ຕອນເຊົ້າວັນທີ 16 ກັນຍາ, ຢູ່ຮ່າໂນ້ຍ, ກະຊວງຊັບພະຍາກອນທຳມະຊາດ ແລະສິ່ງແວດລ້ອມໄດ້ຈັດຕັ້ງພິທີສະເຫຼີມສະຫຼອງວັນປົກປັກຮັກສາຊັ້ນ Ozon ສາກົນປີ 2019.
ພິທີສະເຫຼີມສະຫຼອງວັນປົກປັກຮັກສາຊັ້ນ Ozon ສາກົນປີ 2019
ຈົດໝາຍສະແດງຄວາມເຈດຈຳນົງ Montreal ກ່ຽວກັບບັນດາທາດຜິດທີ່ເຮັດໃຫ້ຊັ້ນ Ozon ຖືກທຳລາຍ (ຂຶ້ນກັບສົນທິສັນຍາ Vienna ກ່ຽວກັບການປົກປັກຮັກສາ ຊັ້ນ Ozon) ເຊິ່ງໄດ້ຮັບການລົງນາມໃນປີ 1987 ຢູ່ Montreal, ປະເທດ ການາດາ, ໄດ້ຕີລາຄາວ່າແມ່ນໜຶ່ງໃນບັນດາສົນທິສັນຍາສາກົນກ່ຽວກັບສິ່ງແວດລ້ອມ, ຮັບມືກັບການປ່ຽນແປງຂອງດິນຟ້າອາກາດທີ່ປະສົບຜົນສຳເລັດທີ່ສຸດໃນປະຫວັດສາດ.
ຫວຽດນາມແມ່ນໜຶ່ງໃນບັນດາປະເທດເຂົ້າຮ່ວມສົນທິສັນຍາ Vienna ກ່ຽວກັບການປົກປັກຮັກສາຊັ້ນ Ozon ແລະ ຈົດໝາຍສະແດງຄວາມເຈດຈຳນົງ Montreal ໄວກ່ວາໝູ່ເຊິ່ງນັບແຕ່ເດືອນມັງກອນ 1994. ທ່ານເລກົງແທັ່ງຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໃຫ້ຮູ້ວ່າ ໃນຕະຫຼອດ25 ປີທີ່ຜ່ານມາ, ຫວຽດນາມ ໄດ້ເປັນເຈົ້າການ ແລະ ຕັ້ງໜ້າເຂົ້າຮ່ວມບັນດາການເຄື່ອນໄຫວປົກປັກຮັກຊັ້ນ Ozon, ປະຕິບັດສົນທິສັນຍາ Vienna, ຈົດໝາຍສະແດງຄວາມເຈດຈຳນົງ Montreal ເປັນຢ່າງດີ ແລະ ບັນລຸໄດ້ໝາກຜົນຫຼາຍຢ່າງທີ່ໄດ້ຮັບການຮັບຮອງຈາກປະຊາຄົມສາກົນ.ໃນຂອບເຂດພິທີສະເຫຼີມສະຫຼອງວັນສາກົນປົກປັກຮັກສາຊັ້ນ Ozon ປີ 2019, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໄດ້ເລີ່ມເຄື່ອນໄຫວໂຄງການຄຸ້ມຄອງ, ລົບລ້າງບັນດາທາດ HCFC ຂອງ ຫວຽດນາມ ໄລຍະ II. ໂຄງການແມ່ນເພື່ອແນໃສ່ລົບລ້າງ ອັດຕາການນຳໃຊ້ພື້ນຖານບັນດາທາດ HCFC 32% ໃນປີ 2023.
(ແຫຼ່ງຄັດຈາກ VOV)