ຫວຽດນາມຈະຮ່ວມມືຢ່າງແຫນ້ນແຟ້ນກັບບັນດາຄູ່ຮ່ວມມື ອາເມລິກາ ເພື່ອຮັກສາທ່າການພົວພັນຮ່ວມມືສອງຝ່າຍໃຫ້ພັດທະນາຢ່າງແຮງໃນໄລຍະຈະມາເຖິງ, ນຳມາເຊິ່ງຜົນປະໂຫຍດຢ່າງແທດຈິງໃຫ້ແກ່ປະຊາຊົນ ແລະວິສາຫະກິດສອງປະເທດ.
![](https://imagevietnam.vnanet.vn/Upload/2020/12/20/2012202018501133002vietnamtieptuchoptacvoicacdoitachoakydeduytriquanhesongphuong_pxcs.jpg)
ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ກອງປະຊຸມ
ພາບ:vietnam+
ຕອນບ່າຍວັນທີ 18 ທັນວາ ກ່າວຄຳເຫັນທີ່ກອງປະຊຸມຄະນະປະຈຳການລັດຖະບານກ່ຽວກັບຮ່າງມະຕິວ່າດ້ວຍຫນ້າທີ່, ມາດຕະການຕົ້ນຕໍແຫ່ງການປະຕິບັດແຜນການພັດທະນາເສດຖະກິດສັງຄົມ ແລະແຜນງົບປະມານແຫ່ງລັດປີ 2021, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ແລກປ່ຽນກ່ຽວກັບຂ່າວຄາວທີ່ວ່າ ກະຊວງການເງິນ ອາເມລິກາ ໄດ້ຈັດ ປະເທດ ສະວິດ ແລະ ຫວຽດນາມ ເຂົ້າບັນຊີລາຍຊື່ບັນດາປະເທດຄອບງຳເງິນຕາ. ກ່ຽວກັບເລື່ອງນີ້ ໂຄສົກກະຊວງການຕ່າງປະເທດຫວຽດນາມ ໄດ້ມີຖະແຫລງການຢ່າງທັນການ, ທະນາຄານແຫ່ງລັດຫວຽດນາມ ໄດ້ລົງຂໍ້ມູນຂ່າວທາງສື່ມວນຊົນໂດຍຊີ້ແຈ້ງທັດສະນະບໍລິຫານນະໂຍບາຍເງິນຕາຂອງຫວຽດນາມ ແມ່ນເພື່ອແນໃສ່ເຮັດໃຫ້ເສດຖະກິດມະຫາພາກມີສະຖຽນລະພາບ, ບໍ່ເພື່ອຈຸດປະສົງຫລຸດຄ່າເງິນຕາລົງເພື່ອສ້າງທ່າໄດ້ປຽບດ້ານການຄ້າ. ຄວາມຈິງ ທ່ານນາຍົກລັດຖະມົນຕີ, ການນຳລັດຖະບານ ໄດ້ມີການຊີ້ນຳຫລາຍຢ່າງໃນຕະຫລອດໄລຍະຜ່ານມາ. ບົນພື້ນຖານນັ້ນ ບັນດາກະຊວງ, ອົງການຂອງຫວຽດນາມ ໄດ້ເປັນເຈົ້າການຮ່ວມມືກັບບັນດາຄູ່ຮ່ວມມື ອາເມລິກາ, ບັນລຸໄດ້ໝາກຜົນຕັ້ງຫນ້າຫລາຍຢ່າງ ເປັນຕົ້ນແມ່ນດ້ານການຄ້າ, ການລົງທຶນ.. ແລະພ້ອມກັນແກ້ໄຂບັນດາຂໍ້ຄົງຄ້າງ, ຂໍ້ຕິດຂັດ, ຮັກສາການພົວພັນດ້ານການຄ້າໃຫ້ມີສະຖຽນລະພາບ, ມຸ່ງໄປເຖິງດຸ່ນການຄ້າໃຫ້ມີຄວາມກົມກ່ຽວ, ຍືນຍົງ ຕ່າງຝ່າຍຕ່າງມີຜົນປະໂຫຍດ.
ທ່ານນາຍົກລັດຖະມົນຕີ ມອບໃຫ້ບັນດາກະຊວງ, ອົງການສືບຕໍ່ຮ່ວມມືຢ່າງແຫນ້ນແຟ້ນກັບບັນດາຄູ່ຮ່ວມມື ອາເມລິກາ ເພື່ອຮັກສາທ່າການພົວພັນຮ່ວມມືສອງຝ່າຍໃຫ້ພັດທະນາຢ່າງແຮງໃນໄລຍະຈະມາເຖິງ, ນຳມາເຊິ່ງຜົນປະໂຫຍດຢ່າງແທດຈິງໃຫ້ແກ່ປະຊາຊົນ ແລະວິສາຫະກິດສອງປະເທດ.
(ແຫຼ່ງຄັດຈາກ VOV)