ເລື່ອງທ່ານປະທານປະເທດ ຫງວຽນຊວັນຟຸກ ເຂົ້າຮ່ວມກອງປະຊຸມບໍ່ເປັນທາງການຂອງບັນດາການນຳເສດຖະກິດ APEC ຄັ້ງນີ້ ໄດ້ເປັນການສະແດງໃຫ້ເຫັນໜ້າທີ່ຄວາມຮັບຜິດຊອບ, ຄວາມເປັນເຈົ້າການ, ຕັ້ງໜ້າຂອງຫວຽດນາມ ໃຫ້ແກ່ການຮ່ວມມືໃນ APEC.
ທ່ານຮອງລັດຖະມົນຕີການຕ່າງປະເທດຫວຽດນາມ ຫງວຽນມິນຫວູ. (ພາບ: TTXVN)
ວັນທີ 16 ກໍລະກົດ, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມກອງປະຊຸມບໍ່ເປັນທາງການຂອງບັນດາການນຳເວທີປາໄສຮ່ວມມືເສດຖະກິດອາຊີ-ປາຊີຟິກ (APEC) ທາງອອນລາຍ. ເນື່ອງໃນໂອກາດນີ້, ທ່ານຮອງລັດຖະມົນຕີການຕ່າງປະເທດຫວຽດນາມ ຫງວຽນມິນຫວູ ໄດ້ແລກປ່ຽນກັບສື່ມວນຊົນກ່ຽວກັບຈຸດປະສົງ, ຄວາມໝາຍຂອງກອງປະຊຸມ ແລະ ບັນດາການປະກອບສ່ວນຂອງ ຫວຽດນາມ ໃຫ້ແກ່ APEC.
ທ່ານຮອງລັດຖະມົນຕີ ຫງວຽນມິນຫວູ ໃຫ້ຮູ້ວ່າ ໃນກວ່າໜຶ່ງປີຜ່ານມາ, ໃນສະພາບໂລກລະບາດໂຄວິດ-19 ແຜ່ລະບາດ ແລະ ມີການຜັນແປຢ່າງສັບສົນ, ສົ່ງຜົນກະທົບຢ່າງໜັກໜ່ວງ, ຫຼາຍດ້ານເຖິງທຸກດ້ານຂອງເສດຖະກິດ, ສັງຄົມຂອງບັນດາປະເທດ ແລະ ບັນດາພື້ນຖານເສດຖະກິດນັ້ນ, APEC ໄດ້ສະແດງໃຫ້ເຫັນເລື່ອງເປັນເຈົ້າການ, ຕັ້ງໜ້າ, ກໍຄືກຳລັງຄວາມສາມາດຮັບມືກັບສະພາບການດັ່ງກ່າວ. ທ່ານຮອງລັດຖະມົນຕີເນັ້ນໜັກວ່າ, ເລື່ອງທ່ານປະທານປະເທດ ຫງວຽນຊວັນຟຸກ ເຂົ້າຮ່ວມກອງປະຊຸມບໍ່ເປັນທາງການຂອງບັນດາການນຳເສດຖະກິດ APEC ຄັ້ງນີ້ ໄດ້ເປັນການສະແດງໃຫ້ເຫັນໜ້າທີ່ຄວາມຮັບຜິດຊອບ, ຄວາມເປັນເຈົ້າການ, ຕັ້ງໜ້າຂອງຫວຽດນາມ ໃຫ້ແກ່ການຮ່ວມມືໃນ APEC, ຜ່ານນັ້ນ ກໍ່ຍົກສູງທີ່ຕັ້ງຂອງຫວຽດນາມ ກວ່າອີກ, ພ້ອມກັນນັ້ນກໍ່ປະກອບສ່ວນຍົກສູງບົດບາດ, ທີ່ຕັ້ງຂອງເວທີປາໄສ APEC ໃນໂຄງສ້າງບໍລິຫານເສດຖະກິດທົ່ວໂລກ.
(ແຫຼ່ງຄັດຈາກ VOV)