ຕອນເຊົ້າວັນທີ 20 ພຶດສະພາ, ຢູ່ສຳນັກງານສະພາແຫ່ງຊາດ ກຳປູເຈຍ ໄດ້ຈັດພິທີມອບຮັບອຸປະກອນການແພດຂອງປະທານສະພາແຫ່ງຊາດ ຫວຽດນາມໃຫ້ສະພາແຫ່ງຊາດ, ສະພາສູງກຳປູເຈຍເພື່ອຮ່ວມແຮງຮ່ວມໃຈປ້ອງກັນ, ສະກັດກັ້ນໂລກລະບາດ Covid – 19.
ພິທີມອບຮັບອຸປະກອນການແພດຂອງສະພາແຫ່ງຊາດ ຫວຽດນາມໃຫ້ສະພາແຫ່ງຊາດ, ສະພາສູງກຳປູເຈຍ
ຂອງຂວັນດັ່ງກ່າວໄດ້ສະແດງໃຫ້ເຫັນນ້ຳໃຈຂອງສະພາແຫ່ງຊາດ ແລະ ປະຊາຊົນ ຫວຽດນາມ ໃນການແບ່ງປັນຄວາມຫຍຸ້ງຍາກກັບປະຊາຊົນ ກຳປູເຈຍ, ຫວັງວ່າຂອງຂວັນດັ່ງກ່າວຈະເປັນການຊ່ວຍເຫຼືສ່ວນໜຶ່ງທາງດ້ານຈິດໃຈ ແລະ ວັດຖຸ ໃຫ້ແກ່ປະຊາຊົນກຳປູເຈຍສາມາດເອົາຊະນະໂລກລະບາດ Covid - 19.
ທ່ານ Leng Peng Long ເລຂາທິການໃຫຍ່ສະພາແຫ່ງຊາດກຳປູເຈຍໄດ້ສະແດງຄວາມຂອບໃຈຕໍ່ສະພາແຫ່ງຊາດຫວຽດນາມ ທີ່ໄດ້ມອບຂອງຂວັນທີ່ມີຄວາມໝາຍໃຫ້ແກ່ສະພາແຫ່ງຊາດ, ສະພາສູງກຳປູເຈຍ. ທ່ານ Leng Peng Long ຖືວ່າ ຂອງຂວັນດັ່ງກ່າວໄດ້ສະແດງໃຫ້ເຫັນນ້ຳໃຈມິດຕະພາບ, ຄວາມສາມັກຄີແບບພິເສດລະຫວ່າງສອງປະເທດ ຫວຽດນາມ - ກຳປູເຈຍ.
(ແຫຼ່ງຄັດຈາກ VOV)