ເນື່ອງໃນໂອກາດບຸນປີໃໝ່ປະຈຳຊາດຫວຽດນາມ ປີສະຫຼຸ ໃກ້ຈະວຽນມາ, ທ່ານເອກອັກຄະລັດຖະທູດຫວຽດນາມປະຈຳ ສ.ປ.ປ.ລາວ ຫງວຽນບ້າຮຸ່ງ ໄດ້ມີການຕອບສຳພາດຕໍ່ນັກຂ່າວກ່ຽວກັບບັນດາຜົນງານທີ່ພົ້ນເດັ່ນຂອງສາຍພົວພັນຫວຽດນາມ-ລາວໃນປີ 2020 ແລະ ບາງທິດທາງຊຸກຍູ້ສາຍພົວພັນໃຫ້ດີຍິ່ງໆຂຶ້ນໃນປີ 2021.
ທ່ານເອກອັກຄະລັດຖະທູດຫວຽດນາມປະຈຳ ລາວ ຫງວຽນບ້າຮຸ່ງ
ຕາມ ທ່ານເອກອັກຄະລັດຖະທູດຫວຽດນາມປະຈຳ ສ.ປ.ປ.ລາວ ຫງວຽນບ້າຮຸ່ງ ແລ້ວ, ໃນປີ 2020 ແມ່ນປີທີ່ພິເສດ ດ້ວຍການເກີດໂລກລະບາດໂຄວິດ - 19 ເຮັດໃຫ້ຕ່າວປີ້ນຫຼາຍແງ່ມຸ່ມໃນຊີວິດການເມືອງ, ເສດຖະກິດ-ສັງຄົມຂອງແຕ່ລະປະເທດ ນັບທັງການພົວພັນຕ່າງປະເທດ. ໃນສະພາບການດັ່ງກ່າວ ສາຍພົວພັນລະຫວ່າງ 2 ປະເທດສືບຕໍ່ແມ່ນຕົວຢ່າງທີ່ເປັນເອກະລັກໃນສາຍພົວພັນສາກົນ ບໍ່ພຽງແຕ່ສືບຕໍ່ສະຫວ່າງສະໄຫວ, ສັດຊື່ບໍລິສຸດເທົ່ານັ້ນ, ຫາກຍັງກາຍເປັນສິ່ງພິເສດກ່ວາອີກ.
ທ່ານເອກອັກຄະລັດຖະທູດຫວຽດນາມປະຈຳ ສ.ປ.ປ.ລາວ ຫງວຽນບ້າຮຸ່ງ ໃຫ້ຂໍ້ສັງເກດວ່າ ປີ 2021 ຈະແມ່ນປີບານພັບທີ່ສຳຄັນສຳລັບຫວຽດນາມດ ລາວ ແລະ ສາຍພົວພັນລະຫວ່າງ 2 ປະເທດ. ນີ້ແມ່ນປີທຳອິດທີ່ 2 ປະເທດຜັນຂະຫຍາຍມະຕິກອງປະຊຸມໃຫຍ່ຂອງແຕ່ລະພັກ ກໍຄືຍຸດທະສາດ, ສັນຍາຮ່ວມມື 2 ຝ່າຍຫວຽດນາມ-ລາວ ໄລຍະ 2021- 2025 ດ້ວຍບັນດາຈຸດໃໝ່ທາງດ້ານເນື້ອໃນ ແລະ ມາດຕະການຈັດຕັ້ງຜັນຂະຫຍາຍ. ໃນທ່ວງທ່າຂອງປີ 2020 , 2 ປະເທດຈະສືບຕໍຈະນຳການພົວພັນດ້ານການເມືອງເຂົ້າສູ່ລວງເລິກ, ເພີ່ມທະວີເສົ້າຄ້ຳຂອງການຮ່ວມມືທາງດ້ານປ້ອງກັນຊາດ ປ້ອງກັນຄວາມສະຫງົບ ແລະ ການພົວພັນຕ່າງປະເທດ ຍົກສູງປະສິດທິຜົນການຮ່ວມມືດ້ານເສດຖະກິດ, ວັດທະນະທຳ, ການສຶກສາ, ສາທາລະນະສຸກ, ວິທະຍາສາດ-ເຕັກນິກ, ເປີດກ້ວາງການພົວພັນແລກປ່ຽນປະຊາຊົນ ແລະ ບັນດາທ້ອງຖິ່ນລະຫວ່າງ 2 ປະເທດໃຫ້ດີຍິ່ງໆຂຶ້ນ.
(ແຫຼ່ງຄັດຈາກ VOV)