ສະຫາຍເລຂາທິການໃຫຍ່, ປະທານປະເທດ ລາວ ໄປວາງພວງມາລາຢູ່ສຸສານ ປະທານໂຮ່ຈີມິນ. (ພາບ: ຟ້າມກຽນ-VNA)

ໂດຍສືບຕໍ່ບັນດາການເຄື່ອນໄຫວໃນຂອບເຂດການຢ້ຽມຢາມທາງລັດຖະກິດຢູ່ ຫວຽດນາມ, ຕອນເຊົ້າວັນທີ 11 ກັນຍາ, ສະຫາຍ ເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງພັກ, ລັດ ລາວ ໄດ້ໄປວາງພວງມາລາ, ເຂົ້າສຸສານ ອາໄລຫາປະທານໂຮ່ຈີມິນ. ພວງມາລາຂອງຄະນະມີແຖວໜັງສື: ປະທານໂຮ່ຈີມິນ ຍືນຍົງຄົງຕົວໃນພາລະກິດແຫ່ງການປະຕິວັດຂອງພວກເຮົາຕະຫຼອດໄປ.

ຫຼັງຈາກນັ້ນ, ສະຫາຍ ເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງພັກ, ລັດ ລາວໄດ້ໄປວາງພວງມາລາ​ທີ່​ອະນຸສອນ​ສະຖານ​ວິລະ​ຊົນ ​ຜູ້ທ່ີເສຍສະຫຼະຊີວິດເພື່ອຊາດ ​ຢູ່​ຖະໜົນ ບັກ​ເຊີນ, ຮ່າ​ໂນ້ຍ. ພວງມາລາຂອງຄະນະມີແຖວໜັງສືຂຽນວ່າ: ຈົດຈຳວິລະກຳຂອງບັນດານັກຮົບປະຕິວັດ ຫວຽດນາມ ໄປຊົ່ວກາລະນານ.