ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິມ ແລະ ພະບາດສົມເດັດພຣະເຈົ້າມະຫາຊີວິດ ແຫ່ງລາຊະອານາຈັກໄທ (ພາບ: VNA)  

ການ​ຢ້ຽມ​ຢາມທາງ​ລັດ​ຖະ​ກິດ ຫວຽດ​ນາມ ຂອງ ພະບາດສົມເດັດພຣະເຈົ້າມະຫາຊີວິດ ແຫ່ງລາຊະອານາຈັກໄທ ແລະ ພຣະ​ຣາ​ຊີ​ນີ ສຸ​ທິ​ດາ​ ແຕ່​ວັນ​ທີ 14 – 16 ກັນ​ຍາ, ເນື່ອງ​ໃນ​ໂອ​ກາດ​ສະ​ເຫຼີ​ມ​ສະ​ຫຼອງ 50 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ ໄທ​ - ຫວຽດ​ນາມ ມີຫຼາຍ​ອົງ​ການ​ສື່ມວນ​ຊົນ​ໃຫຍ່​ຂອງ ໄທ ໄດ້​ໃຫ້​ຂ່າວ​ເປັນ​ຈຳ​ນວນ​ຫຼາຍ.

ໜັງສືພິມ Matichon, ໃຫ້​ຂ່າວ​ວ່າ ການຢ້ຽມຢາມດຳ​ເນີນ​ໄປໃນຂອບຂອງ ສະເຫຼີມສະຫຼອງ 50 ປີ ແຫ່ງວັນ​ສ້າງຕັ້ງສາຍພົວພັນທາງການທູດລະຫວ່າງ ໄທ ແລະ ຫວຽດນາມ (1976-2026), ພ້ອມ​ກັນ​ນັ້ນ​ກໍ່ເນັ້ນໜັກເຖິງເປົ້າໝາຍໃນການ​ເພີ່ມ​ທະ​ວີ ແລະ ຮັດ​ແໜ້ນ​ການພົວພັນລະຫວ່າງ 2 ປະເທດໃນຖານະເປັນບັນ​ດາ​ປະ​ເທດ​ຖ​ານ​ບ້ານ​ໃກ້​ເຮືອນ​ຄຽງທີ່ໃກ້ຊິດ, ມິດ​ຕະ​ພາບ.

ໜັງສືພິມ The Nation ໄດ້ສຸມໃສ່ຄວາມໝາຍຂອງການຢ້ຽມຢາມ ເນື່ອງ​ໃນໂອກາດສະເຫຼີມສະຫຼອງ 50 ປີ ແຫ່ງວັນ​ສ້າງ​ຄັ້ງ​ການພົວພັນທາງການທູດ ລະຫວ່າງ ໄທ ແລະ ຫວຽດນາມ, ໂດຍເນັ້ນໜັກເຖິງເປົ້າໝາຍສືບ​ຕໍ່​ເພີ່ມ​ທະ​ວີ​ນ້ຳ​ໃຈມິດຕະພາບ ແລະ ການຮ່ວມມືລະຫວ່າງ 2 ປະເທດ.

ໜັງສືພິມ Siam Rath ໄດ້ເນັ້ນໜັກເຖິງເປົ້າໝາຍປັບ​ປຸງ​ການພົວພັນອັນດີ​ງາມລະຫວ່າງ 2 ປະເທດດ້ວຍຖານະ​ບັນ​ດາ​ປະ​ເທດ​ບ້າ​ນ​ໃກ້​ເຮືອນ​ຄຽງ, ໃກ້​ຊິດ​ສະ​ໜິດ​ສະ​ໜົມ. ຕາມໜັງສືພິມແລ້ວ, ການຢ້ຽມຢາມດຳ​ເນີນ​ໄປ​ໃນ​ສະ​ພາບ​ທີ່​ການພົວພັນ ໄທ - ຫວຽດນາມ ທີ່ໄດ້ຮັບການຮັກສາ ແລະ ພັດທະນາໃນໄລຍະ 5 ທົດສະວັດທີ່ຜ່ານມາ.