ທ່ານນາຍົກລັດຖະມົນຕີ ໄດ້ສະເໜີບາງການກຳນົດທິດຮ່ວມມືບຸລິມະສິດ, ເນັ້ນໜັກເຖິງເລື່ອງຕ້ອງຮັບປະກັນບັນດາຄວາມດຸ່ນດ່ຽງຍຸດທະສາດລະຫວ່າງການເຕີບໂຕ, ໄພເງິນເຟີ້.

  ທ່ານນາຍົກລັດຖະມົນຕີ ຟ້າມມິນຈິງ ເຂົ້າຮ່ວມກອງປະຊຸມທົ່ວໂລກ ອາຊຽນ (ພາບ: VGP)  

ຕອນເຊົ້າວັນທີ 13 ພະຈິກ, ໂດຍສືບຕໍ່ການເຄື່ອນໄຫວໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 40, 41 ແລະ ບັນດາກອງປະຊຸມຂັ້ນສູງທີ່ກ່ຽວຂ້ອງ, ຢູ່ນະຄອນຫຼວງ ພະນົມເປັນ, ປະເທດ ກຳປູເຈຍ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມທົ່ວໂລກ ອາຊຽນ ຄັ້ງທີ 2 ດ້ວຍຫົວຂໍ້ “ຟື້ນຟູພາຍຫຼັງໂລກລະບາດໂຄວິດ-19 ຢ່າງຮອບດ້ານ”.

ທີ່ການກອງປະຊຸມ, ທ່ານນາຍົກລັດຖະມົນຕີ ຟ້າມມິນຈິງ ຢືນຢັນວ່າ, ຫວຽດນາມ ພ້ອມແລ້ວທີ່ຈະປະກອບສ່ວນເຂົ້າໃນບັນດາຄວາມມານະພະຍາຍາມລວມ ເພື່ອກໍ່ສ້າງປະຊາຄົມ ອາຊຽນ. ທ່ານນາຍົກລັດຖະມົນຕີ ໄດ້ສະເໜີບາງການກຳນົດທິດຮ່ວມມືບຸລິມະສິດ, ເນັ້ນໜັກເຖິງເລື່ອງຕ້ອງຮັບປະກັນບັນດາຄວາມດຸ່ນດ່ຽງຍຸດທະສາດລະຫວ່າງການເຕີບໂຕ, ໄພເງິນເຟີ້ ແລະ ວຽກເຮັດງານທຳ, ເອົາໃຈໃສ່ເຖິງການຮັບປະກັນເສດຖະກິດມະຫາພາກເປັນປົກກະຕິ; ຮັກສາລະບົບສະໜອງພາຍຫຼັງໂລກລະບາດໂຄວິດ-19 ໃຫ້ມີສະຖຽນລະພາບ. ພ້ອມກັນນັ້ນ, ຕ້ອງຊຸກຍູ້ການພັດທະນາແຫຼ່ງຊັບພະຍາກອນມະນຸດ, ຖືມະນຸດເປັນໃຈກາງ, ແຫຼ່ງກຳລັງ, ກຳລັງໜູນໃຫ້ແກ່ການພັດທະນາ, ບຳລຸງສ້າງແຮງງານມີຄຸນນະພາບສູງ, ເພີ່ມທະວີການເຊື່ອມຕໍ່ພື້ນຖານໂຄງລ່າງຍຸດທະສາດ; ການຟື້ນຟູສີຂຽວດ້ວຍການສຳຜັດຢ່າງຍຸຕິທຳ.