ນອກຈາກເປັນອ່າວທີ່ມີຊື່ສຽງທີ່ສຸດ ຂອງແຂວງ ນິງຖ້ວນ ດ້ວຍທັດ ສະນີຍະພາບທີ່ສວຍງາມ, ນໍ້າທະເລ ສີຟ້າ ສົດໃສຕະຫຼອດປີ ແລະ ອາຫານທະເລສົດ, ແຊບທີ່ມີຊື່ສຽງ ຫຼາຍເຍື່ອງແລ້ວ, ເສັ້ນທາງມາຍັງ ຫວິງຮີ ຍັງໄດ້ຮັບການ ຕີລາຄາວ່າ ເປັນໜຶ່ງໃນບັນດາເສັ້ນທາງຕາມແຄມຝັ່ງ ທະເລ ສວຍງາມທີ່ສຸດຂອງປະເທດ. ພ້ອມກັບອ່າວ ຮ້າລອງ (ແຂວງ ກວາງນິງ), ລານຮ້າ (ຮາຍຟອງ), ລັງໂກ (ນະຄອນ ເຫວ້), ອ່າວ ຫວິງຮີ ຂອງ ແຂວງ ນິງຖ້ວນ ຖືວ່າ ເປັນໜຶ່ງໃນ 4 ອ່າວ ສວຍງາມທີ່ສຸດ ຢູ່ ຫວຽດນາມ.
ອ່າວ ຫວິງຮີ ຂຶ້ນກັບຕາແສງ ຫວິງຫາຍ, ເມືອງ ນິງຫາຍ, ແຂວງ ນິງຖ້ວນ, ຫວຽດນາມ, ຫ່າງຈາກນະຄອນ ຟານຣາງ - ທາບຈ່າມ ປະມານ 42 ກິໂລແມັດ. ພາບ: ກົງດາດ/VNP
ນອກຈາກເປັນອ່າວທີ່ມີຊື່ສຽງທີ່ສຸດ ຂອງແຂວງ ນິງຖ້ວນ ດ້ວຍທັດ ສະນີຍະພາບທີ່ສວຍງາມ, ນໍ້າທະເລ ສີຟ້າ ສົດໃສຕະຫຼອດປີ ແລະ ອາຫານທະເລສົດ, ແຊບທີ່ມີຊື່ສຽງ ຫຼາຍເຍື່ອງແລ້ວ, ເສັ້ນທາງມາຍັງ ຫວິງຮີ ຍັງໄດ້ຮັບການ ຕີລາຄາວ່າ ເປັນໜຶ່ງໃນບັນດາເສັ້ນທາງຕາມແຄມຝັ່ງ ທະເລ ສວຍງາມທີ່ສຸດຂອງປະເທດ. ພ້ອມກັບອ່າວ ຮ້າລອງ (ແຂວງ ກວາງນິງ), ລານຮ້າ (ຮາຍຟອງ), ລັງໂກ (ນະຄອນ ເຫວ້), ອ່າວ ຫວິງຮີ ຂອງ ແຂວງ ນິງຖ້ວນ ຖືວ່າ ເປັນໜຶ່ງໃນ 4 ອ່າວ ສວຍງາມທີ່ສຸດ ຢູ່ ຫວຽດນາມ.
ອ່າວ ຫວິງຮີ ຂຶ້ນກັບຕາແສງ ຫວິງຫາຍ, ເມືອງ ນິງຫາຍ, ແຂວງ ນິງຖ້ວນ, ຫວຽດນາມ, ຫ່າງຈາກນະຄອນ ຟານຣາງ - ທາບຈ່າມ ປະມານ 42 ກິໂລແມັດ. ອ່າວມີ 3 ໜ້າຫັນໄປຫາທິດຕາເວັນອອກ - ທິດຕາເວັນຕົກ - ທິດເໜືອ ໄດ້ອ້ອມຮອບດ້ວຍພູ ຈົ໋ວ ສູງ 1.040 ແມັດ, ທິດຕາເວັນອອກສ່ຽງໃຕ້ ແມ່ນປາກ ອ່າວ ຫັນໜ້າ ອອກສູ່ທະເລ ທີ່ກວ້າງໃຫຍ່ໄພສານ.
ຄົງຈະບໍ່ເປັນເລື່ອງເກີນໄປ ເມື່ອເດີນທາງໄປເຖິງ ນິງຖ້ວນ ໂດຍບໍ່ໄດ້ໄປຢ້ຽມຢາມ ອ່າວ ຫວິງຮີ ເທົ່າກັບບໍ່ໄດ້ມາເຖິງນິງຖ້ວນ ແລະ ນັກທ່ອງທ່ຽວ ຫຼາຍຄົນ ເມື່ອມາທ່ອງທ່ຽວອ່າວແຫ່ງນີ້ ຈະເລີ່ມຕົ້ນດ້ວຍການຊົມທັດສະນີ ຍະພາບທັງໝົດ ອ່າວ ຫວິງຮີ ຈາກໄລຍະໄກ. ເທິງເສັ້ນທາງ ພາໄປຫາ ຫວິງຮີ ມີທີ່ພັກຕາມທາງບ່ອນໜຶ່ງ ທີ່ນັກທ່ອງທ່ຽວ ສ່ວນຫຼາຍ ກ່ອນຈະລົງໄປອ່າວ ຈະຢຸດພັກຜ່ອນຊົ່ວ ຄາວ. ເບິ່ງຈາກເບື້ອງເທິງ, ອ່າວ ຫວິງຮີ ຄືກັບອ່າງນ້ຳຂະໜາດໃຫຍ່ທີ່ອ້ອມຮອບໄປດ້ວຍພູສູງ ແລະ ນ້ຳທະເລທີ່ໃສສະອາດ. ບາງຄັ້ງຄາວ, ເຮືອ ກາໂນ ຫຼາຍຄັນ ແລ່ນຜ່ານໜ້ານໍ້າທະເລ ສ້າງເປັນທາງນໍ້າສີຂາວ ແລະ ປະສານສົມທົບເຂົ້າກັບ ຊີວິດການເປັນຢູ່ ຂອງ ຊາວປະມົງ ໃນໝູ່ບ້ານຫາປາ ກາຍເປັນພາບທຳມະຊາດເຂດທະເລ ທີ່ທັງສະຫງົບສຸກ ແລະ ມີຊີວິດຊີວາແຜ່ນໜຶ່ງ.
ປັດຈຸບັນ, ຢູ່ ຫວິງຮີ ມີທີ່ພັກ ຫຼາຍແຫ່ງສຳລັບນັກທ່ອງທ່ຽວ, ມີລາ ຄາ ຫຼາຍປະເພດ ແລະ ມີຫຼາຍບໍລິການ ໃຫ້ເລືອກ. ຖ້ານັກທ່ອງທ່ຽວ ຢາກພັກຫຼາຍມື້ ເພື່ອສໍາຜັດ ແລະ ສໍາຫຼວດຊີວິດການເປັນຢູ່ຂອງ ຊາວປະມົງ ຄວນເລືອກໂຮງແຮມ ຫຼື homestay ຕັ້ງຢູ່ແຄມອ່າວ. ບາງ ກິດຈະກຳ ທີ່ບໍ່ຄວນພາດໃນການທ່ອງທ່ຽວອ່າວ ຫວິງຮີ ນັ້ນຄື ລອຍນ້ຳທະເລທີ່ໃສສະອາດ, ດຳນ້ຳ ເບິ່ງປະກາລັງ, ນັ່ງເຮືອພື້ນແກ້ວໄປທ່ຽວອ່າວ. ພິເສດ, ຖ້າຄະນະທ່ອງທ່ຽວ ຫຼາຍກວ່າ 10 ຄົນ, ຄ່າໃຊ້ຈ່າຍຈະຖືກ ກວ່າຫຼາຍ ດ້ວຍຫຼາຍບໍລິການທີ່ໜ້າສົນໃຈເຊັ່ນ: ຂີ່ເຮືອ ພື້ນແກ້ວ ອອກສູ່ອ່າວໄກ, ສຳຜັດກັບກິດຈະ ກຳຕຶກປາ, ດຳນໍ້າເບິ່ງປະກາລັງ ແລະ ຖ່າຍຮູບຢູ່ນອກທະເລຢ່າງ ສະບາຍໃຈ.
ໃນໄລຍະທີ່ຂີ່ເຮືອໄປທ່ອງທ່ຽວອ່າວ ຫວິງຮີ, ແຂກທ່ອງທ່ຽວສາມາດໄປຢ້ຽມຊົມບັນດາເຮືອນແພເພື່ອຮັບປະທານອາຫານທະເລສົດ. ພາບ: ຟຸກອານ
ແນມເບິ່ງອ່າວ ຫວິງຮີ ຈາກນອກຝັ່ງທະເລ ຈະເຫັນ ຜາຫີນໃຫຍ່ຫຼາຍໜ່ວຍ, ນ້ຳທະເລ ໄດ້ພັດເຂົ້າສ້າງເປັນຄື້ນຟອງສີຂາວ, ໃນນັ້ນສວຍງາມທີ່ສຸດແມ່ນແຫຼມ ດາແວ໋ກ, ມີພູຫີນ ສູງຊັນ, ເປັນມຸມໜຶ່ງທີ່ສວຍງາມຢູ່ອ່າວ ຫວິງຮີ ທີ່ນັກທ່ອງທ່ຽວ ຫຼາຍຄົນມາເພື່ອ ເຊັກອິນ. ນອກນີ້, ຈາກອ່າວ ແນມເບິ່ງຂຶ້ນໄປຫາພູ ແລະ ປ່າໄມ້ທີ່ຫ່າງໄກຂອງພູ ຈົ໋ວ ຈະເຫັນ ສະຖານທີ່ ພັກຜ່ອນລະດັບ 6 ດາວຊື່ Amanoi ຫວິງຮີ, ເຊື່ອງຊ້ອນຢູ່ບັນດາຕົ້ນໄມ້ ແລະ ພູເຂົາ, ສະ ຖານ ທີ່ພັກຜ່ອນແຫ່ງນີ້ ໄດ້ຄັດເລືອກເປັນໜຶ່ງ ໃນ 33 ໂຮງແຮມທີ່ດີທີ່ສຸດໃນໂລກ.
ກິດຈະກຳ ອີກອັນໜຶ່ງທີ່ສາມາດສຳຜັດໄດ້ ເມື່ອມາເຖິງ ຫວິງຮີ ນັ້ນຄື ການໄປຢ້ຽມຊົມ ຊີວິດການເປັນຢູ່ຂອງຊາວປະມົງ ທີ່ພວມດຳລົງຊີວິດຢູ່ໃນອ່າວ ແລະ ຮັບປະທານອາຫານ ທະເລສົດຫຼາຍເຍື່ອງ.
ນອກນີ້, ອ່າວ ຫວິງຮີ ຍັງມີຄວາມສະດວກສະບາຍ ທີ່ສຸດເມື່ອເຊື່ອມຕໍ່ໄປໃກ້ກັບບັນດາສະຖານທີ່ທ່ອງທ່ຽວ ທີ່ມີຊື່ສຽງຂອງທ້ອງຖິ່ນ. ຈາກ ຫວິງຮີ, ນັກທ່ອງທ່ຽວ ຄວນສົມທົບການສຳຫຼວດ ຖໍ້າ ຣາຍ - ຫາດຊາຍຫີນທຳມະຊາດ ທີ່ສວຍງາມແຫ່ງໜຶ່ງ ຢູ່ທິດຕາເວັນຕົກສ່ຽງໃຕ້ ຂອງອ່າວ. ນອກນັ້ນຍັງມີສະຖານທີ່ອື່ນໆ ເຊັ່ນ: ສວນອະງຸ່ນ ຖາຍອານ, ປ່າສະຫງວນ ແຫ່ງຊາດພູ ຈົ໋ວ ລ້ວນແຕ່ສັງກັດກັບເມືອງ ນິງຫາຍ, ສະດວກໃຫ້ແກ່ການທ່ອງທ່ຽວ ຂຶ້ນພູ ລົງທະເລ ທີ່ຫຼາກຫຼາຍຮູບແບບ, ໃຊ້ເວລາພັກຜ່ອນ ເຕັມທີ່ ສຳລັບນັກທ່ອງທ່ຽວ ແລະ ຄອບຄົວ.
ການຄົ້ນຄ້ວາຊີວິດການເປັນຢູ່ຂອງຊາວປະມົງແມ່ນປະສົບການທີ່ນັກທ່ອງທ່ຽວມັກເມື່ອມາອ່າວ ຫວິງຮີ. ພາບ: ຟຸກອານ
ບົດ: VNP/ເຊີນເຫງ້ຍ - ພາບ: ເລມິງ, ກົງດາດ - ແປໂດຍ: ຢືຟຽນ