ພິທີປະກາດໝາກຜົນການຈັດອັນດັບ (ພາບ: VNA )  

ຕອນບ່າຍວັນທີ 11 ພະຈິກ, ຢູ່ ຮ່າໂນ້ຍ, ກະຊວງວິທະຍາສາດ ແລະ ​ເຕັກ​ໂນ​ໂລ​ຊີ ຫວຽດ​ນາມ ໄດ້ຈັດພິທີປະກາດ​ໝາກຜົນການຈັດອັນດັບກຳ​ລັງ​ຄວາມ​ສາ​ມາດ​ແກ່ງ​ແຍ້ງດ້ານດີຈີຕອນ ແລະ ປັນຍາປະດິດໂລກ ປີ 2026 (WDAIR 2026). ການຈັດອັນດັບດັ່ງກ່າວດຳເນີນໂດຍສະຖາບັນພັດທະນາການຄຸ້ມຄອງສາ​ກົນ (IMD), ສະວິດ ປະ​ຕິ​ບັດ.

ນີ້ແມ່ນຄັ້ງທຳອິດທີ່ ຫວຽດນາມ ໄດ້ເຂົ້າຮ່ວມ WDAIR 2026 ແລະ ໄດ້ລອດເຂົ້າກຸ່ມ 50 ພື້ນ​ຖານເສດຖະກິດ​ຢັນອັນດັບ​ແຖວ​ໜ້າໂລກ, ຢືນອັນດັບທີ 3 ​ຢູ່ ອາຊີຕາເວັນອອກສຽງໃຕ້. ໝາກ​ຜົນນີ້​ໄດ້ຮັບຮູ້ຄວາມພະຍາຍາມຂອງ ຫວຽດນາມ ໃນການພັດທະນາພື້ນຖານໂຄງລ່າງດີຈີຕອນ, ການຫັນເປັນດີຈີຕອນ ແລະ ​ການ​ນຳ​ໃຊ້​​ປັນ​ຍາ​ປະ​ດິດ (AI). ໂດຍ​ຕີ​ລາ​ຄາ​ວ່າ ນີ້​ແມ່ນສັນຍານທີ່​ຕັ້ງ​ໜ້າ​ໃນ​ການ​ປະ​ຕິ​ບັດ​ມະ​ຕິ​ສູນ​ກາງ​ເລກ​ທີ 57 ກ່ຽວກັບການ​ບຸກ​ທະ​ລຸ​ໃນ​ການພັດທະນາວິທະຍາສາດ -ເຕັກໂນໂລຊີ, ນະວັດຕະກຳ ແລະ ການຫັນປະ​ເທດ​ຊາດ​ເປັນດີຈີຕອນ, ທ່ານ ໂຮ່ກວກຢຸງ, ຮອງນາຍົກລັດຖະມົນຕີ ຫວຽດ​ນາມ, ເນັ້ນໜັກວ່າ:

ການກະທຳຢ່າງ​ຂ້ຽວຂາດ, ແທດ​ຈິງ, ສ້າງການຫັນ​ປ່ຽນທີ່ຊັດເຈນ ແລະ ​ບັນ​ລຸໝາກຜົນທີ່ສາມາດວັດແທກໄດ້. ບັນດາ​ກະຊວງ, ອົງການ ແລະ ​ທ້ອງ​ຖິ່ນ​ຕ້ອ​ງ​ສຸມ​ໃສ່ຍົກ​ສູງຄຸນນະພາບລະ​ບອ​ບ​ລະ​ບຽບ​ການ, ປະສິດທິພາບ​ການປະຕິບັດ ແລະ ຄຸນນະພາບ​ການ​ຄຸ້ມ​ຄອງ; ​ຍູ້​ແຮງການປະຕິຮູບ​ລະ​ບຽບ​ການບໍລິຫານ, ສະ​ໜອງ​ການ​ບໍ​ລິ​ການ​ສາ​ທາ​ລະ​ນະ​ທາງອອນລາຍ, ເຊື່ອມຕໍ່, ແບ່ງປັນ ແລະ ນຳໃຊ້ຂໍ້ມູນຄືນໃໝ່; ສ້າງເງື່ອນໄຂ​ເພື່ອ​ໃຫ້​ວິ​ສາ​ຫະ​ກິດນຳໃຊ້ເຕັກໂນໂລຊີດີຈີຕອນ ແລະ AI ເຂົ້າໃນການຜະລິດ, ດຳ​ເນີນ​ທຸ​ລະ​ກິດ.