ໂຄງການກໍ່ສ້າງ Ecopark ໂດຍແມ່ນບໍລິສັດຫຸ້ນສ່ວນລົງ ທຶນ ແລະ ພັດທະນາຕົວເມືອງຫວຽດຫືງລົງມືກໍ່ສ້າງແຕ່ປີ 2009 ໃນເນື້ອທີ່ທັງຫມົດປະມານ 500 ເຮັກຕາ. ໂດຍນຳໃຊ້ສະຖານທີ່ກໍ່ສ້າງທີ່ມີສີ່ງແວດລ້ອມປອດໂປ່ງ, ສະນັ້ນ, ພື້ນຖານໂຄງລ່າງສີ່ງກໍ່ສ້າງເຄຫະຂອງ Ecopark ແມ່ນ ມຸ່ງເຖິງການສວຍໃຊ້ ສະພາບແວດລ້ອມທີ່ມີຊີວິດຊີວາປອດໂປ່ງກັບເຄື່ອງໃຊ້ ຕ່າງໆ ທີ່ຄົບຖ້ວນ ແລະ ບັນລຸມາດ ຖານສາກົນ.
ຜະລິດຕະພັນຕ່າງໆໃນເຮືອນໃນເຂດເມືອງນີ້ ລ້ວນແຕ່ໄດ້ ອອກແບບເປັນເຮືອນວີນລາຊັ້ນສູງ ແລະ ເຂດທີ່ພັກ ພາອາໃສມີຄຸນນະພາບສູງ ໄປພ້ອມໆກັບລະບົບສີ່ງອຳນວຍຕໍ່ ການດຳລົງຊີວິດຂອງສັງຄົມໄດ້ຮັບການກຳນົດຈັດແບ່ງ ເຂົ້າໃນສະຖານທີ່ທີ່ເໝາະສົມ.
ເຂດເມືອງໃຫຍ່ Ecopark ໄດ້ເຊື່ອມຕົວເຂົ້າໃນບັນຍາກາດສີ່ງແວດລ້ອມທີ່
ປອດໂປ່ງສົດໃສໃນປ່າໄມ້ສີຂຽວ. ພາບ: ເອກກະສານ
ເຮືອນວີນລາທີ່ທັນສະໄໝກັບສີ່ງແວດລ້ອມທີ່ງຽບສະງັດ
ແລະ ເຢັນສະບາຍຂອງເຂດເຮືອນວີນລາ ເວື່ອນຕຸ່ງ. ພາບ: ເຕີດເຊີນ
ລະບົບໜອງນຳ້ ແລະ ຕົ້ນໄມ້ສີຂຽວ ມີບົດບາດລະບາຍອາກາດ
ໄດ້ອອກແບບສະເພາະໃສ່ເຮືອນວີນລາແຕ່ ລະຫຼັງ. ພາບ: ເຕີດເຊີນ
ດ້ວຍການອອກແບບຫັນໃຫ້ເປັນທຳມະຊາດມີຮົ່ມໄມ້ສີ ຂຽວຕຶບຫນາ,
ເຮັດໃຫ້ຜູ້ທີ່ອາໄສຢູ່ທີ່ນີ້ ມີຄວາມຮູ້ສຶກ ສົດຊື່ນໃຈ. ພາບ: ເອກະສານ
ມີລະບົບລົດເມທີ່ຕິດພັນກັບສິ່ງແວດລ້ອມໄດ້ຖືກຈັດສັນຢູ່ ຫຼາຍບ່ອນໃນເຂດເມືອງໃຫຍ່
ເພື່ອຊ່ວຍໃຫ້ທຸກຄົນສະ ດວກໃນການໄປມາເຂົ້າອອກເມືອງ. ພາບ: ເອກະສານ
ມູມໜຶ່ງຂອງສວນສາທາລະນະສີຂຽວໃນເຂດ Ecopark. ພາບ: ເຕີດເຊີນ |
|
Ecopark ໄດ້ຮັບລາງວັນ “ກິດຈະການສະຖາປັດສີຂຽວ ຫວຽດ ນາມ ປີ 2012” ໂດຍສະມາຄົມ ນັກສະຖາປານິກ ຫວຽດນາມ ຄັດເລືອກ ແລະ ມອບໃຫ້. 2 ປີຕໍ່ເນື່ອງກັນ 2012 ແລະ 2013 ຍາດໄດ້ຊະນະເລີດໃນປະເພດ “ໂຄງການພັດທະນາດີທີ່ສຸດຢູ່ ຫວຽດນາມ” ໂດຍແມ່ນສາຍລາງວັນອະສັງຫາລິມະຊັບ ອາຊີ-ປາຊີຟິກ ມອບໃຫ້ທີ່ນະຄອນຫຼວງ ກົວລາ ລຳເປີ (ມາເລເຊຍ). |
ດ້ວຍເນື້ອທີ່ປ່າສີຂຽວ, ໜອງນຳ້ຫລາຍກວ່າ 110 ເຮັກຕາ, ເຂດ Ecopark ເປັນສະຖານທີ່ຍອດຢ້ຽມ ທີ່ນຳຄວາມສຸກໃຈມາໃຫ້ແກ່ປະຊາຊົນເຂດນີ້ ຮູ້ສຶກດັ່ງວ່າຕົນເອງໄດ້ເຈືອ ຈານເຂົ້າກັບ ທຳມະຊາດ. ເຂດເຮືອນວີນລາທີ່ເວື່ອນຕຸ່ງ, ເວື່ອນມາຍ ໄດ້ອອກ ແບບດ້ວຍ ສະຖາປັດ ທີ່ທັນສະໄໝ, ຫລູຫລາເຊື່ອມຕົວເຂົ້າກັບຮົ່ມໄມ້ສີຂຽວຂອງຕົ້ນໄມ້ ໃຫຍ່ນັບເປັນຮ້ອຍໆຕົ້ນ ແລະ ດອກໄມ້ ຫລາກຫຼາຍຊະ ນິດ, ໄດ້ສ້າງຄວາມຊະນິດຕິດ ພັນກັບ ທຳມະ ຊາດໃຫ້ແກ່ ຜູ້ຢູ່.
ດ້ວຍການລົງທຶນກໍ່ສ້າງພື້ນຖານໂຄງລ່າງ, ເຄື່ອງຂອງທີ່ ທັນສະໄມ ແລະ ຄຸນນະພາບການບໍລິການສູງ, ເວື່ອນຕຸ່ງ, ເວື່ອນມາຍ ໄດ້ມີຄວາມງົດງາມ ແລະ ມີຄຸນລັກສະນະ ເຫນືອນດັ່ງເຮືອນເຂດພັກຜ່ອນລະດັບສູງຕ່າງໆ. ເຮືອນວີນ ລາສອງເຂດນີ້ ມີສະໂມສອນ (clubhouse) ໄດ້ ອອກແບບ ລວມມີ: ສະລອຍນຳ້, ເດີ່ນເຕັນນິດ, ເດີ່ນປິກ ໄກ່, ຫ້ອງ gym, ເຂດຈັດກິດຈະກຳຕ່າງໆ, ຮ້ານອາຫານ ແລະ ອື່ນໆ.
ໃກ້ກັບເຂດເຮືອນວີນລາ ເວື່ອນຕຸ່ງ ແລະ ເວື່ອນມາຍ ແມ່ນເປັນ ເຂດເຮືອນຊຸມຊົນ ຣື່ງເກາະ ດ້ວຍທິວທັດທີ່ສວຍ ງາມຂອງສວນ ຕົ້ນໄມ້ສີຂຽວ. ຕືກອາຄານຊັ້ນສູງ, ໂຮງຮຽນ ໄດ້ອ້ອມຮອບດ້ວຍ ຕົ້ນໄມ້ນາໆຊະນິດ, ສ້າງເປັນຫລາຍມູມເບີ່ງແລ້ວໂດດເດັ່ນເປັນພິເສດ.
ເຖິງວ່າການດຳລົງຊີວິດຈະແບບທັນສະໄໝ, ແຕ່ Ecopark ຍັງບໍ່ລືມການຫັນທິດກັບຄືນ ຄຸນຄ່າມູນເຊື້ອຊຶ່ງມີຖະໜົນ ຈຸກ. ສິນຄ້າຕ່າງໆທີ່ໄດ້ວາງຂາຍຢູ່ຖະໜົນ ຈຸກ ລ້ວນແຕ່ ໄດ້ຮັບ ການລົງທຶນແບບພິຖິພິຖັນ ແລະ ມີບົດມີແບບເພື່ອເຮັດໃຫ້ນັກ ທ່ອງທ່ຽວມີຄວາມຮູ້ສຶກໄດ້ເຖິງສີ່ງແວດລ້ອມ ທີ່ ເຕັມໄປດ້ວຍສັນຍາລັກຂອງຫວຽດ. ຖະໜົນ ຈຸກ ໄດ້ຖືເປັນ ຈຸດໂດດເດັ່ນ, ມີແບບ ແຜນວິຖີຊີວິດສະເພາະຕົວທີ່ເຂດເມືອງໃຫຍ່ Ecopark.
ພາບເຂດຫ້ອງຄົວ, ເຄື່ອງໃຊ້ໃນເຮືອນຄົວ ທີ່ທັນສະໄໝ
ແລະ ສະດວກໃນເຮືອນວີນລາ ທີ່ເຂດເມືອງໃຫຍ່ Ecopark. ພາບ: ເອກະສານ
ສະຖາປັດໃນຫ້ອງນອນໄດ້ອອກແບບຕາມສະຖາປັດເປີດ,
ສ້າງໃຫ້ມີຄວາມໂລ່ງ ແລະ ເຢັນສະບາຍໃຫ້ແກ່ຜູ້ນຳໃຊ້. ພາບ: ເອກະສານ
ຫ້ອງອອກກຳລັງກາຍ ( ຫ້ອງ gym) ທີ່ເຂດເມືອງໃຫຍ່ Ecopark. ພາບ: ເຕີດເຊີນ
ເຂດຫຼິ້ນສຳລັບເດັກນ້ອຍຂອງເຂດເມືອງໃຫຍ່ Ecopark. ພາບ: ເຕີດເຊີນ
ສະລອຍນຳ້ ຮັບໃຊ້ຊຸມຊົນທີ່ອາໄສຢູ່ເຂດ Ecopark. ພາບ: ເຕີດເຊີນ
ເຂດຕະຫຼາດມູນເຊື້ອໄດ້ຖືກຈັດສັນຂຶ້ນຢູ່ໃຈກາງເມືອງໃຫຍ່ Ecopark. ພາບ: ເຕີດເຊີນ
ໂຮງຮຽນປະຖົມ ດວ່ານທິດຽມ ຂອງເຂດເມືອງໃຫຍ່ Ecopark ຈັດຊົ່ວໂມງຮຽນນອກແຜນເພື່ອຝຶກແອບ
ຄວາມຊຳນານດ້ານການດຳລົງຊີວິດໃຫ້ແກ່ເດັກນັກຮຽນ. ພາບ: ເຕີດເຊີນ |
ປະຈຸບັນ, ລະບົບສວນສາທາລະນະ ມົ່ວຫ້າ, ມົ່ວຊວນ ໄດ້ກໍ່ສ້າງຂຶ້ນໃນເຂດສະຖານທີ່ປອດໂປ່ງ ກຳລັງ ກາຍເປັນຈຸດທີ່ດຶງດູດໃຈເພື່ອໃຫ້ຄອບຄົວຕ່າງໆມາຕັ້ງຄ້າຍ, ຈັດ ງານອາຫານປີ້ງກາງແຈ້ງໃນໄລຍະທ້າຍອາທິດ. ຕາມການສະຖິຕິຂອງບໍລິສັດຫຸ້ນສ່ວນລົງທຶນ ແລະ ພັດທະນາເມືອງໃຫຍ່ ຫວຽດ ຫືງ, ມີຈຳນວນນັກທ່ອງທ່ຽວມາຢ້ຽມຢາມ, ທ່ຽວຫຼິ້ນ ແລະ ໃຊ້ບໍ ລິການເຂດເຮືອນໃຫ້ຢູ່ທົດລອງຂອງ Ecopark ໃນມື້ ວັນ ບຸນ, ວັນປີໃໝ່ມີປະມານ 3.000 ຄົນ.
ບົດ: ເງິນຮ່າ - ພາບ: ເຕີດເຊີນ ແລະ ເອກະສານ