ວັນທີ 28 ພະຈິກ, ກອງປະຊຸມລັດຖະມົນຕີແຮງງານອາຊຽນຄັ້ງທີ 25 ດ້ວຍຫົວຂໍ້ “ ຊຸກຍູ້ວຽກງານຂຽວມຸ່ງໄປສູ່ຄວາມຍຸຕິທຳ ແລະ ການເຕີບໂຕກວມລວມຂອງປະຊາຄົມອາຊຽນ ” ໄດ້ຖືກໄຂຂຶ້ນຢູ່ນະຄອນຫຼວງ ກົວລາລຳເປີ ປະເທດມາເລເຊຍ
ກອງປະຊຸມລັດຖະມົນຕີແຮງງານອາຊຽນຄັ້ງທີ 25
ຄະນະຜູ້ແທນຫວຽດນາມໂດຍທ່ານ ຢ້ວານເມົ້າຢຽບ ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສົງຄົມຫວຽດນາມ ນຳໜ້າໄດ້ເຂົ້າຮ່ວມກອງປະຊຸມ.
ບັນດາລັດຖະມົນຕີ, ຫົວໜ້າບັນດາຄະນະຜູ້ແທນໄດ້ຕີລາຄາສູງເລື່ອງບັນດາກອງປະຊຸມສຸດຍອດອາຊຽນໃນປີ 2018 ໄດ້ຮັບຮອງເອົາ ແລະ ຮັບຮູ້ບັນດາຖະແຫຼງການກ່ຽວກັບວຽກເຮັດງານທຳ ແລະ ຊຸກຍູ້ຄວາມຄວາມປອດໄພ, ຫຼັກອະນາໄມໃນການອອກແຮງງານ. ຍັງມີເນື້ອໃນອີກປະການໜຶ່ງທີ່ ບັນດາລັດຖະມົນຕີ, ຫົວໜ້າບັນດາຄະນະຜູ້ແທນມີຄວາມສົນໃຈເປັນພິເສດ, ນັ້ນແມ່ນເລື່ອງບັນດາການນຳອາຊຽນໄດ້ຮັບຮອງເອົາ “ ຄວາມເຫັນດີເຫັນພ້ອມໃນອາຊຽນ” ກ່ຽວກັບການປົກປ້ອງ ແລະ ຊຸກຍູ້ສິດຂອງແຮງງານອົບພະຍົບ ແລະ ຮັບຮູ້ແຜນການດຳເນີນງານພາກພື້ນໄລຍະ 2018-2025 ເພື່ອແນໃສ່ປະຕິບັດ ຄວາມເຫັນດີເຫັນພ້ອມໃນອາຊຽນ.
(ແຫຼ່ງຄັດຈາກ VOV)