ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພົບປະກັບ ທ່ານນາງ Nicola Sturgeon ຜູ້ວ່າການ Scotland  (ພາບ: TTXVN)

ວັນທີ 31 ຕຸລາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການພົບປະກັບ ທ່ານນາງ Nicola Sturgeon ຜູ້ວ່າການ Scotland  ເນື່ອງໃນໂອກາດເຂົ້າຮ່ວມກອງປະຊຸມຄັ້ງທີ 26 ຂອງບັນດາຝ່າຍ ເຂົ້າຮ່ວມສົນທິສັນຍາແມ່ ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP 26) ແລະ ຢ້ຽມຢາມ, ເຮັດວຽກຢູ່ ລາຊະອານາຈັກອັງກິດ.

ທ່ານນາຍົກລັດຖະມົນຕີ ຢັ້ງຢືນວ່າ ຫວຽດນາມ ຖືເປັນສຳຄັນ ແລະ ມີຄວາມປາດຖະໜາ ຢາກເພີ່ມທະວີການຮ່ວມມື ກັບ ລາຊະອານາຈັກອັງກິດ ແລະ ບັນດາເຂດຂອງ ອັງກິດຢ່າງມີປະສິດທິຜົນ, ແທດຈິງ. ທ່ານນາຍົກລັດຖະມົນຕີ ສະເໜີໃຫ້ Scotland ສ້າງເງື່ອນໄຂກ່ວາອີກ ໃຫ້ແກ່ສິນຄ້ານຳເຂົ້າຂອງ ຫວຽດນາມ ໃນການສຳຜັດກັບຕະຫຼາດ, ພ້ອມທັງໜູນຊ່ວຍ ຫວຽດນາມ ກ່ຽວກັບແຫຼ່ງສະໜອງວັກຊິນກັນໂຄວິດ - 19, ບັນດາວັດຖຸອຸປະກອນການແພດທີ່ຈຳເປັນ, ເປັນຕົ້ນແມ່ນເຄື່ອງຊ່ວຍຫາຍໃຈ ແລະ ຢາປິ່ນປົວພະຍາດໂຄວິດ - 19.

ສ່ວນທ່ານນາງ Nicola Sturgeon ໄດ້ສະໜັບສະໜູນຂໍ້ສະເໜີຂອງທ່ານນາຍົກລັດຖະມົນຕີ ຟ້າມມິງຈິງ ແລະ ໃຫ້ຮູ້ວ່າ Scotland ມີທ່າໄດ້ປຽບຫຼາຍຢ່າງ, ມີບົດຮຽນປະສົບການໃນການພັດທະນາໄຟຟ້າແຮງລົມຢູ່ແຄມຝັ່ງ ແລະ ພວມເພີ່ມທະວີ ໄຟຟ້າແຮງລົມ ຢູ່ນອກຝັ່ງທະເລ, ທ່ານກໍ່ສະແດງຄວາມພ້ອມທີ່ຈະແບ່ງປັນ ແລະ ຮ່ວມມື ກັບຫວຽດນາມ ໃນຂົງເຂດນີ້. ພ້ອມທັງສະແດງຄວາມປາດຖະໜາຢາກ ເພີ່ມທະວີການຮ່ວມມື ໃນການບຳລຸງສ້າງ, ພັດທະນາຊັບພະຍາກອນມະນຸດ, ສະແດງຄວາມຊົມເຊີຍຕໍ່ນັກສຶກສາຫວຽດນາມ ທີ່ໄດ້ມາຮ່ຳຮຽນ, ຄົ້ນຄ້ວາ ຢູ່ Scotland.

ໃນວັນດຽວກັນ, ທ່ານ ນາຍົກລັດຖະມົນຕີ ຟ້າມມິງຈິງ ກໍ່ໄດ້ເຂົ້າຮ່ວມພິທີປະກາດຖ້ຽວບິນ ໂດຍກົງ ຫວຽດນາມ - ອັງກິດຂອງ ບໍລິສັດການບິນ Bamboo Airways ແລະ ເປີດຕົວສາຂາໃຫຍ່ ຂອງ ບໍລິສັດ ປະຈຳ ອັງກິດ.

(ແຫຼ່ງຄັດຈາກ VOV)