ບັນດາສຳນັກຂ່າວສານຢູ່ເຢຍລະມັນ ແລະ ສະວິດ ໄດ້ສະແດງຄວາມສົນໃຈເຖິງເລື່ອງ ອາຊຽນ ຈັດກອງປະຊຸມສຸດຍອດອາຊຽນ ຄັ້ງທີ 36 ທາງອອນລາຍ, ພາຍໃຕ້ການເປັນປະທານຂອງຫວຽດນາມ.
![](https://imagevietnam.vnanet.vn/Upload/2020/6/29/2906202007584143211truyenthongchauaudanhgiacaohoinghicapcaoasean_ksbb.jpg)
ຈຸດສຸມຂອງກອງປະຊຸມແມ່ນຊອກຫາບບັນດາມາດຕະການເພື່ອແນໃສ່ຟື້ນຟູພື້ນຖານເສດຖະກິດພາຍຫຼັງໂລກລະບາດໂຄວິດ-19
(ພາບປະກອບ: TTXVN)
ວັນທີ 26 ມິຖຸນາ, ໜັງສືພິມ Junge Welt ຂອງເຢຍລະມັນ ໃຫ້ຮູ້ວ່າ, ຈຸດສຸມຂອງກອງປະຊຸມແມ່ນຊອກຫາບບັນດາມາດຕະການເພື່ອແນໃສ່ຟື້ນຟູພື້ນຖານເສດຖະກິດພາຍຫຼັງໂລກລະບາດໂຄວິດ-19, ກໍ່ຄືບັນຫາເພີ່ມທະວີການຮ່ວມມືກັບບັນດາປະເທດຄູ່ຮ່ວມມື.ອາຊຽນ ໃຫ້ຄຳໝັ້ນສັນຍາຢ່າງແຮງກວ່າສຳລັບການຫັນເປັນເສລີ ແລະ ການເຊື່ອມຕໍ່ທາງດ້ານເສດຖະກິດ, ສູ້ຊົນສ້າງສັນຍາຄູ່ຮ່ວມມືເສດຖະກີດຮອບດ້ານພາກພື້ນ (RCEP) ໃຫ້ສຳເລັດໂດຍໄວ. ໜັງສືພິມນີ້ກໍ່ໃຫ້ຂໍ້ສັງເກດວ່າ, ເລື່ອງອາຊຽນ ພ້ອມກັບຈີນ, ຍີ່ປຸ່ນ, ສ.ເກົາຫຼີ, ອົດສະຕາລີ ແລະ ນິວຊີແລນ ສາມາດລົງນາມສັນຍາ RCEP ໃນທ້າຍປີ 2020, ຈະປະກອບສ່ວນຊ່ວຍໃຫ້ອາຊຽນ ຜ່ານຜ່າຄວາມຫຍຸ້ງຍາກຂອງໂລກລະບາດໂດຍໄວ.
ສ່ວນເວັບໄຊ Salzburger Nachrichten ຂອງສະວິດ, ກ່ອນໜ້ານັ້ນໄດ້ລົງຂ່າວກ່ຽວກັບເລື່ອງຈັດຕັ້ງກອງປະຊຸມສຸດຍອດອາຊຽນ ຄັ້ງທີ 36. ບົດຂຽນໄດ້ຄັດສະເໜີ 3 ເນື້ອໃນຈຸດສຸມຂອງກອງປະຊຸມ ລວມມີ: ການຮັບມືກັບໂລກລະບາດໂຄວິດ- 19, ຄວາມເຄັ່ງຕຶງດ້ານພູມສາດການເມືອງ ແລະ ຍົກສູງບັນດາສິດໃຫ້ແກ່ແມ່ຍິງ.
(ແຫຼ່ງຄັດຈາກ VOV)