2 ຊຸດ KIT ວິໄຈຫາເຊື້ອໂຄວິດ- 19 ນຳໃຊ້ເຕັກນິກ RT-LAMP, RT-PCR.
![](https://imagevietnam.vnanet.vn/Upload/2020/6/7/0706202014571776903vietnamcongbothemhaibokitchuandoancovid19_vsqo.jpg)
ຊຸດ KIT ວິໄຈຫາເຊື້ອໂຄວິດ-19
(ພາບ: baodansinh.vn)
ຫວຽດນາມ ປະກາດ 2 ຊຸດ KIT ວິໄຈຫາເຊື້ອໂຄວິດ- 19 “made in Vietnam” ບັນລຸມາດຕະຖານສາກົນຕື່ມອີກ 2 ຊຸດ. ຕອນບ່າຍວັນທີ 05 ມິຖຸນາ, ຢູ່ຮ່າໂນ້ຍ, ບໍລິສັດຫຸ້ນສ່ວນ ຊາວທ໊າຍເຢືອງ ໄດ້ປະກາດ 2 ຊຸດ KIT ດັ່ງກ່າວຢ່າງເປັນທາງການ. 2 ຊຸດ KIT ວິໄຈຫາເຊື້ອໂຄວິດ- 19 ນຳໃຊ້ເຕັກນິກ RT-LAMP, RT-PCR ເຊິ່ງແມ່ນໝາກຜົນການຄົ້ນຄວ້າ, ຜະລິດບົນພື້ນຖານການສືບທອດຈາກຫົວເລື່ອງຄົ້ນຄວ້າ ຊຸດ KIT ວິໄຈຫາເຊື້ອໂຄວິດ- 19 ເຊິ່ງກະຊວງສາທາລະນະສຸກຫວຽດນາມ ອະນຸຍາດໃຫ້ນຳໃຊ້ເມື່ອວັນທີ 07 ພຶດສະພາ. 2 ຊຸດ KIT ວິໄຈຫາເຊື້ອໂຄວິດ- 19 ໄດ້ຫັນເປັນການຄ້າເພື່ອຮັບໃຊ້ຄວາມຕ້ອງການຮີບດ່ວນໃນປະຈຸບັນຂອງປະຊາຄົມຫວຽດນາມ ເວົ້າສະເພາະ ກໍຄືໃນໂລກເວົ້າລວມ. ທ່ານປະລິນຍາເອກ ເລກວາງຮ່ວາ, ຫົວໜ້າກຸ່ມຄົ້ນຄວ້າມະຫາວິທະຍາໄລຊັບພະວິຊາຮ່າໂນ້ຍ, ເນັ້ນໜັກວ່າ.
“ຈຸດດີຂອງເຕັກໂນໂລຊີນີ້ແມ່ນພຽງແຕ່ອີງໃສ່ການປ່ຽນສີ ຈາກສີອິດເປັນສີຟ້າ ຫຼືວ່າ ຈາກສີແດງເປັນສີເຫຼືອງ ແມ່ນພວກເຮົາສາມາດສະຫຼຸບໄດ້ແລ້ວ. ເຕັກນິກດັ່ງກ່າວບໍ່ຕ້ອງການມີເຄື່ອງຈັກທັນສະໄໝ ແລະ ນັກເຕັກນິກບໍ່ໄດ້ຜ່ານການບຳລຸງກໍ່ສ້າງກໍ່ສາມາດເຮັດໄດ້”.
ຕີລາຄາສູງໝາກຜົນການຄົ້ນຄວ້າ, ໃນນັ້ນບັນດາຊຸດ KIT ມີຈຸດດີແມ່ນໃຊ້ງ່າຍ, ໄວ, ຊັດເຈນ ຕອບສະໜອງຄວາມຕ້ອງການວິໄຈຢ່າງເປີດກວ້າງ, ທ່ານຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ເຈິ່ນວັນຕຸ່ງ ເນັ້ນໜັກວ່າ, ບັນດາຜະລິດຕະພັນດັ່ງກ່າວສືບຕໍ່ເປັນການຢັ້ງຢືນຄວາມເກັ່ງກ້າສາມາດຂອງບັນດານັກວິທະຍາສາດຫວຽດນາມ, ການສົມທົບລະຫວ່າງນັກວິທະຍາສາດ ແລະ ວິສາຫະກິດ ໃນການຜະລິດອອກບັນດາຜະລິດຕະພັນຮັບໃຊ້ປະກອບສ່ວນຍູ້ໂລກລະບາດໃຫ້ຖອຍໄປພ້ອມກັບໂລກ.
(ແຫຼ່ງຄັດຈາກ VOV)