ນີ້ແມ່ນການຢັ້ງຢືນຂອງທ່ານອະດີດຮອງທີ່ປຶກສາຄວາມໝັ້ນຄົງແຫ່ງຊາດ ອິນເດຍ SD Pradhan ເມື່ອຕອບສຳພາດຕໍ່ນັກກຂ່າວ ສຳນັກຂ່າວສານຫວຽດນາມ ປະຈຳ New Delhi, ອິນເດຍ.
ຕາມທ່ານ SD Pradhan ແລ້ວ, ໃນປີ 2024 ຫວຽດນາມ ໄດ້ຍົກສູງຖານະບົດບາດໃນທົ່ວໂລກ; ບັນລຸຫຼາຍຜົນງານສຳຄັນ, ໃນນັ້ນພົ້ນເດັ່ນແມ່ນໃນ 3 ຂົງເຂດ: ເສດຖະກິດ, ການຕ່າງປະເທດ ແລະ ການປ້ອງກັນຊາດ. ເພື່ອຮັກສາທ່າພັດທະນາຂອງປີ 2024 ແລະ ບັນລຸໄດ້ບັນດາຜົນງານໃຫຍ່ຫຼວງກ່ວາໃນປີ 2025, ທ່ານອະດີດທີ່ປຶກສາຄວາມໝັ້ນຄົງແຫ່ງຊາດ ອິນເດຍຖືວ່າ ຫວຽດນາມ ຕ້ອງສືບຕໍ່ມີບັນດານະໂຍບາຍໃນຂົງເຂດເສດຖະກິດ ແລະ ການຕ່າງປະເທດ, ພ້ອມທັງເອົາໃຈໃສ່ເປັນພິເສດເຖິງຂົງເຂດຄວາມໝັ້ນຄົງ. ກ່ຽວກັບດ້ານເສດຖະກິດ, ຕ້ອງເອົາໃຈໃສ່ເຂົ້າພະລັງງານທົດແທນ ແລະ ສ້າງບັນດາສູນພົວພັນແລກປ່ຽນດ້ວຍວິທີການພັດທະນາທ່າກຳປັ່ນທະເລ. ຫວຽດນາມ ກໍ່ຕ້ອງມີຄວາມເອົາໃຈໃສ່ເຖິງແຫຼ່ງຜົນປະໂຫຍດຈາກແມ່ນ້ຳຂອງ ແລະ ຊັບພະຍາກອນບໍ່ແຮ່ໃຕ້ດິນ, ເພື່ອຮັບປະກັນການພັດທະນາແບບຍືນຍົງ.