ວັນທີ 04 ມີນາ, ກອງທຶນເງິນຕາສາກົນ (IMF) ແລະ ທະນາຄານໂລກ (WB) ໄດ້ໃຫ້ຄຳໝັ້ນສັນຍາວ່າ ຈະສະຫງວນບ້ວງເງິນດ່ວນນັບຫລາຍສິບຕື້ USD ເພື່ອສະໜອງໃຫ້ແກ່ບັນດາປະເທດສະມາຊິກ ອາດຈະມີຄວາມຕ້ອງການໜູນຊ່ວຍໃນສະພາບການໂລກລະບາດອັກເສບປອດ Covid-19 ພວມແຜ່ລະບາດໃນທົ່ວໂລກຢ່າງວ່ອງໄວ.
(ພາບປະກອບ)
ປັດຈຸບັນ, IMF ສະຫງວນປະມານ 50 ຕື້ USD ໂດຍຜ່ານບັນດາກົນໄກສະໜອງການເງິນດ່ວນ, ປ່ອຍເງິນໄວສຳລັບບັນດາປະເທດທີ່ມີລາຍຮັບຕ່ຳ ຫຼື ແມ່ນຕະຫລາດຫາກໍ່ພົ້ນເດັ່ນ, ໃນນັ້ນ ຈະສະຫງວນ 10 ຕື້ USD ເພື່ອໜູນຊ່ວຍໂດຍບໍ່ມີການຄິດໄລ່ດອກເບ້ຍໃຫ້ແກ່ບັນດາປະເທດທຸກຍາກກ່ວາໝູ່.
ໃນຂະນະນັ້ນ, WB ປະກາດວ່າ: ຈະສະໜອງບ້ວງເງິນເບື້ອງຕົ້ນມີມູນຄ່າ 12 ຕື້ USD ເພື່ອ “ໜູນຊ່ວຍໃນທັນທີ” ໃຫ້ບັນດາປະເທດພວມຮັບມືກັບບັນດາການກະທົບກ່ຽວກັບເສດຖະກິດ ແລະ ສຸຂະພາບຍ້ອນໂລກລະບາດກໍ່ຂຶ້ນ.
ຢູ່ພາກພື້ນ ເອີຣົບ, ບັນດາປະເທດໃຊ້ສະກຸນເງິນລວມ ເອີຣົບ (Eurozone) ໃຫ້ຮູ້ວ່າ: ພ້ອມແລ້ວທີ່ຈະນຳໃຊ້ທຸກເຄື່ອງມືນະໂຍບາຍທີ່ເໝາະສົມ ເພື່ອຮັບປະກັນໃຫ້ເສດຖະກິດພາກພື້ນເຕີບໂຕຢ່າງແຮງ ແລະ ຍືນຍົງ, ພິເສດແມ່ນເອົາໃຈໃສ່ເຖິງບັນດາມາດຕະການການເງິນໃນກໍລະນີຈຳເປັນ.
ຢູ່ບັນດາປະເທດ ອິນໂດເນເຊຍ, ຍີ່ປຸ່ນ, ການາດາ, ອາຟຣີກາໃຕ້ ກໍ່ກຽມພ້ອມບັນດາມາດຕະການເພື່ອຮັບມືກັບໂລກລະບາດ Covid-19.
(ແຫຼ່ງຄັດຈາກ VOV)