ໃນພາສາ ຍີ່ປຸ່ນ ຄໍາວ່າ “Bi” ມີຄວາມໝາຍວ່າ “ສະອາດ,
ໃນພາສາ ຍີ່ປຸ່ນ ຄໍາວ່າ “Bi” ມີຄວາມໝາຍວ່າ “ສະອາດ, ງາມ”, ຄໍາວ່າ “Non”ມີຄວາມໝາຍວ່າ “ກະສິກໍາ” ເມື່ອປະກອບເປັນຄໍາ Binon ມີຄວາມຫມາຍວ່າ “ກະສິກໍາສະອາດ, ກະສິກໍາທີ່ສວຍງາມ” ແລະ ນັບແຕ່ປີ 2017ຈົນເຖິງປັດຈຸບັນ, ບໍລິສັດຫຸ້ນສ່ວນ Binon Cacao (ເມືອງ ເຈົາດຶກ, ແຂວງ ບ່າເຣ້ຍ ຫວຸ໋ງເຕົ່າ) ຍາມໃດກໍ່ສ້າງ ແລະ ພັດທະນາເຄື່ອງໝາຍການຄ້າຕາມມາດຖານຂ້າງເທິງ ຈາກ ບັນດາ ຜະລິດຕະພັນ ໂກໂກ້ ສະອາດທີ່ມີຄຸນນະພາບສູງ (ອຸດສາ ຫະກຳສະອາດ) ທັງເປັນສະຖານທີ່ທ່ອງທ່ຽວທາງດ້ານກະສິກຳ ທີ່ເປັນເອກະລັກ ສະເພາະ (ກະສິກໍາທີ່ສວຍງາມ) ໃນທ້ອງຖິ່ນ.
ຍ້ອນດິນຟ້າອາກາດ ແລະ ລັກສະນະດິນປູກຝັງ, ຕົ້ນ ໂກໂກ້ ຢູ່ເມືອງ ເຈົາດຶກ ຈິ່ງມີຄຸນນະພາບ ແລະ ໃຫ້ຜົນຜະລິດສູງ, ມີລົດຊາດທີ່ເປັນເອກະລັກສະເພາະ ເມື່ອປຸງແຕ່ງຜະລິດຕະພັນຈາກໝາກ ໂກໂກ້ ເຫຼົ່ານີ້. ໂດຍຮັບຮູ້ບັນດາທ່າໄດ້ປຽບດັ່ງ ກ່າວ, ບັນດາ ຜູ້ຊ່ຽວ ຊານໃນຂົງເຂດກະສິກຳເຕັກໂນໂລຊີສູງ ທີ່ມາຈາກປະເທດ ຍີ່ປຸ່ນ ໄດ້ສົມທົບກັບວິສາຫະກິດ ຫວຽດນາມ ຈໍານວນໜຶ່ງ ສ້າງຕັ້ງບໍລິສັດຫຸ້ນສ່ວນ Binon Cacao ດ້ວຍຄວາມຫວັງວ່າ ຜະລິດ ຊັອກໂກແລັດ ທີ່ແຊບ, ມີລົດຊາດ ຂອງ ທ້ອງຖິ່ນ ທ່ີເປັນເອກະລັກ.
ເພື່ອເຮັດໄດ້ຄືແນວນັ້ນ, ບໍລິສັດ Binon Cacao ໄດ້ປຸກລະດົມ ແລະ ຮ່ວມມືກັບຊາວກະສິກອນ ຢູ່ທ້ອງຖິ່ນທີ່ພວມປູກຕົ້ນ ໂກໂກ້ ແບບວິ ທີດັ້ງເດີມ ເພື່ອຫັນເປັນຮູບແບບກະສິກຳ ປອດສານພິດ. ບັນດາວິສະວະກອນຂອງ Binon Cacao ໄດ້ລົງໄປທ້ອງຖິ່ນເພື່ອໃຫ້ຄຳປືກສາ ແລະ ແນະນໍາ ເຕັກນິກ ດ້ານວິຊາການ ແລະ ການດູແລ ກໍ່ຄືຮັບຈຳໜ່າຍໝາກ ໂກໂກ້ ສົດ. ສ່ວນບໍລິສັດ Binon Cacao ໃນເບື້ອງຕົ້ນ ໄດ້ປູກທົດລອງຕົ້ນ ໂກໂກ້ ໃນເນື້ອທີ່ 2 ເຮັກຕາ, ປັດຈຸບັນ ໄດ້ຂະຫຍາຍເນື້ອທີ່ປູກ ແລະ ໂຮງງານຜະລິດ ຢູ່ ພາຍເຂດ ເປັນ 17 ເຮັກຕາ ທີ່ບ້ານ ເບົ່າແຊນ, ຕາແສງ ຊາບ່າງ, ເມືອງ ເຈົາດຶກ. Binon ມີຕ່ອງໂສ້ ການຜະລິດ ທີ່ທັນສະໄໝ ນໍາເຂົ້າຈາກປະເທດ ຍີ່ປຸ່ນ, ໝາກ ໂກໂກ້ ພາຍຫຼັງເກັບຈາກສວນ ແລະ ມາຮອດ ໂຮງງານ ເພື່ອຈຳແນກປະເພດ ຈະຕ້ອງຜ່ານ 10 ຂັ້ນຕອນ ຂອງຕ່ອງໂສ້ການຜະລິດແບບຄົບວົງຈອນ ເພື່ອຜະລິດອອກມາ ຊັອກໂກແລັດ ທີ່ມີຄຸນະພາບສູງ, ລົດຊາດທີ່ແຊບ ຖືຍີ່ຫໍ້ Binon Cacao.
ບັນຍາກາດທີ່ BINON Cacao Park ແມ່ນເຢັນສະບາຍ ແລະ ໂຣແມນຕິກ ດ້ວຍໜອງນໍ້າ ແລະ ປ່າດົງດິບ. ພາບ: ຫງວຽນລວນ/VNP
ສວນໝາກ ໂກໂກ້ ທີ່ມີອາຍຸຫຼາຍປີ ຂອງ ບໍລິສັດຫຸ້ນສ່ວນ Binon Cacao ພວມຢູ່ໃນລະດູເກັບກ່ຽວ. ພາບ: ຫງວຽນລວນ/VNP
ໂກໂກ້ ໄດ້ຮັບການດູແລຢ່າງເຕັມທີ່ ແລະ ຄຸນລັກສະນະດິນປູກ ຝັງກໍ່ເໝາະສົມ, ສະນັ້ນ ຈະເລີນເຕີບໂຕ ແລະ ພັດທະນາໄດ້ດີ ຢູ່ເຂດດິນ ເຈົາດຶກ. ພາບ: ຫງວຽນລວນ/VNP
ທ່ານ ເຈືອງວັນເຕິນ, ຊາວກະສິກອນ ທີ່ມີປະສົບການໃນການປູກ ໂກໂກ້ ມາກວ່າ 10 ປີ ຢູ່ຕາແສງ ຊາບ່າງ ພວມເກັບກ່ຽວ ໂກໂກ້. ພາບ: ຫງວຽນລວນ/VNP
ນັກທ່ອງທ່ຽວເກັບໝາກ ໂກໂກ້ ຢູ່ສວນ ແລະ ໄປຢ້ຽມຢາມຂັ້ນຕອນການປຸງແຕ່ງ ຊອ໋ກໂກແລັດ ຢູ່ໂຮງງານ. ພາບ: ຫງວຽນລວນ/VNP
Binon cacao ສະເພາະປູກແນວພັນ cocoa ສີເຫຼືອງ ແລະສີແດງ, ໝາກ ໂກໂກ້ ຈະເລີນເຕີບໂຕໄດ້ດີສໍາລັບໝາກໄມ້ຂະໜາດໃຫຍ່, ກ້ຽງ ແລະ ມີນ້ໍາ. ພາບ: ຫງວຽນລວນ/VNP
ໃນ 2 ເດືອນຕົ້ນປີ 2022, Binon Cacao ໄດ້ຕ້ອນຮັບນັກທ່ອງທ່ຽວກວ່າ 4.000 ຄົນ ດ້ວຍລາຍຮັບເກືອບ 370 ລ້ານດົ່ງ.
ທ່ານ ເຈືອງວັນເຕິນ, ຊາວກະສິກອນ ທີ່ມີປະສົບການໃນການປູກ ໂກໂກ້ ມາກວ່າ 10 ປີ ຢູ່ຕາແສງ ຊາບ່າງ, ປັດຈຸບັນ ພວມປູກ ແລະ ສະໜອງ ໂກໂກ້ ສົດໃຫ້ບໍລິສັດ Binon ກ່າວວ່າ: “ຮູບແບບການປູກ ໂກໂກ້ ໃນປັດຈຸບັນ ແມ່ນບໍ່ມີຄວາມຫຍຸ້ງຍາກ ຍ້ອນໄດ້ຮັບການແນະນຳຢ່າງລະອຽດຈາກບໍລິສັດ ກ່ຽວກັບຂັ້ນຕອນການດູແລແບບມາດຕະຖານ, ລະບົບຊົນລະປະທານ ແບບອັດຕະໂນມັດ ແລະ ບໍ່ຕ້ອງການດູແລຫຼາຍ, ດ້ວຍລາຄາຊື້ໝາກ ໂກໂກ້ ສົດແຕ່ 5.500 – 7.000 ດົ່ງ ຄືໃນປັດຈຸບັນ, ໂກໂກ້ ຍັງສ້າງລາຍຮັບດ້ານເສດຖະກິດສູງກວ່າພືດບາງຊະນິດ.” ນອກນີ້, ສວນ ໂກໂກ້ ທີ່ທ່ານ ເຕິນ ໄດ້ຮັບການດູແລ ຍັງເປັນສະຖານທີ່ ມີນັກທ່ອງທ່ຽວ ມາຢ້ຽມຢາມ ແລະ ຮຽນຮູ້ປະສົບການ ເປັນຈຳນວນຫຼວງຫຼາຍ.
ໃນເບື້ອງຕົ້ນ, ບໍລິສັດ Binon Cacao ພຽງແຕ່ສຸມໃສ່ການຜະລິດ ຊັອກໂກແລັດ ທຸກປະເພດຈາກ ໝາກ ໂກໂກ້ ເທົ່ານັ້ນ, ແຕ່ດ້ວຍຄວາມສາມາດບົ່ມຊ້ອນອັນໃຫຍ່ຫຼວງຈາກໝາກໄມ້ທີ່ມີຕົ້ນກຳເນີດຈາກ ອາເມລິກາກາງ ແລະ ທ່າໄດ້ປຽບໃນ ຕ່ອງໂສ້ຜະລິດຂອງຕົນ, ມາຮອດປະັດຈຸບັນ, ສະເລ່ຍແລ້ວ ບໍລິສັດນຳເຂົ້າ ໝາກ ໂກໂກ້ ສົດກວ່າ 6 ໂຕນຕໍ່ເດືອນ ເພື່ອຜະລິດ ປະມານ 20 ຜະລິດຕະພັນຈາກໝາກ ໂກໂກ້ ທີ່ແຊບ ຂອງດິນແດນ ເຈົາດຶກ. ບາງຜະລິດຕະພັນຕົ້ນຕໍທີ່ຖື ຍີ່ຫໍ້ Binon Cocoa ເຊັ່ນ: ຊັອກໂກແລັດ, ຜົງ ໂກໂກ້ ບໍລິ ສຸດ, ຊາ, ເຫຼົ້າແວງ, ທັນຍາພືດ... ຜະລິດຕະພັນຂອງ Binon Cacao ໄດ້ຮັບການຢັ້ງຢືນ ISO 22000 ໂດຍອົງການ SGS ປະເມີນ, ດັ່ງນັ້ນ ປັດຈຸບັນ ຜະລິດຕະພັນຂອງບໍລິສັດ ໄດ້ສົ່ງອອກໄປຍັງ ຍີ່ປຸ່ນ ກໍ່ຄືໄດ້ວາງຂາຍຢູ່ບັນດາຮ້ານສັບພະສິນຄ້າໃຫຍ່ຢູ່ ຫວຽດນາມ, ລະບົບຮ້ານສັບພະສິນຄ້າ Muji ຍີ່ປຸ່ນ ຢູ່ ຫວຽດນາມ.
ຂັ້ນຕອນການຈຳແນກປະເພດ ໂກໂກ້ ໃນຕ່ອງໂສ້ການຜະ ລິດຢູ່ໂຮງງານ BINON. ພາບ: ຫງວຽນລວນ/ VNP
ຂັ້ນຕອນການຈຳແນກປະເພດ ໂກໂກ້ ໃນຕ່ອງໂສ້ການຜະ ລິດຢູ່ໂຮງງານ BINON. ພາບ: ຫງວຽນລວນ/ VNP
ຜະລິດຕະພັນ ໂກໂກ້ ຂອງ Binon ແມ່ນຄ່ອຍໆສໍາເລັດ. ພາບ: ຫງວຽນລວນ/VNP
BINON ໄດ້ຜະລິດຫຼາຍກວ່າ 20 ປະເພດຜະລິດຕະພັນຈາກ ໂກໂກ້ ທີ່ຫອມແຊບໃນທ້ອງຖິ່ນ, ສົ່ງອອກໄປຫຼາຍປະເທດທົ່ວໂລກ. ພາບ: ຫງວຽນລວນ/ VNP
ນອກຈາກນັ້ນ, ດ້ວຍມາດຖານ ບໍ່ພຽງແຕ່ເປັນຕົວແບບດ້ານເສດ ຖະກິດເທົ່ານັ້ນ, ກໍ່ຄືໄດ້ຮັບການສົ່ງເສີມ ແລະ ສະໜັບສະໜູນຂອງພະແນກການທ່ອງທ່ຽວແຂວງ ບ່າເຣ້ຍ ຫວຸ໊ງເຕົ່າ ແລະ ພະແນກວັດທະນະທຳ ແລະ ກິລາເມືອງ ເຈົາດຶກ, Binon Cacao ໄດ້ສ້າງເຂດປູກ ແລະ ຜະລິດ ໃຫ້ກາຍເປັນ ແຫຼ່ງທ່ອງທ່ຽວ ດ້ານກະສິກຳໃນທ້ອງຖິ່ນ. Binon Cacao Park ມີເນື້ອທີ່ 4 ເຮັກຕາ ຕິດກັບ ໜອງ ເບົ່າແຊນ ທີ່ສວຍງາມ ເຊິ່ງໄດ້ມາດຖານ ຢ່າງຄົບຖ້ວນເພື່ອໄດ້ຮັບການຮັບຮອງເປັນແຫຼ່ງທ່ອງທ່ຽວ. ມາທີ່ນີ້, ນັກທ່ອງທ່ຽວຈະໄດ້ສຳ ຜັດກັບການບໍລິການຫຼາຍຢ່າງເຊັ່ນ: ຢ້ຽມຊົມສວນ ໂກໂກ້ ແລະ ໂຮງງານຜະລິດ ນໍາໃຊ້ເຕັກໂນໂລຢີສູງ ຂອງ Binon, ເພີດເພີນກັບ ຊັອກໂກແລັດ, ດື່ມ ກາເຟ ຢູ່ແຄມໜອງ ທີ່ເຢັນສະບາຍ ແລະ ການບໍລິການຮ້ານອາຫານ, ຕັ້ງຄ້າຍພັກຜ່ອນ ສາມາດຕ້ອນຮັບນັກທ່ອງທ່ຽວໄດ້ຫຼາຍພັນຄົນ.