ພາຍຫຼັງການປະທະກັນຢູ່ ຢູແກຼນ ຄົບຮອບ 4 ປີ (24 ກຸມພາ 2022 – 24 ກຸມພາ 2026), ທ່ານ Antonio Guterres ເລຂາທິການໃຫຍ່ ສປຊ ຢັ້ງຢືນຄືນຄຳຮຽກຮ້ອງ “ຄຳສັ່ງຢຸດຍິງໃນທັນທີ, ຮອບດ້ານ ແລະ ບໍ່ມີເງື່ອນໄຂ” ຄືດັ່ງເປັນບາດກ້າວເດີນທຳອິດມຸ່ງໄປເຖິງພື້ນຖານສັນຕິພາບແບບຍຸຕິທຳ, ຍາວນານ ແລະ ຮອບດ້ານ.
ສ່ວນໜຶ່ງຂອງໂຮງງານກັນຕອນນ້ຳມັນຢູ່ Szazhalombatta, ຮຸງກາຣີ (ພາບ: REUTERS/Bernadett Szabo)
ໃນຖະແຫຼງການທີ່ໄດ້ຍົກອອກມາທີ່ສຳນັກງານ ສປຊ ຢູ່ ນິວຢອກ, ອາເມລິກາ, ວັນທີ 23 ກຸມພາ, ທ່ານເລຂາທິການໃຫຍ່ Antonio Guterres ເນັ້ນໜັກວ່າ ວິກິດການຢູ່ ຢູແກຼນ ຍັງຄົງແມ່ນໄພນາບຂູ່ຕໍ່ສັນຕິພາບ ແລະ ຄວາມໝັ້ນຄົງຢູ່ພາກພື້ນກໍຄືທົ່ວໂລກ; ພ້ອມທັງຢັ້ງຢືນມາດຕະການສັນຕິພາບຢ່າງຍຸຕິທຳທີ່ຕ້ອງປະຕິບັດຕາມກົດບັດ ສປຊ, ກົດໝາຍສາກົນ ແລະ ມະຕິສະບັບຕ່າງໆທີ່ກ່ຽວຂ້ອງ, ຮັບປະກັນເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ຢູແກຼນ, ພ້ອມທັງເນັ້ນໜັກວ່າ ອົງການນີ້ ພ້ອມແລ້ວທີ່ຈະເຂົ້າຮ່ວມ, ໜູນຊ່ວຍທຸກຄວາມມານະພະຍາຍາມເພື່ອມຸ່ງໄປເຖິງເປົ້າໝາຍນີ້.
ກໍໃນວັນດຽວກັນ, ສະຫະພາບເອີຣົບ (EU) ບໍ່ບັນລຸໄດ້ຄວາມເຫັນດີເຫັນພ້ອມຕໍ່ການລົງໂທດຄັ້ງໃໝ່ທີ່ເລັ່ງໃສ່ ລັດເຊຍ, ພາຍຫຼັງ ຮຸງກາຣີ ປະຕິເສດຂໍ້ສະເໜີດັ່ງກ່າວ.