ຕອນບ່າຍວັນທີ 11 ພຶດສະພາ, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ເວືອງດິ່ງເຫ້ວ ໄດ້ຕ້ອນຮັບທ່ານ Hogbeg, ເອກອັກຄະລັດຖະທູດແຫ່ງລາຊະອານາຈັກ ຊູແອດ ປະຈຳ ຫວຽດນາມ ແລະ ທ່ານ Zaman, ປະທານກຸ່ມບໍລິສັດໂທລະຄົມ Comvik ຢູ່ ຫວຽດນາມ. ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ໃຫ້ຮູ້ວ່າ: ໃນການພົວພັນຮ່ວມມືເວົ້າລວມ, ການພົວພັນດ້ານເສດຖະກິດ, ການຄ້າ ແມ່ນຈຸດໂດດເດັ່ນ. ປະກອບສ່ວນເຂົ້າຜົນສຳເລັດນັ້ນ ມີຜົນງານຂອງວິສາຫະກິດຊູແອັດຄື ບໍລິສັດໂທລະຄົມ Comvik. ຊົມເຊີຍເຈດຈຳນົງສືບຕໍ່ລົງທຶນດຳເນີນທຸລະກິດຢູ່ ຫວຽດນາມ ຂອງ Comvik, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ຫວັງວ່າ: ທ່ານເອກອັກຄະລັດຖະທູດ Hogbeg ຈະສືບຕໍ່ເປັນຂົວເຊື່ອມຕໍ່ຮຽກຮ້ອງຫຼາຍນັກທຸລະກິດ ຊູແອັດ ມາລົງທຶນຢູ່ ຫວຽດນາມ ກ່ວາອີກ.

        ສ່ວນ ທ່ານເອກອັກຄະລັດຖະທູດ Hogbeg ໃຫ້ຮູ້ວ່າ: ເພື່ອສະເຫຼີມສະຫຼອງ 50 ປີແຫ່ງວັນ 2 ປະເທດສ້າງຕັ້ງການພົວພັນທາງການທູດ ຈະຈັດກອງປະຊຸມສຸດຍອດວິສາຫະກິດ ຫວຽດນາມ - ຊູແອັດ. ສະຖານທູດ ຊູແອັດ ພວມກະກຽມໃຫ້ແກ່ກອງປະຊຸມນີ້.