ວັນທີ 11 ມີນາ, ສປຊ ໄດ້ປຸກລະດົມຂະບວນການແຜ່ຂະຫຍາຍ ສານສະໜັບສະໜູນການສະໜອງວັກຊິນກັນພະຍາດໂຄວິດ - 19 ຜ່ານທາງສື່ສັງຄົມອອນລາຍ ຢ່າງສະເໝີພາບໃນທົ່ວໂລກ.
ເອທີໂອເປຍ ຮັບວັກຊິນກັນພະຍາດໂຄວິດ - 19 2,2 ລ້ານໂດສ (ພາບ: AFP/TTXVN)
ໃນແຈ້ງການທີ່ໄດ້ປະກາດອອກໃນວັນທີ 11 ມີນາ, ສປຊ ໄດ້ເນັ້ນໜັກວ່າ ຂະບວນການນີ້ໄດ້ປຸກລະດົມເພື່ອແນໃສ່ຍົກສູງຄວາມຮັບຮູ້ຂອງປະຊາຄົມສາກົນກ່ຽວກັບຄວາມຈຳເປັນຕ້ອງມີການກະທຳສົມທົບກັນໃນທົ່ວໂລກ ເພື່ອໃຫ້ທຸກໆປະເທດ ອາດສາມາດນຳໃຊ້ວັກຊິນ, ໃນນັ້ນບັນດາແພດໝໍຢູ່ແນວໜ້າ ແລະ ຜູ້ທີ່ມີຄວາມສ່ຽງສູງກ່ວາໝູ່ ແມ່ນເປົ້າໝາຍທີ່ຕ້ອງໄດ້ຮັບການສັກວັກຊິນກ່ອນໝູ່.
ຕາມ ສປຊແລ້ວ, ບັນດາປະເທດອາດຈະສະໜັບສະໜູນການສະໜອງວັກຊິນຢ່າງສະເໝີພາບຜ່ານການແບ່ງປັນແຫຼ່ງວັກຊິນທີ່ຍັງເຫຼືອໃຊ້, ຖ່າຍທອດເຕັກໂນໂລຢີ ແລະ ສະໝັກໃຈບໍ່ຄິດໄລ່ເຖິງສິດຊັບສິນທາງປັນຍາ, ອະນຸຍາດໃຫ້ປະເທດຕ່າງໆນຳໃຊ້ ລິຂະສິດ ວັກຊິນ.
(ແຫຼ່ງຄັດຈາກ VOV)