(ຫວຽດນາມສືບຕໍ່ຍົກອອກຂໍ້ລິເລີ່ມຫຼາຍຢ່າງ)
ວັນທີ 26/02, ຢູ່ນະຄອນຍາຈາງ, ແຂວງ ແຄ໋ງຮ່ວາ, ບັນດາຜູ້ແທນເຂົ້າຮ່ວມກອງປະຊຸມຄັ້ງທີ່ໜຶ່ງບັນດາເຂົ້າໜ້າທີ່ຂັ້ນສູງເວທີປາໄສຮ່ວມມືເສດຖະກິດອາຊີ - ປາຊີຟິກ ແລະ ບັນດາກອງປະຊຸມທີ່ກ່ຽວຂ້ອງໄດ້ກ້າວເຂົ້າສູ່ມື້ເຮັດວຽກທີ່ 9. ໃນມື້ນີ້, ບັນດາຜູ້ແທນສືບຕໍ່ເຂົ້າຮ່ວມບັນດາກອງປະຊຸມກ່ຽວກັບຄູ່ຮ່ວມມືນະໂຍບາຍກ່ຽວກັບການຄ້ຳປະກັນດ້ານສະບຽງອາຫານ (PPFS); ກຸ່ມປະຕິບັດງານກ່ຽວກັບອາຊີບຫາປາ ແລະ ມະຫາສະມຸດ (OFWG); ຄະນະກຳມະການເສດຖະກິດ (EC) - ການເຈລະຈາກ່ຽວກັບການ ຊື້ປະກອບລັດຖະບານ.
ຄະນະຜູ້ແທນຫວຽດນາມ ສືບຕໍ່ສ້າງຂີດໝາຍດ້ວຍບັນດາຂໍ້ສະເໜີກ່ຽວກັບແຜນການກະທຳປະຕິບັດ “ຂອບເຂດຍຸດທະສາດ APEC ກ່ຽວກັບການພັດທະນາແບບຍືນຍົງເຂດຕົວເມືອງ - ຊົນນະບົດ ເພື່ອແນໃສ່ປັບປຸງການຄ້ຳປະກັນດ້ານສະບຽງອາຫານ ແລະ ການປ່ຽນແປງຂອງດິນຟ້າອາກາດ”, ເອກະສານແນະນຳຂອງເວທີປາໄສຮ່ວມມືເສດຖະກິດອາຊີ - ປາຊີຟິກກ່ຽວກັບການພັດທະນາການທ່ອງທ່ຽວແບບຍືນຍົງໃນສະພາບການປ່ຽນແປງຂອງດິນຟ້າອາກາດ ແລະ ຂອບເຂດຄວາມສະດວກດ້ານການຄ້າເອເລັກໂຕນິກຂ້າມຊາຍແດນ.
(ແຫຼ່ງຄັດຈາກ VOV)