຳຄັນດັ່ງກ່າວຢ່າງປອດໄພ ແລະ ແທດຈິງ.

        ກອງປະຊຸມ ADMM – 14 ແລະ ກອງປະຊຸມ ADMM + ທີ່ຈະຈັດຂຶ້ນໃນຄັ້ງນີ້ ແມ່ນສອງເຫດການທີ່ສຳຄັນທີ່ສຸດໃນບັນດາການເຄື່ອນໄຫວ, ກອງປະຊຸມປ້ອງກັນຊາດ - ການທະຫານຂອງ ອາຊຽນ ໂດຍ ກະຊວງປ້ອງກັນປະເທດຫວຽດນາມ ເປັນເຈົ້າພາບຈັດຕັ້ງ ໃນປີ ປະທານ ອາຊຽນ 2020. ບັນດາເຫດການດັ່ງກວ່າ ຈະຖືກຈັດຂຶ້ນຕາມຮູບການທາງອອນລາຍ ແຕ່ວັນທີ 9 ຫາ ວັນທີ 10 ທັນວາ ຈະມາເຖິງ. ເນື່ອງໃນໂອກາດນີ້, ຫວຽດນາມ ຈະເປັນເຈົ້າພາບຈັດຕັ້ງການເຄື່ອນໄຫວຈຳນວນໜຶ່ງທີ່ກ່ຽວຂ້ອງອີກດ້ວຍ.

(ແຫຼ່ງຄັດຈາກ VOV)


top