ຂ່າວສານ

ສ​ປ​ຊ ຕີ​ລາ​ຄາ​ສູງ​ກຳ​ລັງ​ຄວາມ​ສາ​ມາດ​ຂອງ ຫວຽດ​ນາມ ໃນ​ການ​ເຂົ້າ​ຮ່ວມ​ກຳ​ລັງ​ຮັກ​ສາ​ສັນ​ຕິ​ພາບ ສ​ປ​ຊ

ທ່ານຮອງເລຂາທິການໃຫຍ່ ສປຊ Jean – Pierre Lacroix ຕີລາຄາສູງກຳລັງຄວາມສາມາດຂອງ ຫວຽດນາມ ໃນການເຂົ້າຮ່ວມກຳລັງຮັກສາສັນຕິພາບ ສປຊ.
 

ຫວຽດນາມ ມີການປະກອບສ່ວນຢ່າງຕັ້ງໜ້າເຂົ້າໃນການຮັກສາສັນຕິພາບ (ພາບ: ຄະນະຜູ້ຕາງໜ້າຫວຽດນາມ ປະຈຳ ສປຊ)

ທ່ານຮອງເລຂາທິການໃຫຍ່ ສປຊ Jean – Pierre Lacroix ຕີລາຄາສູງກຳລັງຄວາມສາມາດຂອງ ຫວຽດນາມ ໃນການເຂົ້າຮ່ວມກຳລັງຮັກສາສັນຕິພາບ ສປຊ ເມື່ອຕອບສຳພາດນັກຂ່າວສຳນັກຂ່າວສານ ຫວຽດນາມ ຫວ່າງມໍ່ໆມານີ້. ໃນນັ້ນ ພົ້ນເດັ່ນຂຶ້ນແມ່ນເລື່ອງ ຫວຽດນາມ ໄດ້ເຂົ້າຮ່ວມການສ້າງໂຮງໝໍກາງສະໜາມຂັ້ນ 2 ຢູ່ ຊູດັງໃຕ້. ຕາມທ່ານ Jean – Pierre Lacroix ແລ້ວ, ຍ້ອນມີໂຮງໝໍກາງສະໜາມແນວນັ້ນ ຈຶ່ງຊ່ວຍໃຫ້ພົນທະຫານຮັກສາສັນຕິພາບ ສາມາດອຸ່ນອ່ຽນໃຈປະຕິບັດໜ້າທີ່.

        ທ່ານຮອງເລຂາທິການໃຫຍ່ ສປຊ Jean – Pierre Lacroix ໃຫ້ຮູ້ວ່າ ໃນໄລຍະຈະມາເຖິງ, ສປຊ ຈະຮ່ວມມືກັບ ຫວຽດນາມ ເພື່ອແຕ່ງຕັ້ງກົມກອງທະຫານຊ່າງແສງເລກ 1 ໄປເຂົ້າຮ່ວມຄະນະຮັກສາສັນຕິພາບ ສປຊ ຢູ່ເຂດ Abyei – ເຊິ່ງເປັນເຂດທີ່ມີການຂັດແຍ້ງລະຫວ່າງ ຊູດັງ ແລະ ຊູດັງໃຕ້ (ຄະນະ UNISFA). ທ່ານ Jean – Pierre Lacroix ເຊື່ອໝັ້ນວ່າ ຫວຽດນາມ ຈະຕອບສະໜອງບັນດາຄາດໝາຍບຸລິມະສິດ ເຊິ່ງ ສປຊ ຮຽກຮ້ອງ ສຳລັບກຳລັງເຂົ້າຮ່ວມການຮັກສາສັນຕິພາບ.

(ແຫຼ່ງຄັດຈາກ VOV)


top